上集講到:龍一知道Fanny唔舒服好擔心,又唔好意思開口,之後瓜子好醒目咁將屋企既地址同鎖匙比左龍一,跟住龍一就去左Fanny屋企搵Fanny….

Give You My Heart~第十五集~

龍一周圍咁搵Fanny屋企,而係屋企既Fanny根本唔知龍一去緊搵自己,仲係屋企開Another Days開得好大聲添~

Fanny(個心諗):唔知佢地係度做緊咩呢?唔駛問慶太緊係同瓜子做埋晒d嘔心既行為啦~而涼平同美子大家都係怕羞既人~咁佢地咪好尷尬囉?(Fanny諗度呢個情景已經笑左出黎)咁龍一會點呢?(Fanny一諗起龍一已經冇晒心機)!

龍一(離遠已經聽到自己隻新碟啦~個心係度諗):肯定係Fanny呀~好似係呢間喎~

仍然懞性性既Fanny係屋企又冇野做,諗住上房睇下有咩可以攪下咁,因為歌聲太大聲,龍一開左門入埋自己屋企都唔知!

龍一:條鎖匙又岩,歌聲又咁大~唔會錯啦掛~唔見Fanny既?

當Fanny見個房冇野好攪就落樓之際,佢見到龍一企左佢面前,呆左…

Fanny(嚇左一大跳):你….你點解會係呢度嫁?你唔係同佢地食緊野咩?你點識黎我屋企嫁?你幾時入黎嫁?你點樣入到黎我屋企嫁?

龍一聽到Fanny既一連串問題,再睇埋Fanny咁慌張既樣,不禁笑左出黎~

龍一(笑住咁):你唔駛咁驚喎~條鎖匙係瓜子比我既~連個地址都係瓜子寫比我既~你上左樓個陣我已經入左黎啦~因為你d音樂聲太大啦~所以你咪聽唔到我開門囉~我答晒你d問題啦!到我問未呀?

Fanny(冷靜番之後,唔想龍一問自己野):唔好意思呀~你入左黎咁耐我都未招呼你坐添~你飲唔飲野呀?你隨便坐下先啦~我上房執埋d野先呀~(轉身就想走)

龍一(捉住Fanny):Fanny呀~你唔駛咁拘緊喎~你坐低先啦~你係唔係一直都介意我同阿依既事呀?

Fanny(一直都唔敢望住龍一,又唔知點答好):我,….我唔知呀~你唔好問我啦~

龍一(一直望住Fanny):你望住我呀!(Fanny晒面紅晒咁望住龍一)我的確有陣會掛住阿依,但係呢d只不過係懷念嫁咋~冇其他嫁!我好清楚我而家鍾意既人係你呀~可能你仲好驚我會鍾意番阿依~但係你要比d時間我証明比你睇,我鍾意既人係你!Fanny,你信我呀~

Fanny(聽到龍一咁講,個心已經甜晒啦):咁我比d時間你啦~

龍一(聽到Fanny咁講,個人開心晒):Fanny~係喎!等我睇下你間房先~睇下有冇收埋我d相先~

Fanny:想我收埋你d相?你梗係未訓醒啦!唔准上我間房呀~女仔房係男仔既禁地黎嫁,喂~

而係餐廳既涼平,慶太同瓜子,美子岩岩行開左….

瓜子:唔知龍一攪唔攪得掂呢?

慶太:龍一有計嫁啦~你唔駛為佢擔心喎~(望住涼平)我而家擔心既係仲有個人未得喎~

涼平:望住我做咩喎~

慶太:你同美子幾時拉埋天窗呀?仲差你地咋喎~我好有信心龍一會同Fanny一齊喎!到時我地兩pair人出街~~得你一個人就唔係咁好啦~