Missing
you (十七)
[有一個星期日,鈴約o左真紗出去行街街]
真紗:你今日搵我出o黎做乜呀??
鈴:你唔想見到我咩??
真紗:唔係…..
鈴:咁咪得囉,我今日得閒,又冇o野做,知你唔多開心,咪搵你o黎囉!!
真紗:邊個話我唔開心ga!!
鈴:你冇事就當係陪下我啦,一於咁講啦,行啦!!
〔鈴就拖住真紗o係涉谷行街,跟住佢地就o係第一次見面o既café
shop飲o野〕
鈴:好懷念呢到呀~~~同你第一次呢到飲o野,我又係o係呢到識龍一~~
真紗:係咩?!鈴呀,我….
鈴:嗯?!你有o野就講啦!
真紗:我講o左你唔好誤會喎!!
鈴:OK!
真紗:你鍾意龍一D乜呀??
鈴:啃….仲以為你問乜添,原本問呢樣o野,嗯…..我都唔知呀,佢雖然冇理正經,又鍾意玩人,又唔係靚仔,但係同佢一齊就好舒服,我好開心遊樂場o個次我唔舒服,佢咁鍾意玩都唔玩陪我,佢有時都好細心o既,好為得人!!!你點解咁問??
真紗:冇呀….咁龍一係大明星,你唔覺好辛苦ga咩??
鈴:佢邊到係乜o野大明星呀!係就係唔係好常見面,我聽人講過
“愛一個人,也許有綿長的痛苦,但他給我的快樂,也是世上最大的快樂。”你係真心鍾意佢,你就唔會介意你付出幾多,你話係咪??
真紗:係o既………
鈴:你冇一個可以令你為佢付出o既人咩??
〔真紗腦海裡面浮玩o左慶太o個樣〕
真紗:冇….冇呀….
鈴:係咩???
〔呢個時候,餐廳播出W-inds首新歌:Another
Days〕
鈴:咦,慶太佢地首新歌喎,真係唔錯,首歌裡面有一句
“重疊了的回憶碎片
是令人耀眼而又溫暖似的難受”每個人都有唔同o既回憶,冇可能每個回憶都係開心o既!你為一個唔開心o既回憶而放棄你擁有第二個美好回憶o既機會,我覺得唔值囉,你話係咪??
真紗:唔好為一個唔開心o既回憶而放棄另一個回憶?
鈴:係呀,你想得到耀眼而又溫暖o既回憶,你就唔應該放棄每一個機會,即使你又一次碰到唔開心o既回憶,你咪當係人生一段插曲,人生要有唔同o既插曲先有美好o既樂章!!
真紗:多謝你呀,我明啦~~我走先啦,拜拜~~
〔真紗聽自鈴o既一番話之後,就走o左去,佢去邊?咪係去搵慶太囉,鈴o係真紗走o左之後,就用手機打電話〕
鈴:喂,係呀,好順利,佢應該去緊你到,你地自己執生!
〔真紗一路跑,終於去到W-inds個宿舍,當佢想按門鈴o既時,聽到入面有人好大聲咁罵交,佢就企o左o係門口聽……〕
涼平:慶太你,你係咪為o左佢你咁做先???
龍一:咪係,為佢而放棄事業,你覺得值咩??你唔係講過你係好鍾意唱歌,同埋O係人面前表演ga咩???
涼平:你唔念兄弟情啦咩??
慶太:我…..
龍一:你講呀!!你竟然為真紗而放棄W-inds??你仲有我地兩個o係心到o既??
真紗
“咩話??”
慶太:你地唔明,我可以為佢做任何o野!!
涼平:連我地都唔理??
慶太:當你好似我咁鍾意一個人o既時侯,你就會明!只要可以得到佢,我寧願冇哂所有o野!
〔真紗唔想再聽,佢已經喊都收唔到聲,佢因為走得太急,留o左個手袋o係慶太屋企門口,慶太開門,見到真紗個手袋…〕