New-age dream

上集講到:小妮子同瓜子一齊整估希子,自己大難臨頭都唔知……

~第二集~

好快就到左第二日,因為小妮子同瓜子既一時貪玩而激嬲左希子,今日希子一早就係學校門口得佢地兩個,而瓜子佢地仲未知有事……

美加(好趕咁,自己愈行愈快):快d啦!早知唔等埋你地我自己番學啦!死啦!都唔知會唔會遲到添呀!

瓜子(好姿柔):駛唔駛咁趕呀?而家先7.49!我地學校8.10先打鐘呀~美加!

小妮子:咪就係~美加!你唔好咁緊張啦~慢慢行啦~好眼訓呀~

瓜子(左望右望):阿妮!唔見左美加添!

小妮小(毫不在乎咁):你第一日識佢咩?佢一趕時間就自己走先嫁啦~番到班房咪搵到佢囉~

瓜子(見到美加番轉頭):唔係呀!最大問題係美加識跑番番黎喎~

美加(跑到上氣唔接下氣咁):希…..希子佢……佢

小妮子(見美加面都青埋):希子佢打你呀?你抖順條氣先啦~

美加:唔係呀!希子佢地係學校門口等緊你同瓜子呀~你地要小心d啦~

瓜子:車!我仲以為有咩野添!希子咋!佢試下打我呀!我實搵佢老豆傾曷呀!阿妮,行啦!

小妮子:好呀~美加你拖住我呀~唔駛驚~萬大事有我同瓜子~

佢地幾個行到去門口~見到希子佢地鬼咁惡死~小妮子拖住美加諗住同瓜子一齊行入門口!點知比希子阻住左……

希子(好惡死咁):阿妮~你琴日唔係好威嫁咩?學人報串!你知唔知我老豆係邊個呀?

小妮子(啤住希子):我知你老豆係邊個~全校都知嫁啦~不過咁又點呀?

瓜子(支持小妮子):咪就係!我地報串係維護班中秩序!何況呢d唔係叫報串!係叫舉報!

希子(諗住郁手打瓜子):你個死八婆!咁串~

瓜子(見到校長黎緊):你老豆黎搵女呀~

希子(望下後面,見到校長黎左):校….校長!我地番上去上堂先呀~

校長(阻係希子同佢D朋友):企係度~(望住瓜子佢地)你地番上課室先啦~

美加(仲好驚咁):頭先真係比你地嚇得我呀~

瓜子(安撫美加):唔駛咁驚喎~我睇希子個勢都唔會對我地點!何況如果佢真係打我地~我唔信我同阿妮都唔夠佢打呀~阿妮你話係唔係呀

小妮子:咪就係~美加~如果希子對你唔好既話~你就同我地講啦~

美加:知道啦~行快d啦~如果唔係阿sir會對我地唔好架~

瓜子:哈哈!阿妮呀~我前幾日見到有間雜誌社請model呀~不如我地試下囉~

小妮子:雜誌社?咁我地放學去睇下囉~上堂啦!

瓜子:唔知個度會唔會有靚仔呢?

小妮子(串瓜子):有靚仔你都溝唔到啦~諗黎做咩呀?

瓜子(兩個互串對方):你講緊自己呀?唔好咁自卑啦~我唔會笑你架~

小妮子(不甘示弱:)你傻左呀?講晒自己d優點出黎~

美加(怕比阿sir知,所以好細聲):你地唔好嘈啦~聽左書先啦~放學先傾啦~

瓜子同小妮子(好慘咁):美加!我地唔嘈住你~希望你唔好叫我地聽書啦~