上集講到:希子想搵瓜子同小妮子報仇~點知比自己老豆阻住左~令希子對佢地既憎恨愈來愈深……

New-age dream~第三集~

放左學之後,瓜子同小妮子送左美加番屋企之後,佢地就去睇下招募model….

瓜子(見到希子係model公司度面緊試):阿妮~隻怪物都係度面試呀~

小妮子:嘩!怪物都可以面試~咁我地實掂過碌蔗啦~~

瓜子(放心番):咁又係喎~聽講比佢睇中可以去日本取景架~

小妮子(聽到有得去日本,好開心):有得去日本!咁咪可以見到龍一囉?哈哈…

瓜子(將個頭梳黎梳去):得唔得呀?我個樣有冇咩異樣呀?

小妮子(忙終執下自己個樣):今期你靚晒啦~咁我得唔得呀?

瓜子:靚到啪啪聲呀~入去囉!我地唔好咁緊張呀~

小妮子:我地兩個拖住手啦!冇咁驚架~

佢地兩個入到佢model公司,填完form之後,係度等佢面試…

小妮子(有d緊張):死啦~我好驚呀~唔知要做d咩呢?

瓜子:你放鬆d啦!我仲緊張過你呀~(聽到有人嗌佢地個名)到我地啦~唔駛驚喎~

佢地兩個入到去,評判叫問左d問題,佢地兩個雖然冇準備!但係答起上黎都有板有眼~冇幾耐!d人叫佢地番去等消息…

瓜子(好失望):死啦~叫得等消息都唔會有我地份啦~

小妮子:係啦~冇得去日本啦!冇得見龍一啦!

好快又過左一個星期…..

瓜子(好緊張咁):死啦~成個禮拜啦都冇消息!今日係最後一日通知啦!

小妮子:定d黎啦~今日放學快d番屋企得下啦~

佢地放學之後,就用極速跑番屋企睇下有冇信~

瓜子(番到屋企,鞋都未放下):阿媽~今日有冇信係比我嫁?

阿媽(好諤然):好似有兩封係你嫁,係你房呀~

瓜子(見到自己入左model):好野~有得去日本!哈哈!(呢個時候電話響起)阿妮呀?你都入左呀!我都係呀~發達啦~有得去日本搵慶太同龍一啦!

小妮子(電話令一邊):咁美加點呀?我地唔可以得佢一個係香港嫁喎~

瓜子:咁等我打電話比美加啦!(打左電話比美加)美加呀?你做咩呀?

美加(邊喊邊講):我阿爸過遲d要移民去日本呀!我唔捨得唔你地呀~

瓜子(講晒佢同小妮子d野):咁我地咪可以一齊去日本囉~

美加(知道左佢地都去日本):好野~我地可以搵涼平啦!

瓜子:咁我地下個星期係日本見啦~

美加:到時你地實會好紅!你地要加油呀~

瓜子(好興奮):希望啦!

好快就到上機既日子,小妮子同屋企人道別之後與瓜子一齊去機場,佢地都好興奮!因為可以去日本,又可能見慶太同龍一!佢地一上機就傾過唔停,正式開始佢地日本之旅!