上集講到:希子知道左瓜子同小妮子都有黎日本!希子知道小妮子鍾意龍一,所以決定向龍一埋手……

New-age dream~第七集~

到左第二日,新晉model需要面對鏡頭,要分組影相,而瓜子同小妮子好不幸咁同埋希子佢地一組…..

瓜子(好無奈):真係冤家路窄!又會同希子一組都有既!

小妮子:冇計啦!陣間執生呀!希子實用盡辦法對付我地嫁!小心d啦!

希子(好串咁):瓜子,阿妮我地又見面啦!真係唔明呢間咩公司黎嫁~連你地呢d咁既人都入到圍!對我地呢d有實力既人真係唔公平呀!

瓜子:咁又係呀!你呢d咁既騎呢怪都叫靚女!唔怪之得我地入得咁易啦!

小妮子:瓜子呀!唔好同佢講咁多野啦!佢咁樣衰萬一過左比我地就弊啦!走啦!

希子(好嬲咁):死靚妹呀!睇住行呀你!

瓜子同小妮子(好齊心咁):大家咁話啦!

到佢地幾個影相,希子專登大d動作諗住阻住瓜子同小妮子,點知……

攝影師(指住希子):你呀!你叫咩名呀?

希子(以為自己比人賞識,好開心):我叫希子!!係咩事呀?

攝影師(好激動咁):希子呀!你可唔可以唔好咁大動作呀?你知唔知道會阻住人架?

希子(比人鬧鑊金):對唔住呀!我會留意下架啦!

瓜子同小妮子(已經笑到出唔到聲):抵….抵死呀!哈哈~~~

瓜子同小妮子好比心機影相,原來w-inds.一早黎左睇佢地…….

龍一(見慶太陰陰咀係度笑):慶太?你笑咩咁奸呀?

慶太(好開心):你覺唔覺得瓜子笑得好靚呀?

龍一:哦!原來我地慶太嗒人地糖!

慶太:乜你咁講野嫁?我欣賞佢咋嗎!唔識野!

龍一(奸笑):呢d咁深既野我就真係唔識啦!

影左好耐….

工作人員:今日到此為止,可以番去休息啦!唔該晒咁多位!

瓜子:笑都面都梗埋啦!

小妮子:快d番屋企沖個涼,出街行下囉!

美加(係好遠嗌過黎):瓜子,阿妮!

涼平(聽到把聲幾好,八掛望下):嘩!呢個真係靚女呀!

龍一(見涼平眼金金咁望住人):做咩呀?見人靚鍾意人呀?

涼平(見個女仔行埋瓜子度):慶太!個女仔識瓜子架!不如我地過去囉!

慶太:瓜子!涼平想問下(指住美加)呢位係邊位喎!

美加(見到涼平開心到傻左):我…我叫美加呀!請多多指教!

龍一(行左去小妮子身邊):阿妮!你頭先笑得好甜呀!

希子(見到龍一,跑過黎攬住佢):龍一!我好掛住你呀!做咩黎到都唔睇下人喎!