上集講到:winds去到影相場地見唔到瓜子佢地,好擔心…

New-age dream~第十二集~

w-inds.去左問一個比較熟既工作人員,先得知瓜子佢地比人趕走左,而罪魁禍首係希子…….

龍一(好內疚):都係我唔好啦!如果我唔話希子,佢就唔會向阿妮個d報復啦!

慶太(安慰龍一):都唔可以怪你既!根本係希子衰!估唔到佢會向老闆落手啦!

涼平(好擔心):死啦!唔通我地以後都見唔到佢地?

當佢地仲擔心緊既時候,聽到瓜子把聲…..

瓜子(行過去希子身邊):希子!老闆係邊呀?我有事搵佢呀!

希子(好串咁):乜你地仲有資格搵老闆咩?何況我地老闆係唔會見d閒人架喎!

小妮子:咁又係呀!係呢度邊個比得上你同老闆咁熟呀?我地黎係比番條鎖匙佢既!

希子(以為瓜子同小妮子番香港):係喎!唔記得左你地要番香港添!真係慘囉!條鎖匙比我得啦!你地快d上機啦!如果唔係會阻住個地球轉架!

小妮子:鎖匙我實會比!(專登跌左條鎖匙)哎呀!真係唔好意思呀!唔小心跌左僝鎖匙喎!我今日條腰又有d痛,唔可以同你執番啦!你慢慢啦!係咁啦!再見!

瓜子:阿妮!梗係唔好再見啦!再見要買外賣架!應該話以後唔好比我見到你!

佢地兩個走個陣,見到w-inds.望住佢地…..

瓜子(見到小妮子望住龍一):阿妮!唔好望啦!遲d先搵佢地啦!如果唔係比希子知你掛住龍一,又唔知會對佢對d乜架啦!走啦!

小妮子(好唔捨得咁):你講得岩既!走啦!

龍一(好唔捨得阿妮):慶太呀!我地以後係唔係都唔可以見佢地呀?

慶太(望住瓜子走):我希望唔係啦!

希子(見到全場人望住瓜子同小妮子走):望咩呀?你地係唔係都想好似佢地咁比人趕走呀?講我聽囉!龍一!你過黎同我一齊影!

涼平(見龍一冇咩反應):龍一呀!希子叫你同佢一齊影相呀!快d過去啦!如果唔係陣間仲慘呀!去啦!

龍一(好唔願意):要我同個犯眾憎既人影相?唔係呀?簡直貶低我人格啦!

希子(見龍一唔過黎):龍一!你仲唔過黎!你唔係要我等你呀?

慶太:龍一!你忍下啦!陣間影完相就唔駛見到佢啦!

龍一係好唔願意既情況下,終於影完相,而慶太同涼平都唔係好過,因為朋友甲乙都煩係佢地兩個…….

慶太(鬆左一口氣):終於影完啦!真係希望快d離開呢個恐怖地方呀!

涼平(見到希子既朋友甲乙跑緊過黎):我諗都幾難啦!你睇下又黎啦!

希子:龍一呀!今晚我屋企開慶功宴,慶祝d相好順利影完呀!你地三個一定要黎呀!

龍一(好唔想去):我地睇下點先啦!未必會黎架!(想轉身就走)

希子(捉住龍一):我有d關於阿妮佢地既野同你講呀!你地今晚點都要黎呀!記住呀!

W-inds.聽到呢句之後,大家商量左好耐……

慶太:去就去啦!可能我地去瓜子佢地可以番黎做model架!