上集講到:希子又有計仔,令自己可以得到龍一……..

new-age dream~第十集~

好快到左第二日….

瓜子(準備好晒):阿妮!你行得未呀?再唔出門口就遲到啦!

小妮子(衣衫不整咁):比多3分鐘我!我梳埋個頭就得架啦!

瓜子(轉向美加):美加呀!你今日第一日番學喎!有咩感覺呀?

美加(好緊張咁):冇..冇乜野!好似平時咁番學咋嗎!會有咩感覺喎!

小妮子(攪掂晒,望望美加):冇乜野?你照下塊鏡啦!你d青筋緊張到爆晒出黎啦!

美加(不知所措):唔係呀?(立即跑去廁所照鏡)哎呀!死囉!塊面青BB咁!實嚇親人啦!

瓜子(望望隻錶):嘩!咁晏啦!阿妮,快d走啦!(轉向美加)美加!我地出門口啦!你自己小心d啦掰掰!

瓜子同小妮子終於出左門口,佢地用最快速度去影相場地…..

瓜子(到左場地):到啦!到啦!唔駛再行啦!好攰呀!

小妮子(仲未抖順條氣):我….我冇氣啦!其實而家仲有大把人未到啦!駛唔駛咁趕呀?

瓜子:我地等人好過人地等我地呀嗎!咁樣比人印象都好d啦!

工作人員(見到瓜子同小妮子到左):你地咁準時!比你地早d影相先早d收工啦!

瓜子同小妮子(好感激):唔該晒你呀!你真係好人呀!我地換衫先呀!(轉向小妮子)係唔係呀?

小妮子:今次你叻晒啦!快d去換衫啦!叻女!

佢地兩個換晒衫,好快就影晒相,坐埋一邊休息….

小妮子(好開心):點解d時間過得咁慢既?我做好晒d野都仲係咁早?真係好!

瓜子:都話早d到好d架啦!你睇下而家我地幾舒服!

工作人員:瓜子呀!你地兩個同其他人影多少少就收得工架啦!

瓜子同小妮子:係既!我想問下會同邊幾個影呀?

工作人員:我睇下先呀!(睇完名單)同希子個幾個囉!

小妮子(細細聲):唔係呀?又撞鬼呀!

瓜子:唔緊要啦!好快就影完啦!見多佢地一陣咋嗎!

希子(知道同瓜子佢地一齊影之後):唔係呀?又係同佢地影呀?真係貶低晒我啦!!

佢地幾個影左好幾次,因為希子諸多挑釁而要影多好多次….

希子(睇下影完d相):唔得呀!你睇下你地影到我粒暗瘡呀!再影過啦!

工作人員(好煩):希子呀嗎!成個場得你最煩,要影咁多次架咋!我地想影你個件衫咋!你個樣都唔重要!我地唔會再影架啦!阻住晒!全體休息啦!

瓜子:抵佢死啦!比人話!(見到model公司總裁)老闆呀!

小妮子(見到希子行左過老闆身邊):你睇下希子好似同老闆好熟咁喎!

老闆:全體人聽住!今日d相由希子負責執!

工作人員:老闆!咁樣會阻礙進度架喎!

老闆(好惡咁):你都識叫我做老闆啦!我話點就點!你唔想做就可以走!

身後既工作人員係度講:我話個個希子梗係同老闆做過d咩啦!如果唔係老闆點會咁聽佢話呀!

瓜子(係小妮子耳邊):原來希子同老闆有野呀!咁我地都幾難有出頭日啦!

小妮子(嘆氣):唉!真係估唔到希子會做d咁既野呀!