上集講到:美加佢地決定左下個月8號番香港,而w-inds.仲未知道呢件事,個心只係諗辦法向瓜子佢地解釋…….

New-age dream~第十六集~

係一個月黎, winds亦多次搵阿妮佢地解釋都搵唔到阿妮佢地,因為瓜子佢地周圍去玩,諗住以最開心既心情番香港….

慶太(好煩惱):瓜子佢好好似失蹤咁!搵左佢地成個月啦!

涼平:如果佢地係有心避開我地既話,我地又點會搵到佢地呀?

龍一(好冇心機):唉!而家都唔知點算!希望佢地仲係日本啦!

慶太:我沖涼先啦!表演左成日好攰啦!

涼平:咁我出去掉垃圾呀!龍一!睇住個門口呀!

龍一(聽度出面好嘈):做咩事咁夜出面都咁嘈既?(望出左窗外,見到瓜子佢地岩岩番屋企,立即跑出去)阿妮!

小妮子(本來同瓜子,美加傾得好開心):邊個叫我呀?(轉身見到係龍一,笑唔出)係你呀?咁岩既?

慶太(見到龍一走左出屋外,跟隨出去):龍一呀!你做咩唔聲唔聲出左黎呀?(見到瓜子係自己面前)瓜子!我搵左你好耐啦!你點解要避開我呀?

涼平(捉住美加唔比佢走):美加!你近排去左邊呀?我搵極都搵唔到你呀!

小妮子(扮冷靜):係呢!冇見你成個月!你同希子行成點呀?

龍一(好緊張):你個日見到個d全部都係希子既安排黎架!我同希子真係冇野架!

小妮子(諗番起當日既情形):你唔駛同我解釋喎!何況我都唔想聽!

龍一:你根本就係仲嬲緊!你明明係鍾意我架!點解唔應喎!

小妮子(諗住自己就番香港,唔想再諗住龍一):好心你唔好咁自大啦!邊個話比你聽我鍾意你呀?仲有呀!我根本冇嬲過你!不過聽完你咁自大我就要對你改觀啦!

美加(推開涼平):我諗我地都係唔好再見啦!我地聽日就番香港架啦!

瓜子(撞一撞,好細聲咁):美加呀!你做咩同佢地講我地要番香港呀?

慶太(聽到好諤然):瓜子!美加,講既野係唔係真架?你地做咩要番香港呀?

瓜子(想慶太死心):你好煩呀!我番香港駛唔駛話比你聽呀?你又唔係我邊個!

龍一(捉住小妮子):係唔係因為個件事所以你要番香港呀?全部都係誤會黎架!

小妮子(用盡力都推唔開龍一):你行開啦!我番香港係因為我唔鍾意日本呀!我唔想留係度呀!同你無關呀!你唔好以為咩都關你事啦!

美加(忍住喊):你地唔好再煩住我地啦!我地亦都唔會再見你地架啦!

W-inds.眼白白見住自己心愛既人離開自己,但係都冇辦法阻止而感到好無奈,而番到屋企既瓜子佢地亦都好唔開心,明明係鍾意對方,就係一場講唔清既誤會而分開..….

美加(邊執野邊講):我地聽日就上機啦!今晚執好晒d野呀!

瓜子(掛住慶太):我地頭先咁做會唔會過份左少少呀?坦白講呀!我都有唔捨得架!

美加(已經喊左出黎):我都好掛住涼平!但係當我諗起佢地係希子間屋行出黎陣!仲有朋友甲乙捉住佢,我就好嬲啦!

小妮子(熱淚盈眶咁):時間可以沖淡一切!希望佢地耐左會忘記我地啦!