上集講到:w-inds.因為美加唔小心而知道左瓜子佢地聽日就番香港,但係又冇辦法解釋而好無奈……

New-age dream~第十七集~

今日就係瓜子佢地番香港既日子,佢地三個琴晚都因為見到w-inds.訓唔到…..

瓜子(好早準備好晒):不如我地早d去機場囉!係度留多陣,我怕會唔捨得呀!

美加(好唔捨得咁):你講得都岩既!咁等我同阿妮梳洗完就出門口啦!

小妮子(個樣好殘):瓜子呀!你係唔係好唔捨得慶太呀?其實佢地都只不過係希子間屋走出黎咋嗎~都冇過d咩!你地大可以原諒佢地架!

瓜子(拍下阿妮膊頭):唔通你捨得龍一咩?你都大可能聽龍一解釋架!點解你又唔去呀?

小妮子(諗番起當日情形):我點同你地呀!我親眼見到希子攬住龍一!你叫我點可以冷靜呀!我自己知自己事啦!

美加:其實今次我地黎到日本都冇諗過會撞到佢地既!仲有機會同佢地發展!可能今次太突然啦!連個天都要我地見都d咁既野,而同佢地分開啦!

佢地三個邊嘆息邊搭車去機場,佢地係機場等左一陣…..

美加:不如我地早d入閘等上機啦!(同阿妮諗住起身走個陣)

瓜子(捉住佢地兩個):不如等多3個字呀!如果慶太佢地冇黎叫我地唔好走先入閘呀!得唔得呀?橫掂我地仲有咁多時間!

小妮子(都想睇下龍一會唔會黎):好呀!我都想知龍一會唔會黎同我解釋!

美加(好開心):咁我地等多陣啦!

佢地等左好多個3個字,都仲未到w-inds.既出現……

瓜子(心都淡埋):算啦!我地都等左咁耐啦!我諗佢地唔會黎架啦!我地入閘啦!

小妮子(好唔捨得):估唔到龍一真係唔黎!咁我都冇咩掛住啦!美加!行啦!

美加(仲想等多陣):但係可以佢地趕緊黎呢!不如等多陣添啦!

瓜子(拖住美加):唔好等啦!我地要走啦!如果唔係上唔到機架啦!

當佢地三個都帶住傷心入閘既時候,美加聽到好似有人嗌自己….

美加(扯住瓜子):我好似聽到人人嗌我個名呀!行前d睇下啦!

小妮子(左望右望):邊度有人呀?你自己聽錯咋!

瓜子(見到慶太離遠跑緊過黎):慶太呀!佢地黎左呀!佢地真係黎左呀!

小妮子(即刻睇下龍一有冇黎):係咩?咁你見唔見龍一呀?

龍一(突然間係小妮身邊出現):阿妮!我係度呀!你可唔可以唔好番香港呀?我真係同希子冇野架!你信我啦!

小妮子(講都唔講攬住龍一):我幾驚你唔黎呀!你唔黎我就要番香港架啦!

慶太(攬住瓜子):我唔會再比你走架!你唔准番香港呀!

瓜子(比慶太攬住已經好開心):你開到聲!我即刻唔走!留係度同你一齊!

美加(見涼平身水身汗咁):你睇下你幾大汗呀!仲唔搵野抹下佢!

涼平(拖住美加):如果你可以唔走!我再大汗d又點話喎!!好在你頭先聽到有人嗌你咋!如果唔係我地都追唔到你地呀!