D i a r y
嘩，原來我好耐都冇寫過日記喇！成十日咁多！不過都唔知有冇人睇既…哈哈。聖誕節咁就過左喇，果日都唔知算開心定唔開心。不過我覺得26號開心D。好快又到新既一年喇！有時，我係到諗自已係呢一年裡面做過D乜，但係除左食同玩之外，我真係諗唔到！成日都好似好忙咁，咪係忙住去玩囉！新既一年我都冇咩大計呀，想跳好D舞囉算唔算呢？！咁你地呢？？ |
琴日係我第一次親手整cookies呀！哈哈，原來好難架，又要整呢樣整果樣咁。不過好好玩呀！第一份放入焗櫨焗既cookies就焗到衰左，不過好彩第二、三份都整得好好味呀！真係好好玩架！又可以整唔同既味道喎！不過我唔敢整得太多呀，因為好肥架！其實我都好想整下cake架，不過好似好難咁，所以等我睇明左個食譜先啦！ |
今日又係一早起身去補習，好開心呀，因為我received到今年第一份聖誕禮物呀！Emily送俾我架！係一隻"The Stars"既Ballet Vcd同一個Ballet既相o架。我真係好鐘意呀！不過我好衰呀、冇準備禮物俾佢。補完之後就去跳舞喇！可能冇乜食野，所以有D手軟腳軟呀！！跳完就番屋企喇！！想睇下Emily送俾我既禮物就去favourtie到睇下啦！！ |
唉…最唔想面對既一日終於到左喇！今日miss話左俾我地知考P-ELM既成績…其實都預左唔係咁好，出左黎D成績又唔係差得好緊要，不過點都有D唔開心囉。我已經做左D野黎罰自已喇。我亞媽又咁對我…果陣幾想cry，但係又唔可以喎！好辛苦呀。好想有個人係身邊安慰下我，分擔下我D唔開心呀…呢個人幾時先肯出現架。不過千其唔好同我講叫我唔好跳舞之類果d野！因為我最憎人話跳舞唔好！尤其是男仔呀！鐘意我就鐘意埋跳舞啦！如果唔係BYE BYE！！ |
今日終於好番D喇，病左兩日喇！琴日訓左成日，訓到個人都傻傻地！好耐冇試過病喇，真係好辛苦呀！！乜都做唔到，好彩而家冇乜事！ |
等左咁耐終於到左今日喇！今日就表演喇！心情緊係超緊張啦！所以一早7點幾就起左身喇，之後咪上下網，食下野咁就去彩排喇！不過可能因為今日咩啦，所以成日好似冇乜力咁，之後到左4點鐘到就到我地隻跳出場喇！哈哈…最後我都冇轉到多個圈，因為冇位…不過佢地真係跳得好好呀！今日都幾開心呀，不過有個遺憾係自已跳得唔好囉……下次努力！！！ |
今日又係要教跳舞，好開心呀，因為佢地都明我講D乜，同埋做得都幾好！康琪真係好cute呀！教到2點半就去tuen mum教喇。見到佢地我待別開心架，因為佢地好乖，又叻叻。聽日表演喇，今日先走去屈親隻腳…@#$%&！！不過好彩試過跳幾下都冇事。頭先亞某人同我講左之野，我聽完之後都有少少~心動~既。不過我都係會放長雙眼去睇，睇下你咪真係咁想同我together先！不過你同我講果D野真係令我對你睇法唔同左！希望果d唔係你一時既花言巧語啦。 |
今日係以前間學校既畢業禮，我同架妹大約兩點到番到去，點知成3點先開始喎，坐左係禮堂成個鐘，悶到我地死呀！！到左4點到先講完，跟住我地就去食野，食左好多呀，咁好味呀嘛。食完我地行左陣就去跳舞喇！不過行到我成隻野咁……去到都遲左4個字lu....跳完我又出番旺角去搵佢地，then食下飯，行下咁就又番屋企喇……好重呀D書>_< |
換左個日記呀！因為舊果個成日都開唔到既！！今日一早起身上網，跟住見到多左幾個message，真係好開心呀！希望會有多d人黎啦…之後食左少少野就去tuen mum喇！早左成個鐘入到去，咁我咪周圍行下囉，不過都行到厭晒喇。Then就去買左d野食！好好味呀，不過唔可以食咁多，因為會肥架！之後補完習就去跳舞喇！今日都幾"支力"呀…… |
