2nd Grad Tour: Thailand
[15June ~ 19June]
Denise, Sabi, Xenia & Yetta
Thailand去就去左好多次啦, 但係今次係第一次同佢地去玩, 感覺唔同架！去過既地方都係果d啦: 四面佛; Dream World; Night Market; 大開眼界夢幻表演(最無聊, 有無牌少爺占, 哈哈); Swim; Honey; 寶石城; 泰式按摩; BIG C; 大自然之旅; 如來佛寺; 老虎仔樂園; 海味土產店; Suan-Lum Night Market; 純天然植物保健中心; Siam Panagon; Siam Ocean World; Siam Center... 啊~~~ 仲有d超爆笑既野發生在Pattaya Hotel at night, 都因我食得太多野既原故, 笑到咀都裂呀, 哈哈哈哈~~~
無牌少爺占
呢個Sight, 包含左Magic Show & 比你睇d夢幻野==>即係假野... 最無聊, 即係好似大陸比你睇果d得個頭, 無下身,下身係個花瓶咁果d... 好無聊！最好笑既, 就係Magic Show, 小醜好鬼攪笑！！！！有一個仲好似少爺占添, Denise都話似！！！Whahahahhahaa... 好鬼鍾意睇佢~ 好好笑的！其實佢地有好多Magic都比我地睇穿晒既, 連d小朋友都知係假架！好攪笑呀, 跟住表演果d小醜就"0殊"佢, 哈哈~~~ 即係叫佢唔好穿個Magic！hahahahaha... 另外果d就擺明比你穿, 尤其係少爺占果d, 哈哈哈... 真係好好笑的！本來想搵佢映相, 但係之後唔見佢出黎~無得映~~
Swim
今次去唔係好黑咁返咋, 因為個太陽唔夠勁, 未真係可以真真正正咁同陽光玩遊戲！好耐無游水啦！有d唔夠氣~~ 同埋果日都算有d浪, 覺難游, 哈哈~~~ d水上活動無玩魯, 因為之前去都玩過晒魯！我最期待就係食Lunch, 因為次次去果度既Lunch都會有炸雞除, 不過, 今次無左... 無左好好味既雞除... 但係今次就有蝦蟹Corn, 其他既都係果d啦！
2 Cutie, Lovely & Funny Small Girls
呢個Tour入面有4個小朋友, 大約都係6, 7歲; 兩個男, 兩個女; 果兩個男就頑皮唔聽話無禮貌... 但係果兩個女小朋友就好鬼得意！我好鍾意佢地呀！開頭第一日都無玩架, 佢地都幾怕羞, 未開始熟麻~ 之後, 去睇Magic Show果日, 其中有一個妹妹就對我講: "姐姐, 你個樣好似我表姐呀！" 之後我梗係有答返妹妹啦！就由果一次開始, 我地就開始熟啦！！之後, 佢地兩個仲好似我d表妹咁, 好鬼鍾意玩我d頭髮, 成日話要同我紮邊！哈哈, 我個d表妹又係咁, 好鍾意同我玩紮邊！^0^ 之後仲actively走埋我度, 要拖住我同我一齊行添呀！有一次仲兩個都爭要拖我既左手！哈哈, 好可愛！！！佢地連阿媽都唔要啦！Whahaha真係好似我d表妹, 佢地都係咁架！好好笑！好鬼可愛！！！^0^ 有一晚Dinner, 佢兩個要我同佢地坐呀, 仲指揮要我坐佢地兩個既中間, 哈哈, really surprised me, 突然對我咁鬼熱情！哈哈, 呢一點, 我d表妹都係咁, 要爭同我坐食飯, 真係好好笑！對住小朋友我都會變勇敢喎！我好怕狗的, 但拖住佢地行經一條路上車既時候有隻大狗, 我梗係驚啦！不過, 自己又拖住小朋友喎, 我就行有狗果邊, 小朋友行無狗果邊, 就算有事我都可以擋住, 保護小朋友！ 同佢地兩個妹妹玩得好開心！可以同小朋友玩得埋, 好似係上天賜予既禮物一樣, 對住小朋友, 我都會好開心, 見到佢地, 自自然然好易可以同佢地玩得好開心; 而小朋友都會因為同你玩得開心, 鍾意你, 先會繼續同你玩, 所以, 我估我都算同小朋友有緣的^_^ 我愛小朋友！^3^
Last night at Hotel
呢一晚我地係住5Stars Hotel！因為果日我地早左返Hotel, 可以用下入面既Facilities！Denise, Xeina, Yetta & I 就去左Gym Room玩左成個幾鐘！果度有兩個教練幫我地, 其中有一個都幾有耐性, 我地每玩一樣新野都好有心機咁教, 另外果個就掛住睇電視... =_=" 我主要係玩Bicycle Machine, 都玩左成粒鍾啦！其他果ｄ我地都有玩, 不過都係玩幾下咁！但係好好笑, 我地ｄ老鼠仔走晒出黎！之後話我地個個聽日會手震腳震咁行, 哈哈哈哈∼∼∼第二朝, 我地食完早餐就去Swim啦！得Xeina同我游咋, 果4個小朋友都有游！其中有一個妹妹唔識游, 於是我就同佢在比較淺水既地方玩, 另外果個就識游, 叻叻地！^_^ 但係果兩個Naughty Boys就成日蝦兩個妹妹, 在水上仲攪埋我添！！真係豈有此理呀！為左保護妹妹, 我會陪妹妹的！！！
Last day
呢日既Lunch係自費, 我地去左全Thailand最高既Building食Buffet！最頂上面又係會轉的, 不過食Buffet果度就唔轉∼ 嘩, 好多野食呀！超多呀！多度都唔知點講好啦！又好味喎！HKD125左右啦！但係好好味！仲好味&多款過Sands好多好多好多！仲多野食過香港果d酒店Buffet呀！係我食咁多次Buffet中, 最多款既一次呀！又抵喎！讚！^0^
Bad Guy...
In the tour, 有個好無教養既男人！第一日就已經睇佢唔順眼, 起碼我地4個都唔鍾意佢！第一餐同佢同Table食飯就知佢係咩人！無教養的人！食野又食度成地都係, 講野又無禮貌, 大聲夾無準, 攪到個仔都無家教咁！人地都開始唔想比個仔同佢個仔玩呀, 梗係啦, 唔驚比佢教壞咩！仲有, 餐餐食飯果時, 又話呢樣唔好食果樣唔好食, 又話呢d都唔知咩黎, 早知參加豪華團！佢仲成日講粗口！最鬼憎！有一次去買草藥既地方, 佢自己又係咁買, 個Sale問佢老婆要唔要買d補女性既野, 佢個衰男人就大大聲講話:"車！你都收經啦！買乜鬼！" 嘩！我覺得佢老婆好慘lor有個咁既老公！一d都唔識咩叫專重人！睇得出, 其他團友都唔係好like佢！有一次食飯, Denise & Xenia仲突登行快步, 唔同佢坐同一台！有一次, 係一次， 我地遲左5分鐘上車, 我地一上車, 個臭男人就話:"呀~例遲黎啦~~" 我心諗, 你食屎架？個口咁臭既！佢地自己夠有遲啦, 點只遲5分鐘呀！等都等左成粒鐘啦！我地有無嘈佢呀！佢仲要唔只一次啦！佢都Short Short地架！！！ 好在, 有個妹妹幫我地爭一口氣：話說有一次佢遲到, 妹妹見到佢就大聲在車上說："Hi, 例遲∼" 呵呵呵呵呵呵呵呵呵呵呵呵呵∼∼∼開心到爆炸呀我！^0^ 估唔到妹妹都識講！我地都無同佢講過呢d野呀, 哈哈！我諗都係小朋友學大人講既, 所以, 對住小朋友唔可以亂講野, 佢地真係會學的！^-^
收穫Okay豐富
想買既都買到啦！呵呵呵呵！最重要既野都買左啦！！呵呵呵呵呵！！咩係最重要？梗係Bra啦！哈哈哈哈！其中有一套係Mickey Mouse架！有Bra有Under都只係HKD160左右！！買個好普通既Bra都唔得啦！呢家仲要係Disney Wor！好靚架！不過, 今次買得唔多∼∼另外, 仲買左Boots既Products, 第一次買∼Day 2買左之後既果一晚我就開黎用啦！佢既Essence好好用呀！第二日Shopping 既時候再去買呀！哈哈哈！仲有買左4種唔同味既Johnson's & Johnson's爽身粉, 爽身粉係Sabi的喜好！哈哈！一定要用, 尤其Summer, 如果唔係我會生熱痱的！！>_<"
***有一晚同Denise行Big C買水既時候, 入面播住歌, 你地估下係咩歌, 我一聽就知啦, 哈哈哈！！就係 "人妖打排球" 既主題曲呀！！呢套野睇左不下5次呀！哈哈哈哈哈哈~~~
Thanks Guardian Angel brings me this tour.