畢業旅行: 台灣
[16 Jan2006 ~ 19 Jan2006]
Sabi心靈雞精句：“有一個住的地方是幸福，有一頓晚餐是幸福，有一台老爺車可以到處跑是幸福，幸福的感覺從不曾離開我們，只是我們認不認為那是一種幸福。”
你想要我順次序講返4日做過d乜, 係無可能… 真係要我講… Day1: Macau to Taiwan, then Day4: Taiwan to Macau… ^0^ 次序真係唔記得, 但係去過邊都記得既~~~ 我地一行11人: 彭, 橙, 樹基, Billy, Eurico, Cintea, Candice, Vio, Manu, Maggie & Sabi~ 去過: 九份, 袖珍世界博物館, 士林夜市, 北投伊豆溫泉, 珍珠養殖中心, 中正紀念堂, 茶藝山產展示中心, 六福村主題樂園, 故宮博物館, 天祿藝術中心, 淡水老街, 西門町, 101, 美麗華百樂園… …
Special Cloud!
※九份, 西門町, 士林夜市, 淡水老街
夜市, 食左好多野呀~ [大大粒丸, 皮包花生+雪糕, 芋圓豆花加薑汁, 阿宗麵線, 木瓜牛奶, 大過你塊面既大雞排x2, 大包包小包, 蛋餅, 蔥油餅, 排骨湯, 大肉腸, 官財板, 蚵仔煎, 草莓, 蜂蜜苦瓜汁(我地比賽鬥快飲, 仲拍左Vedio, 好攪笑!), 泡泡冰, 大腸包小腸, 阿給魚丸, 燒墨魚…]~ 想食既都食過魯, 在九份仲見到Condom Shop(Last 3 photos), 成間都係賣Condom, 哈哈~ 另外見到個騎哩店主女人, 爆炸頭, 粗邊大眼鏡, 衫背有Donald Duck個女朋友…想映佢, 佢竟然返入店內！！！
※六福村主題樂園
同細個既時候, 好唔同, 多左好多機動遊戲, 但少左好多好多好多好多動物！因為時間有限, 機動遊戲都係玩d激果d, 唔激唔玩, 笑傲飛鷹[吊腳坐, 快, 180度直上直落 + 係咁留上天落地, 正正正], 跳樓機[無OceanPark個咁高, 快, 正], 圓形倒轉360度係咁轉(forgot its name)[360度係咁轉轉轉, 轉到上去, 倒吊幾秒幾次, 正正正正(Photo:Left3)], 海盜船[呢個我已經免疫, 玩玩下, 拿DC出黎映風景]… 我把聲就係因為玩呢d野, 笑到沙左, 真係大笑得好犀利, 係咁大笑！呢家都係柏芝聲。。。你地快d打比我, 等我唱首“任何天氣”過你, 好返就無左呢把聲架啦, wahahha~
※101
好高, 高到映唔晒… 入面有超多名店… 其實都無乜野睇… 不過, 就比我地發現出面街有“惡魔在身邊”既街景！映左“惡魔在身邊”入面個電話亭！&台灣7-11由“惡魔在身邊”兩位男女主角, 賀軍翔&楊丞琳, 的7-11&金色Mickey Poster！
※袖珍世界博物館
入面有好多小模型, 好靚好精緻細緻, 其中有一屋企模型入面有部真係睇得既3吋電視機！真係直播緊！買左本印仔簿, 去到某d模型有印仔, 印晒成本就Okay啦！最後搵唔到, 法國同唔知咩, Thanks Eurico帶我行返轉頭搵, 印晒了！^0^
※天祿藝術中心
呢個地方係睇貔獶, 其中一個叫你買野既地方啦！每人都可以比個名佢, 睇下你個名點, 之後會同你講, 你想好運d就買咩色既貔獶趨運。主要都係話個名如果有“0”就唔好喎,“13”就好喎, 好似李嘉誠個誠~ 我個名~ ~
師傅:“你呢, 要求高, 追求完美, 心地善良, 向西會好。鍾唔鍾意睇書呀?”
Sabi:“都鍾意架~ 都有睇開~”
師傅:“睇書好, 對你有幫助。你會做下運動行下山嗎?”
Sabi:“會呀, 好鍾意行山”
師傅:“行山好, 對身體好, 對條氣會壯d好d”
>>> 其餘唔多提, 不過, 我咩都無講, 只係比左張寫左我個名既紙佢, 佢就知我要求高, 追求完美, 心地善良, 睇書, 行山, 對條氣會壯d好d… 好似知道晒d Keywords咁…係真唔係…
※美麗華百樂園
去呢度既目的係玩摩天輪, 個摩天輪好高好高好高, NT150, 有學生証就NT120, 估唔到我地張學生証都用得！
※Last Day
因為Last Day係Free Day, 我離隊了, 姑姐姑丈去酒店車我出台北, 去左24Hrs既誠品書店, HKD80左右買左兩本書, 香港一定唔得。其實同香港JP差唔多。Lunch@Linna Cafe, then, 返桃園屋企, 嘩, 一年無黎就有左咁多鼠鼠呀！10隻都有呀！我點會錯過同d鼠鼠映相呢！^0^
^0^ 呢d都係戰利品 + 台灣7-11金色Disney Caroon! ^0^
其中有綠茶粉, 第一次試, 唔知係咪真係咁好呢, 我地買兩大包, 8個人分！仲有買左, DHC既Eye Lash Tonic, 平香港少少咋, 要買多d野先會覺得抵, 但係因為TW無專櫃, sell@7-11 only, they just put several best selling products！其他既, 都係比屋企人 and 朋友！
Thanks Guardian Angel brings me this tour.