08台北の行
[12 ~ 15December2008]

※Karen Chuck & Sabi
台灣台灣台灣! 志在食食食! 同埋買我的美麗日記! 呢個團都okay抵, tour fee + fuel + tax = hkd22XX, 有一日free-day(Day-2), 呢日我地犀利囉!!! 啊, 仲有, 無諗過除左洗錢去食, 仲洗錢買衫! 我諗去台灣, 洗得最多錢係今次~ 另外, 個團入面有個女仔, 讀中學咁上下果d, Karen Chuck 同我叫佢做 "JJ", 得我地2個知, 哈哈哈, 因為唔識佢所以比個咁既名佢, 呢個 "JJ"有乜好提呢?! 皆因比我地知道 "JJ"睇中左領隊, 勁攪笑! 哈哈哈哈~~~ 以下係Sabi同你地分享的東西 ^^

~~~~~~~~~~~~~~~~~~~~~~~~~~~~

※Day-1: 香港 > 台北桃園機 > 九份 > 101 > 誠品 > 鼎泰豐 > 淡水夜市 > Hotel
=_=" 0545要show up@機場, 簡直Mission Impossible! Alarm教左0415, 之後訓返, 0429先彈起身, 好在識醒=_=預左上0455既通霄車出去, 點知, 入到lift發現無帶身份証!就係因為咁, 走左架巴士, 要等多4個字! 原本諗住搭0530既A22呢家要搭0545果架~ 哈哈哈~! 6點9左右去到, 岩岩好, 講埋少少野, 離境! 上到機, 期待既係飛機餐, 好肚餓… 有叉燒包, 蝦攪同燒賣, 不過, 唔好食, 但係我都食晒, 好肚餓, 饑不擇食也 >.<

上到九份, 食左丸丸先, 呢間個老闆好攪笑, 放晒自己既12R沙龍係度! 簡直可以話睇住佢個身材同個樣點變呀! 當中有d都係同明名影既~ 食食下丸, 電視播倪震同周慧敏單野~.~台灣都有報導~.~放過我啦, 我想放假, 唔想睇呢d咁討厭既野=_= 另外, 一定要食好好味既花生ice-cream, kakaka! 之後買左綠茶益力多飲, 呢個牌子香港都有得賣, 不過, 貴少少, 去到唔飲就笨!

到左101, 行行下, 小女子係去左個大既, whakkakakka, 無聊吖麻! 都唔會係入面買野架啦, 咁早起身都未去過, 我一日起碼一次甘麻! 咁101個厠所又乾淨喎, 梗係去左先架啦, 唔係一陣去果個污租點算! Whkakaa~ 之後就行行行行, 影下d靚既佈置~ 真係幾靚架喎! 尤其係X’mas果d~ 幾分鐘車程就係誠品, 入到去都係坐係度睇書, 我睇左1本公仔書, 1本翻譯書(飛書) 未夠6點就去鼎泰豐食Dinner (酸辣湯, 蟹粉小龍包, 其他果d XX小龍包唔記得晒d名^0^)
咁早食野, 去到淡水夜市, 一路行, 我就一路搵野食啦! 首先係小香腸, 蕃石榴 (紅芯), 薯卷: 呢個幾得意, 第一次見! 落左唔同味既調味粉, 食到有幾片係辣辣地既, 就好似食熱浪咁, 好好味! Kekekekke!

※Day-2: Free-day!
作反囉!!! 8點幾9點去食早餐, 食到10點半返上房訓覺!實在太想訓覺, 去旅行, 要寫意人生, 要relax! 1點鐘起身出動! 我地既目的地係西門丁! 搭捷運, 姐係香港既MTR, 講起, 真係大鄉里出省, 2年無黎, 估唔到先進左! 話說, 我地買完車幣(佢係一個個幣的) 我地就入集啦, 人地個個有台灣八達通果d係咁do就入到去都唔出奇, 我地拿住個幣就搵個隆入啦, 點知, 個個入集都機無得入既?!?!??!!?! 咩事?!??!?!? 正當我想搵人求救既時候, 我再睇清楚d, 原來我地手上個幣係可以好似八達通咁do架!!!!! 勁呀!!!!! 不過, 覺得當時我地2個好核突咁, 逐部機睇入幣個位, 哈哈哈哈哈!!!

首先, 係去左食屎, 無錯, 係食屎, 其實呢間野有左好耐, 呢家連香港都有, 不過, 去黎係貪佢得意, 無期望有好野食~ 食完就買左d屎比自己! ^0^
食完屎, 我地就開始行動! 行動時間為1430-2345!!! 我都估唔到, 一個西門丁, 點可以花左我地9個幾鐘行!!!! 發溫! 不過, 我地實在花左唔少時間在買襪買boots果度, 哈哈! 同Karen同款1人1對, 係留返下年著! Kekeke! 呢家在家見返d付襪都有種莫名的興奮, 哈哈, 實在喜歡買襪! 仲有買左夾頭髮既夾!
同時, 點會唔記得食野呢! “阿宗面線”不可少!!! 呢個係我期待已久的! yumi yumi! 另外食左, 蕃石榴(大), 埃及包, 木瓜奶~~ 返到酒店已經1點, Karen去沖梁先, 作戰左9個幾鐘既Sabi, 就在等沖梁期間已經變左隻豬, 訓著左嚕! ZZZZzzzzzZZZzz

※Day-3: 宗烈祠 > 圓山大飯店 > 珍珠養殖場 > 點水樓 > 木柵動物園 > 西門丁 > 維格 > 士林 > Hotel > 康是美
食完早餐, 就去左宗烈祠睇換兵, 不過, 無我小學果陣睇咁好睇, 我唯有扮佢地, 佢地就耍支槍, 我就耍空氣, 係咁e做左d白痴動作, 我都係想娛樂下d兵哥哥, 企咁耐, 會好悶的! 在各人都望到佢地入晒神既時候, 我就集中望兵哥對眼望住d乜!! 有幾下, 我sou到佢斜視望過黎我度, 佢一定係度諗: “那個白痴妹在幹什麼!”

下一個景點就係圓山大飯店, 等Sabi給你一點小知識: 米以為叫飯店係食飯, 其實台灣人叫酒店叫飯店的, 如果叫左酒店, 在台灣人心目中, 就係開房果d~ 不過, 唔知呢家仲有無呢個觀念, 因為, 有唔少新既酒店都仲係叫飯店, 唔會寫住係酒店的~ 珍珠果度係癈野i mean係叫你買le買lo既地方, 襯車未到, 我帶Karen去左7仔, 我又買野飲, 今次係綠茶奶茶! 之後就去左點水樓食Lunch, 木柵動物園原來姐係台北動物園, 等我仲以為自己未去過添! 不過, 呢次比我見到有個屎牆!!! 我又點會放過呢咋咁可愛既屎屎呢!!! ^0^ Sabi真係好鍾意屎呀!

無錯, 西門丁again! 一去到就見到小豬, 勁多人係度排隊比poster佢簽名, 雖然我都幾欣賞佢攪笑同跳舞, 但係時間緊迫, 要去買野!!! 你知唔知呀, 比既時間真係好少, 今日咁行都係緊緊夠時間比我地去買返尋日漏買既野咋, 想食多次阿宗面線都無時間呀!!!! 不過, 好在都比我買返想買既冷帽, 同埋件衫衫 (岩岩Karen在香港見到hkd79, 我地在台灣買計返=hkd69左右, kekekek, 抵呀!) 可惜, 最後無時間去買我地美麗日記, 如果酒店果頭無, 就要搭返車去淡水果間買, 其他唔知location…
維格係賣鳳梨so綠豆糕豬肉乾果d, 不過, 我無買, 呢間野擺明又唔好食又貴, 不過勝在多款, 但唔好食, 就係唔好食, 我係借左個厠所尿一下~ 去到士林, 又係食既時候啦, 不過, 呢個團真係無我上次去咁好, 無咩時間, 得個半鐘, 食到d乜… 但係有幾樣指定食品就一定無走雞!! 唔食唔好話去過士林呀! 包括: 大大條燒豬肉腸, 呵阿煎, 藥製排骨, 大過你塊面既炸雞扒 (要左辣, 點知辣到我噴火), 蜂蜜苦瓜汁; 另外有2檔野, 係導遊介紹: 魚旦, 同埋日本師傅做既麻薯~ 魚旦的確比香港既好食落足料同彈牙, 香港果d係一個麵粉球~.~ 至於麻薯呢就… 唔識欣賞… 掛住食… 無點影相, 哈哈~

食完野就返酒店, 在途中, 不斷望下有無康是美, 因為要去掃貨!!! 如果無, 就要累住咁搭捷運去返淡水老年咁遠… 正當擔心之際, 比我見到有間康是美在酒店對面!!! 當堂心都定晒!!! Kakaka! 可以掃日記啦!! 嘩~ 埋單7千幾台幣!! 有成2箱野=_=” 買完我完知大獲, 我一個人點拎返屋企… 其實, 多過一半都唔係屬於我的, 係有朋友托我買, 自己係咁e買左少少, 有d用黎送比人, 自己又用少少咁! 香港都有, 不過, 唔抵買姐~! 知道有更抵既, 點會在香港買貴野!! 香港1盒(10片)hkd67, 另外有1set, 大約2盒再送1片勁野hkd138~ 但台灣5盒都係nt888左右, 姐係港幣二百幾蚊!! 5盒已經有50片!!! 另外, 香港有d款係無得賣, 但果幾款係勁野, 保濕用, 台灣本身都唔平!! 總之, 買到就好開心啦!!! ^0^ 比錢果下, 覺得自己好豪呀!! Whkkakak! 仲有, 在我係咁掃貨之際, 我聽有把聲同我講野, 唔記得講乜, 之後我先醒覺, 做乜佢識講廣東話, 我不禁問左一句: "點解你識講廣東話架?" 佢話:"我爸爸係香港人~" 佢都幾靚仔, 高高大大, 黑黑地, 運動型^^

※Day-4: 靈芝博物館 > 中正紀念館 > 故宮博物館 > 頂(唔知咩, 食lunch的) > 貔貅館 > 茶園 > 美麗華 > 機場
呢日既行程無咩可以講, 都係睇下d古時候既野, 不過, 貔貅果度個人講野好風趣幽默, 笑餐包!! 另外, 咪留意到阿JJ除左成日偷望阿領隊之外, 有時仲會借d椅行近領隊身邊… ~.~ 顯然易見! 今晚, 我地會搭9點幾機, 姐係話到到9點幾先有飛機餐食, 所以, 去到美麗華, 除左去cutie小朋友洗手間之外, 仲去搵野食, 肚餓肚餓肚餓… 5點幾肚餓… 在美麗華食左個Burger King meal, 其他野實在引唔起我既興趣… 去到機場, 飲左杯珍珠奶茶! 都幾大杯!

JJ事件簿
一開頭咪講“JJ”既, 點解我地會知道JJ睇中左阿領隊呢! 話說我地住領隊對面房, 咁岩我地開門出去既時候, 我個fd就見到JJ整低個人去knock領隊度門, 當我地出門口既時候, JJ就扮無野, 係度好尷尬咁傻笑~ 白痴都知咩事啦~!!
本黎都唔想開一個段講佢的, 但係實在覺得好攪笑, 唔講唔舒服! 話說返香港班機(2,4,2), JJ坐左二位 (即左邊窗口位既走廊位), 我就坐右四 (即右邊走廊數入黎第2個位), 領隊就坐我地果邊既後幾個位~ 返到香港, 可以鬆bell行得既時候, 阿領隊就走上我地咋人果邊, 果時領隊同其他團友講緊野, 我就岩岩訓醒, 清醒中, 所以我係無參與談話~ 之後, 我轉身向左邊, 順便旭下個身咁, 我就無意望到JJ係咁啤住我 =_= 第1秒我都唔知咩事, 之後JJ轉左另一個眼神望一下領隊, then I recalled my memory in the hotel, 我心諗“你唔係真係睇中領隊, 見佢行黎我地度, 有講有笑, 就呷醋麻” ~.~ 但係點解佢個目標要鎖定係我… =_= 我諗諗下, 就比我諗到, 有可能係因為其中有一日, 我地係度等緊旅遊巴時, 我無聊, 就自己一個人係度同支野飲影相, 然後領隊走埋黎攪我支野飲, 其實我半秒都無理領隊, 但係跟住有個團友就係度好大聲咁 “哦~~~XXXXX” (下刪幾廿個字, 意思係暗示佢係度聊我咁上下) 可能果次之後, JJ就開始鎖定左我, 視為敵人, whkakakaka! 到落機, 行去搭無人駕駛途中, 咁岩, 領隊, Karen & 我, 3個前後咁行, 我講笑同Karen講: “你試下望去後面, 睇下JJ係咪仇視緊我地” 哈哈哈! 去到無人駕駛果度, 我地都算首批人去到, 我見領隊排第2卡, 我就同Karen講: “喂, 我地排第1卡, 費事…” 陸陸續續有其他人排隊, 呢個時候, 其實第1,2卡都已經多人, 正常既都會行後去第3卡打後果d排, JJ同佢個fd落緊escalator果陣, 我又同Karen講: “你信唔信, 就算多人都好, JJ一定會去排第2卡”(即領隊果卡) JJ出場啦!! 攪笑, JJ個fd好自然咁行去後面果d卡, 但JJ拉返佢個fd去排第2卡, 話唔好啦排呢度啦, 之後, 佢個fd廢事彩佢, 堅持行去後面, 2個就鬆開手, JJ梗係亦都堅持排第2卡啦, 但係得佢一個人排 (佢班fd就去左後面排, 其實佢一行6人的)! 去到等行李, 領隊企最頭, 正常, 等行李係企係一個位等行李過黎, 而呢個JJ呢, 就係咁行黎行去, 不過, 只限在領隊視線範圍咋喎!!! 仲有, 有時當佢企返去佢咋人度時, 都會係咁遙望領隊, kakakaka!!! 比我見到晒! 因為當時我坐埋一邊等, 成個過程一清二楚!! 最後, 攞齊行李都無咩野發生嚕~ 呢個妹妹仔, 真係呢~~!!~~!! ^^

不過, 我個行李就差唔多成班機最後果幾件先出 =_= 明明我係同Karen一齊check in 同埋係在領隊之後的, 但係佢地都一早攞齊晒… 班機本身, 差唔多10點到香港, 但係因為行李太耐, 出到去我又岩岩爆車上唔到要等下架, 攪到凌晨1點先返到屋企… … 又要咁多野攞… … ~.~ omg

*啊~ 唔記得講~ 有一晚我地行左入酒巴區, 兜左個圈出返黎既時候, 我地見到2個好高好瘦既女仔, 但係行到我地面前經過既同時, 佢地同我地講: "來褢邊渴酒~" 原來佢地係人妖!!! 但把聲都幾溫柔~ 當堂覺得佢地好靚! ^^

Thanks Guardian Angel brings me this tour.

 

BACK