26/4 [Sunday]
Sabi心靈雞精句：“想快d鬆到條腰, 做靚d做高d個拱橋!”
星期六跳舞好累呀
下午都訓左個零鍾頭晏教, 跳到9點幾已經累到得個穀, 個腦記唔到野乜濟, 唔知係咪熱身我太用力做呢, 之後個人無咩力, 之後做1字碼, 右腳一申後就係咁震, 收返埋黎又無震, 一申直少少又震, 不過好好笑, 我都控制唔到, 哈哈, 左腳就無咁震, 係個大脾位有少少震~ 落左幾次拱橋之後就跳舞! 今日就跳完再練野: 進階果班今日好多人 ~.~ 分開2groups跳我都比人係咁打, 打左幾次 >.< 係打個頭呀!!!!!!!!!!!!!!!!!!!! 拉腳呢, 姐係單腳企係度, 背牆, 另一隻腳就申直貼住個身, 都係無咩進展咁, 未掂到牆, 唔記得掂唔掂到薄頭; 而個後腳就無眼睇, 哈, 條腰緊左~! 呀, 仲有, 今日入左Bar, miss仲同我zip左一塊浮板!! 塊鏡我塊面果個area, 都沖滿住都係我d氣! 濛晒~! @@ 臨走阿sir叫我做倒立, 哈哈, 太耐無做, 唔記得上左腳定右腳先, 我第1下就兩隻腳一齊上晒去, 跟住成個人歪晒, 一上去就"嘩~~~~"咁, 驚跌, 個頭已經頂住左個牆, 要落返黎再做; 第2次就ok少少, 起碼個頭無痴住個牆~ 左手前脾前晚開始有d痛, 唔知幾時整到~ 呢家好想啪一下個誇, 一陣鬆下先!
15/4 [Wednesday]
Sabi心靈雞精句：“我都唔明d時間去左邊!!”
放左4日假, 真係正, 唔洗返工, 又可以出去玩, 最緊要係可以接觸大自然!!
Day 1: 東龍島!
11點半落船就開始行啦~ 都有幾年無行山啦, 開始時都驚自己會頂唔順, 不過, 果日天氣好好, 唔辛苦的! 仲好開心! 行到上去, 望到個海, 真係好舒服~ 沿途都有草, 頭果2個幾鍾都係行石屎路的, 直到去到直昇機場, 我地見無石屎路就等齊咁多個人, 睇下點行, 有個去左探路, 最後, 我地就行果d泥沙石路! 條路係人行出黎果d, map上都無實線的, 不過, 都可以話係一條clear path, 但係其實都幾危險, 果d係會錄落山果d, 一路行, 一路諗, 果d成日要有直昇機救果d係咪都係行呢d路度救人呢, 哈哈哈! 呢段路都行左差唔多個幾鍾, 有一段仲攪笑, 係果d草高過個人, d葉會打到整到塊面果d, 好在有長就衫, 果段路我係用手臂擋住左右兩邊面! 哈哈, 如果唔係就會面都花晒!! 落到咁上下, 就會見到Camp site, 好多人呀! 好多個Camp, 仲見到童軍Camping~ 我地映左少少相就去左士多食野!!! 嘩, 真係累到呢!!! 終於可以腳踏實地, 3點半左右, 終於可以坐下啦~!! 行左山路4個鐘呀!!! 食左個餐蛋麵+可樂!! 唔知係咪因為果日一早淨係食左個蘋果, 所以好肚餓, 覺得個餐蛋麵超好味!!! 好正!!! 呀, 仲有, 阿曾任權都有去呢間士多食過, 有相為証, 哈哈哈! 行完, 就同Karen Chuck去左北角食甜品, 係雪糕什果黑珍珠!!! 仲有, 你睇下第2張, 我覺得佢好似外星生物咁, 好UGLY!!! 見到我都周身痕... ~_~
Day 2: Cycling : 來回馬鞍山水坑X(單車公園)去到大尾督水霸!!
呢次係我踩過最長程的, 來回馬鞍山水坑X(單車公園)去到大尾督水霸!! 11點8個字左右開始踩!! 真係2條腿累到痴左線!! 同埋我果架車比較細, 因為我唔敢踩d高大車, 我要腳要到地果d, 哈哈, 所以架車就好似細路果d車咁 ~.~ 同埋我個架個位有避震喎, 所以我全程都係咁dun dun下!! 都幾攪笑!! 呢日個午餐我都係食餐蛋麵, 不過, 好似東龍島果碗咁好味, 哈哈哈! 話時話, 入去果度都幾快, 在官塘上巴士, 3,4個字就入到去! 回家果程都好快, 6點半左右交車, 行返出去巴士站, 等左一陣車, 好似大約7點左右在水坑X上左巴士, 7點20分我已經在家啦~!! 快到癲左!!! 不過, 踩完之後, 除左對腳好累之外, 條腰, 對手, 手臂, patpat, 累痛累痛累痛累痛累痛, 可能加埋前一日去左行山, 加加埋埋, 嘩! 真係正呀! 所以, 搽Counterpain Cool! hahaahhahhha!!! 仲有, last pic, 係我條褲, 唔好以為我炒車, 其實係比個齒輛整爛左條褲... 返到家即刻走去沖返個靚梁先坐低食野, 一坐, 個patpat好痛... 對手拿筷子都無力咁... 呢晚勁眼訓~!!!
Day 3: Yuen Long BBQ
好耐都無BBQ啦, 今次好攪笑, 2個女仔去BBQ!! Karen Chuck & I 都未試過, 所以想試下!! 哈! 同埋我地個位都好好笑, 好似好Lazy既位咁!! 坐係度, 左邊係台, 右邊係個爐, 嘩, 你睇我幾忙, 又燒又食, 又食又燒呀!! 哈哈哈~!!!!! 我地4點幾開始燒, 開頭諗住燒到7點幾, 咩都燒晒, 點都夠啦掛~ 點知... 我地燒到10點半 ~.~ 點解可以燒咁耐 =_=" 同埋開頭果陣我地可能唔識放炭, 個火都唔夠勁既, 係之後, 加炭個火d大先話燒得d野快d靚d, 我地話, 唔怪得之前果d都燒唔隆啦, 哈哈哈, 個火其實都唔夠勁, 好似係度焊食物咁, hahahaahahahhahahhahahaaaa!!! 不過, 都好, 因為其實燒燒下7點幾果陣開始落雨, 我地2個都無帶傘, 行返出去都無姐無擋~ 不過, 好在到到我地真係走果陣, 姐係10點半左右就無雨, 行返出去, 去左泛后甜品食什果西米露, 本黎想食什果黑珍珠的, 可惜果度無黑珍珠! 呀, 仲有, 行去食甜品果陣, 我地見到畢打自己人, 做閆生個律師顧問果個, 本身在亞視過tvb的, 不過, 果晚見到佢, 又食煙, 個頭又亂咁 >.< 好失望! 食完甜品就回家啦! 果晚好眼訓...
8/4 [Wednesday]
Sabi心靈雞精句：“身家重組!!”
回顧4月的第1個星期
岩岩個星期六日, 唔係煲劇就睇movie!! 連續睇左7集 "愛宅就一起" 呢家台灣都係做到咁上下, 等第8集中~ 不過, 就算有都未必會咁快睇住, 等到起碼有十幾集先再睇, 連續咁睇好鬼爽!! 都有乖乖睇下Notes的, 不過, 在家有太多引誇, 效率比較低 >.< 之後返工都無咩特別, 不過, 老世好多時唔係唔在公司, 就好late先返, 哈哈, 真係free到!! 另外, 有一日上網, 睇到有人用左12年, 儲到1M! 見到1M, 我對眼即刻丁一聲, 立即睇下自己既財務狀況! 睇下幾時到我! 平時都有記錄, d錢去左邊都會知道, 尤其係d大數一定知, 淨返果d細數就要睇返record, 不過, 08年洗大左 >.< 尤其去旅行... 旅行月!!! Dec08:台灣+Prague & Feb09:台灣 X2(其中一次係請Parents去) 呢度都起碼無左近4萬!!! 唔計唔知, 真係痴!!! 仲有其他月都有額外開支, 攪到08年除左12月另外有2個月都做出赤字來!!! ~.~ 打後既日子Sabi要慳d先至得! 等條數拉返低!! 講開$, Card數比我想像多左1陪, 之後我check單, 原來果個數2個月的, 哈哈, 嚇死我, 明明我都無簽咁多, 虛驚一場!! ^^ 唔可以用咁多錢!!! 節約用錢!!! 另外, 之前想join個Drama, 不過, 白痴左, 原來人地已經開始左, 哈哈哈, 天意! 返埋聽日就有4日, Holiday!!! 期待中! ^^
April 2009 Schedule
|
Sunday
|
Monday
|
Tuesday
|
Wednesday
|
Thursday
|
Friday
|
Saturday
|
|
|
|
|
1 |
2 |
3 |
4 |
|
5 |
6 |
7 |
8 |
9 |
10
行山:東龍島 |
11
Cycling:來回
馬鞍山水坑X
->
大尾督水霸 |
|
12
BBQ@Yuen Long |
13 |
14 |
15 |
16
830pm~10pm:Dance |
17 |
18
7pm~10pm:Dance
|
|
19
330pm~630pm:Dance |
20 |
21 |
22 |
23
830pm~10pm:Dance |
24 |
25
7pm~10pm:Dance |
|
26
330pm~630pm:Dance |
27 |
28 |
29 |
30
830pm~10pm:Dance |
|
|
|
|
|
|
|
|
|
|
BACK