31/1 [Saturday]
Sabi心靈雞精句：“係時候比晒d利事比Sabi, kakakaaa!!!”

好耐無唱K!!!
為左唱K, 要早起身架, 如果唔係就無Lunch k, 到1點左右架咋!! 如果唔係就會貴, 同埋好在今次去有學生飛, 哈哈, 唔洗加一, 正呀! 不過, 得2個鐘, 唱得唔係幾夠喉, 可能太耐無唱啦~ 其中我有唱G.E.M.果首 "Where did u go"呀! 讚下自己先, 唱得幾好聽喎又! KAKAKAKA!!! 唱完就去左MK, 終於食到 "阿土麵線" 想好試好耐, 不過, 好少去果頭, 果日食左一碗, 嘩, 可以比美台灣果碗, 不過, 台灣果碗平d, 因為台灣果碗有埋送, MK果碗要加錢先有, 不過, 都算係咁, 掛住台灣果碗都可以去下mk食, 吊下隱!! 之後就去左行魚街, 見到雞泡魚B! 不過, 唔識養, 同埋唔想無啦啦中毒! 哈!

 

28/1 [Wednesday]
Sabi心靈雞精句：“大年初三! 赤口, 搽赤色唇膏也, kkakaaa!!!”

飲茶 > 科學館 > 香港歷史博物館 > Tea > M記雪糕新地 > 佐敦 > 廟街 > 肚痛要放底幾兩=_=@Langham Place > 魚街 > 糖水@深水埗 > 魚旦 & 煎壤3寶
今日Sabi過得好開心呀! 即興有人陪住Sabi去左好多地方, 又可以食到好多野! 今日星期3, 市政果d館免費, 尋晚查過雖然今日係紅日, 但係都照開!! 咁難得, 好耐都無去過, 所以好想去下睇下, 不過, 入面好多細路同自由行=_= 我地又咁大個, 無咩可以玩到睇到, 因為有趣果d都比d細路又霸又爭咁, 我地係根本無機會玩到的, 哈哈! 入面無左full雞仔果part, 但係就多左個位玩鏡反射果d~ 其他大致都無咩大改變, 呀仲有... 無左個食物店 >.< 諗住入去食下野都唔得! 所以打後果d我地都快行去食野, 有人好肚餓, 哈哈哈! 不過, 行到去佐敦, 覺得個肚好痛, 係一定要去次所果d, 無計啦, 今朝趕住出門口無痾屎, 哈哈哈! 小女子一日起碼要一次, 好多時係早上, 我今日舊屎已經delay左半日, 哈哈哈! 最近既地方又有比較好既toilet就只有Langham Place, 哈哈哈! 大戰完, 去左無印買錦花糖, kekekeke!! 行到魚街好多都未開, 深水埗食開果間糖水又未開... 去左另外一間, 佢地都好忙, 芝麻糊就好稀, 唔係咁好食, 什果黑珍珠芒果汁底就幾好食, hehehe! 最後, 後去搭車既時候, 見到好多街邊小食, 我地就食左少少野! 今日都很美滿! 好耐無試過咁開心^^ 多謝晒!
*係喎, 要提一提, 我地係由紅隧開始行, 果時大概2點幾3點左右, 我都無坐車架!!! 行行行行行, 一直到到太子先搭MTR去SSP食糖水!!! 果陣已經係10點左右! 係咪好叻呀!! ^^

 

26/1 [Monday]
Sabi心靈雞精句：“大年初一! 新春大吉!!!”

祝大家新年快樂, 一見發財, 身體健康, 聽聽話話, 快高長大, 步步高升!
年廿八已經換左床單, kekeke, 係Monchichi!!! 訓得好開心!^^ 除左換床單, 仲執左好多野, 對上果幾個星期六日已經開始準備執野, 又買左6個大膠櫃筒 & 2個細櫃筒黎放d衫,之前真係好亂又唔夠放, 呢家買左櫃筒就整齊晒, hehe! 經過呢幾日既努力, 見到d櫃咁整齊, 都幾開心, 終於可以安置好佢地啦~! 除左執屋清潔, 我仲同自己做左body磨沙 & 做facial! 之前在BodyShop買左White Musk® Sensual-Soft Body Polish, 因為我好鍾意呢個味, 好香! 我買左幾樣呢個味既products! 沖完個梁, 簡直香爆! 第2日都仲文到好香, kekeke! 而同塊面做完個facial就好鬼滑, hohoho!!! ^0^

 

20/1 [Tuesday]
Sabi心靈雞精句：“波兒鍾意中介~ ばかばかばかばかばか... 你隻眼出水!!”

睇左崖上的波兒
好開心可以去戲院睇左啦!! 波兒個故事好簡單, 令我諗到美人魚, 人魚公主果d故事, 哈哈~ 令我覺得驚訝不可能既係, 中介小朋友同佢媽咪講左句"有個女仔比個浪捲走左", 個媽咪立即在大風大浪, 在山崖停車落車望下係邊... 你估, 現實, 會唔會有人咁做? 成套戲, 我都覺得好有愛心, 好善良, 好溫暖! 無疑, 每人都想走入故事世界, 那裡有真,善,美,與愛! 哈哈, 撞鬼, 突然講埋d衰野, whkakakakakakaka~! 不過呢, 阿波兒真係好可愛, 好得意架!! 真係好想meet住波兒個面珠燈, 然後係咁咀咀咀呀! 哈哈哈! So cute!! 中介同波兒都係5,6歲既小朋友! ^^ 善良可愛的小朋友!

睇完去左食Langham place Monster Sushi, 除左叫平時食開果d, 仲叫左個雜錦剌身($138), 好多款, 有tuna, salman, uni, 帆立貝, 八爪魚, 烏賊, 甜蝦, 仲有"唔知咩魚", 每款剌身都有配個汁, "唔知咩魚"仲有白松露黎配!! 白松露好味呀!! 仲有想一提, 果度d海膽好好味!! 唔腥架!!! 仲有少少既鮮味, 雖然唔多, 但好過其他食sushi的店!!^^

 

13/1 [Tuesday]
Sabi心靈雞精句：“ポーニョ　ポーニョ　ポニョ　さかなの子 青い海からやってきた ポーニョ　ポーニョ　ポニョ　ふくらんだ まんまるおなかの女の子!”
(呢排在家成日係度: 波~~兒 波~~兒 波兒~ 魚兒小寶貝!)

好想去戲院睇!!!

瘋狂愛上小女孩!! 呢2個妹妹真係好得人鍾意!!

呢個係Japanese Version既妹妹! 高清!!

呢個係HK唱崖上的波兒主題曲比賽6 yr-old Winner!

咁岩比我搵到, 好聽!
. . . 好耐無彈 >.< 見到手痕 . . .

 

BACK