31/5 [Sunday]
Sabi心靈雞精句：“What's hot today?”
Britains Got Talent 2009
從某一日無意中睇到Susan Boyle第一次上台唱, 我就覺得我一定會支持佢! 果日, 放工行去左坐船過tst, 等上船有有線新聞, 播左Susan既片段, 我諗好多人都睇過, 開始時, 段片個個人既眼光都帶有奇視, 當佢話會唱"I dreamed a dream" from Les Miserables (孤星淚) 無人睇好佢, 個個都以貌取人, 勁唔鍾意呢d人既態度!!!!! 但當Susan一開聲, 個個另眼相看~~ "目瞪口呆"係一個好好既形容詞, 或者 "ma大個口得個隆" 都得~ 我很喜歡她的歌聲, 我聽到果時我都呆左, 因為真係超越左我我想像, 就連個個上晒船, 我都仲企係度望住個電視! 真係吸引住! 次次聽返都會起雞皮, 好好聽~ Semi final當晚, Susan唱 "Memory" 雖然有少少走音, 但都好好聽!! 在Final night前, 好多Susan既negative news, those really aren't important, i supposed those news 都係衝著佢而來, 咩人怕紅豬怕肥果d, 有話Susan係怪人, 有話Susan講粗口, SO?????????? 呢個世界咁多怪人你唔講, 呢個世界咁多人講粗口你唔講, 人地憑實力出左名, 你地就抺黑人醜化人~ 佢都係一個平凡人姐, 呢d既壓力, 我諗佢一世人都未試過, 難怪想話退出, 但我唔信佢會退出既, 哈哈! 尋晚final, Susan唱返"I dreamed a dream", 好到不得了! 她的歌聲彷彿幫她平反一切, 比第一次唱好更多, 有力有感染力, 今次, 唔單止起雞皮, 聽完佢唱我眼濕左, She is so strong with powerful voice!!! Negative news could never affect her! No matter the result, she won in my mind! ^^ And, the champion is Diversity, a 10ppl dance group, they are really a crazy group, AWESOME =_=" 一路睇我一路對住個mon講"痴線 痴線 痴線..." it's funny in the middle that there were... like the panel with the red buttons and crosses, hahaha, i just laughed by that! And, at least, the kid made a 原地後空翻, O咀! 佢跳得好高... 痴痴地=_=" 當宣佈Diversity係Champion, 見到佢地咁開心, 我都好開心, 真係抵比佢地, 好感動的你都唔知, 之前既努力, 被認同既感覺, WONDERFUL!
去片Final Results
冠軍Diversity(Dance group) >>> Diversity Semi-Final片段AWESOME!!!
第二名Susan Boyle
第三名Julian Smith(saxophone)
唔知明珠幾時播, 睇埋其他人既演出!
15/5 [Friday]
Sabi心靈雞精句：“um... 我又食大左...!!!”
涮肥牛火鍋!
放工去左Library, 臨走有人睇報紙, 咁岩見到呢間有平野食, 好抵呀!!!! 平均消費每人$100就可任食三文魚刺身叫左海膽刺身一砵$68!!! 甜蝦8隻$48(一台只可叫一次)求其叫多幾個壽司就已經夠數!! 可以任食三文魚刺身! 佢一碟次次唔同, 有次16片, 有次15片, 有次14片, 第一碟我地無數, 但我估都係咁上下片數! 4碟五十幾片三文魚刺身刺身刺身刺身刺身!! 佢唔係好薄果d喎, 都叫做係正常size!! 2個人咋, 我地食到流晒呀!!! 到最後我地仲疊住幾片三文魚刺身, 厚厚咁對落口! 嘩!!! 肥美啖啖肉呀!!! 不過, 無軟殼蟹手卷~ 不過, 其實佢主打係火鍋, 但係唔知點解有壽司食, 同埋, 火鍋果d都可以以平均消費每人$100都可以任食三文魚刺身! 同埋, 我地估佢可能岩岩開, 所以做promo咁, 位置係天后附近, 七海附近, 未到北角, 間野鋪住食野果張紙就寫"天后電氣道148號1樓1號舖" 但 openrice就寫"北角電氣道148號1樓1號舖" 不過, 都幾易找的, 你會見到大快活, 上面就係啦! 佢紅磡都有分店(祟潔街16-18號地下), 暫時就係得呢兩間~ 用手機映左dd, 好濛, 頂住當先, 哈哈哈!
呀, 尋晚去左尖咀個零鐘, 比我見到王君韾同周美欣2個行街!! 另外, 仲有見到一個TVB既男演員, 唔知叫咩名, 佢有份做陀槍3, 岩岩做完, 比3元屈殺左麗果個人, 中學果陣都見過佢一次
2/5 [Saturday]
Sabi心靈雞精句：“好少北上, 好驚比人捉左去賣!! 賣埋我d內臟!!!”
難得星期6放假, 一行8人, 北上!
錦繡中華, 第一次去, 呀... 第一次坐上面果d地鐵... 覺得自己港燦feel =_=" 首先去左醫肚先, 好似又叫多左野食咁, 有個二奶包, 個樣真係好似2個breast咁~.~仲要有個大nipple! 入面係奶皇包果d咁~ 個次所都okay乾淨~ 食完野, 就搭地鐵去錦繡中華, 呢個大陸地鐵都okay~ 去到錦繡中華, 百二蚊人仔入場費, 入到去睇show都仲要比錢!!! 真係唔怪之得d大陸人咁鍾意去Ocean Park & Disney! 比左入場之後, 除左食野同買souvenir之後, 都唔洗再比錢!!!!!!! 不過, 有d show都唔洗比錢既, 不過, 果d就迫爆! (不過, 我地睇左個10蚊既都迫爆, 都唔明, 明明無位都繼續賣飛比人, 攪到我地要坐地下) 10蚊呢個show係講打仗果d! 表演果d會騎馬出黎, 雜劍呀係咁e打下又有d爆破聲咁! 另外我地都有睇一個free既, 果個企側邊睇, 睇唔係好到, 但係你d人同人之間既隆睇, 打功夫為主! 另外都有d女仔既, 不過, 果d睇唔到, 只係睇到1part: 2排女仔, 一排女仔企係另一排女仔肩膀上, 先係人企人先, 之後, 上面果個女仔就前後腳企, 分別放腳在下面2個人既肩膀上: 姐係, 左腳放在前個人既左肩膀, 後腳就放在後個人既肩膀, 一排人, 人連人咁做喎! 之後, 下面果排人就move, 上面排人就做個一字馬出黎@_@睇到我, wah左聲!! 唔好講個1字係咪平, 要企上個人個肩膀上已經唔易, 仲要做1字馬, 個平衡幾犀利!! 練果陣一定跌到痴左線!!!
行到6點左右, 我地打的去食麻辣火鍋! 好在係"in央"湯底, 如果唔係, 我真係食唔到, 好辣!! 飲品係綠豆沙冰, 10蚊人仔, 其實我覺得貴!!! 哈哈哈, 因為我家夏天都會自家製呢個, 都係會放入雪櫃; 你諗下6,7,8蚊就已經有一斤綠豆, 一斤豆你諗下可以煮到幾多煲(已經唔係幾多杯, 係幾多煲!!) 哈哈哈, 所以我咪覺得貴, 做食物館都真係幾爽!! 食埋飯, 走人, 搭緊火車果陣都已經11點幾就黎12點! 好在我去到mk都仲有巴士直接返家!^^ 遲下先post相
May 2009 Schedule
|
Sunday
|
Monday
|
Tuesday
|
Wednesday
|
Thursday
|
Friday
|
Saturday
|
|
|
|
|
|
|
1 |
2
北上 |
|
3
330pm~630pm:Dance |
4 |
5 |
6 |
7
830pm~10pm:Dance |
8 |
9
7pm~10pm:Dance |
|
10
330pm~630pm:Dance |
11 |
12 |
13 |
14
830pm~10pm:Dance |
15 |
16
7pm~10pm:Dance
|
|
17
330pm~630pm:Dance |
18 |
19 |
20 |
21
830pm~10pm:Dance |
22 |
23
7pm~10pm:Dance |
|
24
330pm~630pm:Dance |
25 |
26 |
27 |
28
端午節 |
29 |
30
去cwbSogo掃貨
7pm~10pm:Dance |
|
31
330pm~630pm:Dance |
|
|
|
|
|
|
BACK