◆第一位：雙魚座
通常浪漫都係用錢包裝，以雙魚人一向浪漫又唔化的性格，你話點會唔係最無錢剩？最慘還是他們是完美主義派，甚麼都要靚，甚麼都最精彩，就算貼錢給公司都會勢死奉陪，講多次，你話點會有錢剩？
(雙魚座的人身無分文，出入也要乘的士，到高級餐廳大魚大肉，錢哪裡來？咪問人借囉，這人就是我大佬) ((( 快o的還錢呀 )))
◆第二位：雙子座
一向有先知先覺，永遠都想成為潮流尖端的他，
講到尾無錢使都全因為要追上潮流，呢頭買完件衫，
那邊便要買條像樣褲來玩個絕襯，你話搵幾多先夠你扮明星扮大佬？
好自為之！
(唔洗講都知啦，我以前個 BF 係雙子座的)
◆第三位：人馬座
你咁天空海闊任開朗，又鍾意自由自在，最好就係有咁多洗咁多，
最多洗完又再搵，有何關係？有時人馬都幾好逸待勞，
唔係好願去搵錢，總係覺得天生天養咪幾開心！幾開心！無錢用，
反而佢掉番轉問你，我有咩問題先？
(放心，人馬與生俱來大把錢的)
◆第四位：獅子座
獅子人唔使問，錢一定洗於買名牌，買靚衫，
買好多令自己變得好似好高貴的物件上！他們靠的心態是：
你吹呀！我搵到呀！係咯，你巴閉！但其實都屬於一種病態！
愈唔開心你就愈使錢，唔知你自己覺唔覺呢？
(我識幾個獅子座朋友都是這樣的，唔貴唔食，唔名牌唔用
，連電視劇也要追日劇、韓劇才突顯身份，以踩人為樂。)
◆第五位：白羊座
都幾奇怪，你話白羊大使咩？你又會見到佢在開倉日到搶賣平價貨。
你話佢Cheap咩？佢又會在名店買個靚手袋玩下，咁即係點？
即係小便宜佢好有興趣，但可以威俾人睇的貨色佢又一定要有份，
有無錢剩，說到尾都是洗了出去，你話呢？
(我第一位男友是白羊座好鍾意炫耀，愛面子，浮誇，但又不腳踏實地去搵錢，無計又是與生俱來)
◆第六位：天蠍座
天蠍人有無窮的慾望，令到佢不停咁搵錢，
因為咁他們先會認為自己叻，又亦都因為咁，
搞到自己好易迷失，尤其是好鍾意搏命的心態，
令到他們一生都會好大起大落！一句講晒，搵埋都唔夠蝕！
(我另一位天蠍座男友好鍾意打機、打麻雀，再戰再輸，再輸再戰)
◆第七位：天秤座
天秤座的錢，好多時都會同體重成反比，即係當佢愈肥，
佢就愈無錢，鬼咩！所有錢都用來跟朋友吃喝玩樂，你話邊有錢剩！
學人投資，又三心兩意！別人叫佢買，佢又要諗，其他人離場，
佢又慢人三拍，你話唔死有鬼。
(o下~
佢點知架，仲有一樣野，天秤男的錢多是被老婆攞晒！嫁天秤男好哇。)
◆第八位：水瓶座
財來財去都幾能形容水瓶人的心態，你會發現無論你點儲錢都好，
最後都會將所有買盡心頭好！然後又無晒！之後又好快儲到，
又好快洗完！不過你個心態又好瀟灑－－做咩事喎，死後又帶不走，
這樣的想法，沒話說，好正呀！
(哈哈~
good la~)
◆第九位：山羊座
工作絕對努力的山羊人，一分耕耘一分收穫！既然錢咁難搵，
你話佢點會大使？仲有佢好識投資，視投資為一種藝術，
贏錢唔只贏個一蚊一毫，最重要贏技術！
◆第十位：處女座
缺乏安全感的人通常都會好為自己打算，處女人絕對係例子！
又精打細算又有計劃，我的錢是我的錢，你的錢都是我的錢，
所以同處女人交手，小心為上！不過話時話，佢真係好識投資！
閒時可以叫佢俾俾意見！
(處女的至理名言是：你o既即係我o既，我o既即係我o既)
◆第十一位：巨蟹座
巨蟹人很喜歡收藏，好多秘密，引申成為有很多收藏了的錢，
俗稱「私己錢」，可想而知，點會無錢？他們做事謹慎，佢有幾多？
對唔住，幾熟都不會向你透露！至於借錢，如果你同佢熟，
佢有會借俾你o既，好正！
(巨蟹男好講義氣，經常借錢比人唔洗還，所以成日同老婆鬧交，有幾多錢老婆都不可以過問架。我二哥就係巨蟹座)
◆第十二位：金牛座
精打細算係金牛人的標誌，不過金牛人立場好堅定，
只會用最安全最穩陣的方法去賺錢，好似定期存款、買基金，
風險多一點的，他都不敢放肆，進取型絕對不是他，但儲錢絕對一流！
有佢在身旁，肯定好放心！