本來今日同班friends去大尾篤BBQ家嘛~~~
買哂野之後就落雨...＞＜"
點去喎...?!
d野食同炭個d野?!
放哂係一個friend既屋企喥呀~~~
下次去[應該下個星期]再用囉~^^"

後來去左沙田打邊爐~~~
之後再去機鋪打機~~
嘩~~玩到我隻手好痛呀~!!!＞＜
因為要係咁拍野~~~

同某某玩玩下icq...
又開始無無聊聊喇...嗡廢話囉...
無端端打乜鬼電話俾人喎...?!
又係電話喥嗡左好多廢話...^^"
[不過好開心...事關某某就係那個我喜歡的人囉~~^0^]

佢今日[即係尋日]同人打交呀...
都傷傷地家喇...[抵死啦~打乜鬼喎?]
之後就話要學打拳...[佢話一路都想學]
等可以再同班人打過...[唉...＞＜]
不過佢話先要戒煙~~之後再去學[咁樣健康d喎...]
唔好三分鐘熱度就好~~~^^"

今日知道左那個人下星期二就要上大陸幫佢哥公司手喇...
佢仲話唔知要幾耐tim...
攪到我都覺得唔知點好...

唔唔...我諗佢都已經上左去大陸喇~~~
不過因為我之後幾日都要返學校幫手...要早訓...
冇得玩~~><"

第二朝就同winnie去完m記食野之後~
佢就返屋企再訓過~~
我呢...就返學校囉~~

今日返半日咋~~~
之後我因為要上大陸~所以比edith佢地早走~~
上到去得d人打牌...自己一個好悶家嘛~~~
好想其他表兄弟姐妹快d黎到呀...

到佢地黎到時就出左去食野~~
我就陪我表妹去左karaoke搵人~
去到d人都幾攪笑下...
識到少少人囉~~

之後又返去酒樓等食飯喇~~~
食飯期間又笑料百出喎~~~~
成班靚妹靚仔都痴哂線咁~~
不過好開心~~~

食完飯都只不過係10點幾~~
我地梗係繼續去玩啦~~
咁所以我地又去返頭先我同表妹去既karaoke去唱k喇~~
唱到人地關門呀~~~成2點幾3點鐘~~^^"

之後就返去表妹屋企~~不過我都成5點先開始訓呀~~　

我之前係我表妹喥有玩icq~
有日見到佢online喎~~
一問之下先發覺佢返左黎香港~?!
[當時我都唔明呀~不過因為我打唔到中文~用英文好難講家嘛~所以話等我返左黎香港先再係電話喥傾囉~~]

原來佢話上左去~不過又返左黎~~
仲要我幫佢搵course讀tim...
[哈哈~我好白痴咁幫佢搵...不過最後以佢咁既性格梗係又冇左件事啦~~!!]
[我都覺得少少嬲+白痴家~~]

今日約左titi同winnie去pizza hut食飯呀~~
之前呢就問winnie借少爺占d書睇~~
哈哈~~占d書又唔錯喎~~
睇得過睇得過~~^0^

今日同Karen睇左千嬅ｃoｎｃeｒt呀~~
最喜歡"煙花雨"那一幕~~
好靚~~~~~^0^

唱左好多歌呀~~
不過最喜歡的是"數你"和"少女的祈禱"~~~
不過成日都唱錯歌詞喔...~o~

今日同左班friends去左大尾篤bbq呀~~~
好鬼死熱~~~
不過好開心~~
至衰有人唔記得帶相機啦...＞＜"
返到屋企都12點幾1點喇~~~

我想講個故事比大家聽:
[朋友既故事黎家~~]
從前有個古惑仔,佢唔係靚仔,但佢自問有義氣,D老表有事一定幫
佢以前當溝女佢一件冇乜大不了的事,因為佢以前唔知乜野係愛
佢依一個想法到2002年7月就比一個天真可愛、斯文的女孩打破左
因為佢的性格同佢的環境同我係兩個世界的人,之後佢為左實現自己對女孩的承諾佢戒煙,少講粗口,因為女孩唔仲意。

有人肯為自己改變係一件好事 而你...又有否為人改變過?
因為別人喜歡你,才會改變自己 你,有否喜歡過別人?
朋友,我好高興,因為你肯為人而改變自己 你,喜歡上她囉~

我? 我不曾為人改變過,因為,我沒有喜歡的人囉~
倒是有人為自己改變過呢...陳年舊事喇
這證明了什麼? 哈~不就是他喜歡我囉