梁詠琪

 佢一出道，我就已經好鐘意佢。娛樂圈當中，佢係最清麗脫俗o既一個，相信都冇人可以同佢比，亦係呢種氣質，吸引我愛上佢^^。近年，佢都不斷在音樂上創作，好似 " 花火" 咁，我就好鐘意聽啦~亦因為佢o既才華，我更加欣賞佢。好多人都話佢唱歌唔好聽、又唔識跳舞，呢點，佢自己都係演唱會上提過。雖然佢唱歌可能真係唔及某d 歌手好聽，但我依然好鐘意聽佢唱歌，因為我覺得佢好努力，唱歌亦有進步。只於跳舞，佢為演唱會苦練一番，成績有目共睹。仲記得個時佢同伊麵戀情曝光，令佢人急跌，年尾頒獎禮都冇佢份，直至呢幾年都係咁。如今，佢已經係頒獎禮上 再出現，證明佢o既努力係冇白費o既。加油! 永遠支持你!!!!!!

小姐與流氓

可能大家對呢個故事唔係好熟悉，佢係迪士尼一個經典童話故事。係我細個o個時，媽媽買俾我o既~我好鐘意戲中o既男主角，佢雖然只係一隻流浪狗，但佢對女主角o既溫柔同浪漫令到我好感動!!尤其係上圖o個一幕，係音樂伴奏下，一齊食燭光晚餐，仲要唔小心咁kiss到>.<，真係好浪漫呢~亦因為佢，令我對我日後o既伴侶定鏡~

  森林家族(sylvanian families)

我仲記得係細個o個時，一經過八佰伴玩具部，我就會踎係地下唔捨得走。因為放係地下個display 實在係太吸引啦~但係太貴啦，屋企都唔會買俾我玩。之後，大哥送o左一對灰色o既免bb俾我，再之後就送o左一個摩天輪俾我，個時我好開心!!到我而家大個，已經有能力開始建做我個"王國"。^^