STORY FROM 撐思一號

我初初見到所有港姐名單時，見到一個叫楊思琦好正斗，但英國個博彩率

奇低，賭錢這門東西，梗係買冷門啦，見到鍾沛枝雖然冇咁靚，但高過楊

思琦好多，或者可以贏楊思琦的喎！

咁博彩率差幾倍，梗係買鍾沛枝啦，仲托英國的朋友買了成千英磅呀，

點知鍾沛枝最後都輸俾楊思琦，等我輸錢，梗係唔鍾意楊思琦啦，

果時見到楊思琦的留言版好多人留言，讚的超多，佢贏等於我輸，重加氣

頂，所以見到有人反思就好開心，楊思琦咁靚都有人反，肯定好似我咁輸

錢啦，又或者眼光唔夠，唔肯認自己失敗，將責任推在楊思琦同評判身

上！咁樣，果D反思人仕咪同我志同道合，好，一於加入反思份子，當時見

到一個叫青年的反思份子，寫文章寫得好醒，為求反思，我都在TVB留言版

改了個別名叫做青年二號，專反楊思琦以減低我心中的怒火，咁樣就做了

反思份子啦。

但時間一分一秒過去，輸錢個怒火慢慢淡下來，人自然較泠靜，再睇番所

謂反思文章，又粗言，又咸濕，又三級，又老作，開始認為做反思人仕的

品德有問題，再睇番正思人仕所言，忍耐力強，操守又好，同埋自己一向

都認為楊思琦靚，冇得分所以博冷輸掉罷了！

完全唔關楊思琦的事喎！加上電視機前面見到思琦好明艷照人，

無形吸引力實在太勁啦，之前做過反思份子真失敗，所以在11月開始，

為脫離反思份子身份，署名由原來叫青年二號改做撐思一號，在此留故

事，係希望其他反思人仕又好似我咁，放低偏見，咁就可以睇到自己之前

睇唔到的事物，人又會更開心，太多仇恨又點會開心！

我最初本身真係反思份子，並唔係思琦FANS所扮，唔信你o地可以在港姐留

言版9月27日(在港姐留言版第十頁) 睇番一個署名叫青年二號的留言啦，

呢個留言唔單只寫明要打倒楊思琦，仲要打倒鍾沛枝，因鍾沛枝冇用，

都使我輸錢，而家個心情好好，見到思琦就會開心，應該係思琦的超級番

屎啦！