STORY FROM 許樂
我點解極愛思琦，真係不知從何說起，
思琦係我有生以來最鍾意的港姐 (或明星)，
思琦己經超越左千嬅o向我心目中o既地位，
就等我慢慢講下我鍾意思琦的來龍去脈啦！
我諗大慨係六月頭，我無意中睇倒本忽然一週，標題係肉隨砧板上，
裡面有幾版係講港姐， 而其中有一版有一張都幾大下(1/4版)，
係思琦著住粉紅色比堅尼在日本影的性感玉照，
我開頭覺得佢幾靚， 但係都不以為然，
後來望多兩眼的時候，就開始越睇越靚， 欲罷不能，
我對住幅相成五分鐘......
就係由那一刻開始我好留意楊思琦依個女仔！
其實唔知大家有冇睇過，
我之後足足搵左本書成幾個月先比我搵倒， 搵得好辛苦，
但係點辛苦我都要搵番依本我初次同思琦邂姤o既雜誌！
之後一個月，
因為報紙雜誌電視都冇思琦消息，
所以好平淡咁度過左，直到七月一日， 多倫多播港姐準決賽(香港六月廿四日播)咁我當然錄左佢啦，
嘩， 真係唔得了，思琦真係cute到爆， 有D鏡頭重以為佢得十五六歲，
尤其以佢同鄧健弘外景紅衫跳舞的造型最為煞食，人又靚身材又好，
總之perfect！當然， 思琦奪獎無數，
打後的兩三個禮拜我足足翻睇左餅帶十幾次， 真係有D誇張，
因為當時放緊summer， 好得閒，
朝朝起身就開住一邊食早餐一邊睇， o個排重成日上下思琦D
message boards睇下， finally比我發現佢兩個website，
其中一個就係會長o既fan club，真係多相到爆！ 我ICQ nickname亦由
"許樂"變o左 "許樂LOVE思琦"，
cell phone個screen亦多左 "Sze Ki I love You!" o既字樣,
不過女朋友唔鍾意，所以改番！
而o向七月七日發生左一件好奇怪o既事，
夜闌人靜o既時候， 我重拾一個失去左起碼兩年o既感覺......暗戀......我愛上左思琦......一個完全唔識我o既人......個感覺同我以前鍾意其他女仔o既感覺exactly一樣，
我覺得自己有D低能， 所以我打番HK比我個best friend知，
傾左好耐... 當然, 佢都覺得我好低能......
當然，
依個感覺好快消失左，我始終都係最鍾意我女朋友......但係都真係好神奇囉......
七月十五日，
Miss HK Final， 依度冇即日轉播， 所以我個best friend打Long D即時話個結果比我知,
真係冠軍！
之後都係上下思琦D
sites同message board流連下， 識多左思琦o既fans，而思琦亦越黎越多homepages，
日日上網o既指定動作就係睇sites， message boards， save相，宜家我個hard
disk已經有過千五張思琦o既相架啦!
平日一有思琦o既報紙同雜誌就即買，
多倫多買就貴D， 但係冇計，有思琦我就覺得乜都抵番,
重要多謝各位fans o既第一手消息， 尤其是Jacky啦，
佢個思琦之家直頭係許樂之家啦， 我每日唔去過唔安樂，D資料update到爆！
七月廿二日，
Toronto播個final， 一個我好期待的show，
亦係一個令我好失望的show， 思琦固然之仍然好靚，但係個show真係好悶......加上我已經知道個結果，所以連一點點緊張都冇埋......
如事者又年幾,
唉, 但係又眼見有一兩個思琦fans相繼離開思琦fans行列,心裡面有D唔開心, 但係人要變心係控制唔倒, 但係唔緊要啦, 無乜所謂!
但係我一定唔會, 我個人好長情, 千嬅已經6年, 思琦起碼16年,
60年都重得 (如果我未死得)!
依排Robert又整左個新思琦網頁,
我都出左好多分力架, 諗諗下我都要多謝思琦, 因為思琦,
我識左好多朋友仔, 因為思琦, 我學識左用Photoshop,
又因為思琦, 我keep住畫我o既畫, 唔會生疏… 提起畫,
我寄晒比思琦, 思琦好似好鍾意, 又寫過幾封信比思琦,
可惜就係思琦重未有回信, 其實我真係好想好想思琦回信囉,
有時我會諗點解思琦唔回信比我呢? 我其實幾失望,
但係諗深層, 愛一個人係咪應該只問付出不問收獲呢?
其實只要思琦收倒我o既畫而笑一笑, 諗起思琦個sweet樣,
我已經心滿意足, 乜都抵番晒!
思琦的工作亦越來越多，新劇一套接一套,
熱切期待思琦的精彩演出！
永遠支持思琦，但願我可以盡快親眼見倒思琦一面...