(口述:
PAULINE) 紅字的地方為更新部份(提問,筆記,排列,文筆:
ROBERT) 各位哥哥同姐姐,我今年好細,得六歲半,仲唔識打電腦,講野都唔是咁好,有時自己想到就講下,想唔到就要爸爸問下.由於我太細個,有D野講漏了,叫爸爸再寫多一個故仔答謝各位哥哥同姐姐,但爸爸話唔得,冇可能再寫過!所以只出更新版本.我爸爸年年都鍾意睇港姐,都唔知點解咁好睇?可能果時我太細,加上
D姐姐又唔靚,所以真是唔鍾意睇,但媽媽又好鍾意睇,真是好鬼唔明,姐姐行來行去有咩吸引力?直至我好似四歲半,果年開始叫做識
D野,爸爸在網上見到一個叫思琦姐姐好靚,我又唔知,不過爸爸話靚,相信都唔會差,咁樣我就跟爸爸估思琦姐姐第一,但連思琦姐姐樣都冇見過.但是原來是曾經見過,不過唔記得,我爸爸比我在網上睇番D舊報紙,我記得番,我在睇電視之前已經見過思琦姐姐了. 跟著睇港姐,原來思琦姐姐是19號,真是好靚.唔知點解突然好鍾意思琦姐姐,要求爸爸不停比我睇,睇到連媽媽都罵我,日日睇都唔悶咩?我同爸爸冇理媽媽,仍然睇,爸爸真是好好人.到今時今日的我仍要求睇,兩年時間也是咁睇,真是好似好怪.思琦姐姐真是第一,我雖然跟爸爸,但都算估中,好開心,更加鍾意思琦姐姐啦!現在更加鍾意!
有一次在荃灣,為了看思琦姐姐第一次真人,我食飯食得好快,因為要趕著去,但距離太遠,睇唔清楚思琦姐姐個樣,我只有在好多人中大叫:楊思琦,楊思琦,楊思琦.但思琦姐姐咁遠聽唔到,但大叫後,我都好開心.現在人大了怕醜了,唔會再大叫,估唔到我都會有怕醜的一面.
有一次在沙田,今次好近見到思琦姐姐,姐姐靚靚,我又好似上次咁大叫楊思琦,楊思琦,今次姐姐聽到,轉身同我笑,又同我揮手,真是好開心,最後我,爸爸同姐姐影了一張相,姐姐還搭上我的膊頭,我比其他人睇都好開心.這幅相已經收埋了,因為驚唔見.
有一次,又是在沙田,我取了一本書仔比姐姐簽名,姐姐簽了,我回來日日看果個簽名,真是好開心.現在都成日取出來看,真是唔知點解咁鍾意看?
今年港姐2002,冇了姐姐,唔好睇,個個都唔靚.不過各位哥哥同姐姐,爸爸其實唔是要20號姐姐,是要19號姐姐,不過爸爸話個個都要20號姐姐,如果唔要20號姐姐,20號姐姐第一就會好冇面.但今次我唔跟爸爸,因為19號姐姐果樣唔知點,唔能夠接受,我要番2號姐姐,2號姐姐又輸埋,今年港姐真是好鬼悶.
但有樣野又好開心,我今年小一,個號碼是19號,同思琦姐姐一樣,爸爸又成日想我參選港姐,神童哥哥又話我細個得意個思琦姐姐細個果時樣,大過先算啦!
再睇了
LOVING YOU 2同埋仙凡間,思琦姐姐做戲做得好好,但由於爸爸的帶有限,除了保留飛越瘋人仇外,全部都冇晒,咁只有成日叫爸爸開番比我睇,仙凡間同LOVING YOU 2其他我都鍾意,不過洗了冇辨法再看,真是唔開心!唯一開心就是在五月期間見多了思琦姐姐兩次,比冇見過思琦姐姐的人好彩,算是幾開心啦!
今年2003港姐,
D姐姐太醜樣,爸爸話自己是港姐FANS一定看,但我唔看了,我看了核突野會發惡夢的,驚驚!註:由於小女年幼,所以只能口講,有的可以自己一路講,有的是我提出問題問她,由她答出簡單答案,我再同佢用文筆執執.
荃灣那次是荃城動感飛躍2002
沙田第一次是[情濃七日]
沙田第二次是[
STARRYWOOD新張剪綵]