一年一度中國純種胭脂馬大賽在一月廿七日番茄園比賽,我爪皇烈風評馬一向都唔差wo!今次講下自己ga心水先:排擋如同日本一樣,1號馬即排一檔.

1)號來自游泳衣ga開心狐,馬樣唔差,又夠晒成熟,有狀態,但排在最內檔,出閘如唔夠快會被擋住,沿途坐包箱,隻馬太細粒唔容易夠氣擠出來,作為泠腳看待,熱捧不宜.

2)號來自椅南ga讀書蟲,馬樣麻麻,眼晴小,唔夠威,加上訓練不足,其他對手大學訓練,佢得中學訓練,又未收身,肚大大,可以不理.

3)號來自新浪潭ga黑烏鴉,呢隻馬係全組馬最高大威猛,雖然咁高大,但前身肌肉唔夠,負114磅些微重,唔多好跑,至於馬樣都唔差,3檔好,能放能留,邊線分子.

4)號來自墨盒ga塵飄飄,馬樣一般,身形中度,唔識本地馬語,同馬迷難溝通,平平無奇.

5)號來自好老土ga啡草菇,年輕馬仔,但好似矮o左d,前身肌肉勁,爆炸力強,但收身唔夠,有些

少肚腩,PP位太大,重有多少白印,馬樣幾好,但唔夠純種,位置居多.

6)號來自大耳洞ga拿玉立,年輕馬,前身肌肉唔夠,馬樣麻麻,有冇出場都唔知.

7)號來自找弟難ga界冰,負磅115磅稍重,高度幾好,馬樣都幾好,但馬腳太粗,腳法唔好,前身肌肉唔夠,唔識本地馬語,爭第三名之一,頭兩名就難d.

8)號來自快山ga王昭君,個名雖然是四大美人之一,但馬樣同四大美人完全脫離,一d都唔好.唔識本地馬語,睇少一隻.

9)號來自布都輸埋ga一張紙,輸得咁慘,質素點會好?勁唔掂,無謂多講!

10)號來自蝦醬ga憎恨你,馬面大,落腳重,馬仔細細負111磅勁重,未收身,點有得跑?

11)號來自得棚牙ga發夢羊,馬眼大大,面相幾好,負磅合適,身形都算平均,馬又夠成熟,但隔離閘遇到大熱門,容易被大熱門切入而受阻,但都坐二望一之材.

12)號來自金剛ga旗仔餅,雖然馬仔細細,但流線型身裁,爆炸力強,跑二小時短途好合適,在金剛本地打比大賽,被米字旗捧成大熱,出閘好慢,全程走位好論盡,令捧場客標汗,始終質素高而取勝,馬樣瀟洒有台型之餘,仲甜美有馬迷欣賞,雖然今次收身冇上次咁大勇,但都唔錯,全場都數一數二,負95磅奇輕好跑,只要出閘快過隔離ga發夢羊,盡快切入內檔,可期取勝.

13)號來自賓妹ga小鳥人,個馬樣似十足產地,負120磅奇重,完全未收身,我大膽講句第一隻可刪去ga首選,根本完全冇chance.

14)號來自知阿哥ga顧老闆,見到都唔知有什麼可講,到處可見ga普通份子.

15)號來自天津鴨梨ga嬌嬌女,年齡輕,高度唔錯,馬樣都唔錯,但前身肌肉唔夠,短跑唔夠爆炸力,怕後上不及,爭三爭四份子.

16)號來自身減球ga惡死人,馬眼細,馬頭三尖八角,陪跑份子.

17)號來自四海ga木醜易,馬樣唔多掂,排大外檔難切入,負112磅重,未收身.

18)號來自大利是ga一條魚,馬樣幾好,高度又好,排大外檔難跑,負115磅雖重,但已收身,沿途會俾11號及12號頂住,要跑太外而費力,但以馬論馬,或能爭第三名一席.

19)號來自東畫到ga打釘釘,馬樣好老,唔似馬ga年齡,爆炸力雖強,但唔好彩,抽到個最外檔,有11號,12號,18號全程頂住,負110重磅,馬腳又粗,好難跑wo!

結論,買W點都要買12號,買Q則是12+11號單Q,買T則是12,11號單式雙膽拖1,3,5,7,15,18號6條票,有機會WQT齊收錢ga wo!應該是唔錯ga提供la!