新琦合力二
玩法,如新琦合力一的一樣,但每次留故事均要最少有一句歌詞
或一句歌名,用括號括住,由於JACKY同神童均喜愛留歌詞,所 以今次的變動是希望佢地來玩下GA,同埋其他玩新琦合力一的人 仕也是樂迷,應該問題不大吧!
希望我的網友最少玩一次連續,當然越多越好吧!
ROBERT : 阿兒是一個好沉默的女性,人們問點解咁靜時,她說自己一向認為[沉默是金],多說無益.
ROBERT : 但阿兒也有一個好好的女性朋友魚魚,阿兒認為這個朋友好重要,[得得失失,不必追究,得妳願跟我做朋友,就似是得天獨厚]所以對這個唯一的好朋友時,阿兒就會一反平時的沉默,講野多多,好似與平時判若兩人.
DEER:係阿兒心入面，【朋友仔】係最重要既，所以佢對住魚魚，天南地北都講得一大餐既，佢地無所不談∼ 佢地咁岩又住得好近，所以日日都一齊番學放學∼有日，佢地有個ｇｅｏｇ測驗，咁岩魚魚之前果日因為要照顧病左既媽媽，所以冇溫到書∼ 佢番到學，就同阿兒講「兒∼今次ｇｅｏｇ ｔｅｓｔ可唔可以借我抄呀……我冇溫到書呀」「下……咁唔係幾好喎」「ｅ……夠唔夠朋友先∼咁啦，最多下不為例啦」「咁呀……ｅ……」
黑仔:阿兒當正魚魚係【Forever Friends】,魚魚突然咁講,阿兒都唔知點好,【左右為難】,就求求其其咁應承左魚魚,到test果日.....
DEER:魚魚係ｔｅｓｔ既時候將個頭伸得好過阿兒度，同埋打眼色叫阿兒將佢既ｔｅｓｔ ｐａｐｅｒ擺過ｄ，阿兒正想擺過ｄ既時候，岩岩個ｔｅａｃｈｅｒ經過阿兒梗係唔理魚魚啦∼ 結果，魚魚個ｔｅｓｔ肥左，佢梗係嬲啦∼所以佢唔睬阿兒，佢唔睬阿兒足足有成３日啦∼阿兒好傷心∼魚魚有一日，冇野做，所以上網同聽下歌啦∼佢聽到ｔｗｉｎｓ唱既一段歌詞： 【「原來朋友仔感情再天真，亦是我永遠也會愛惜的人……」】 佢好感動，同埋覺得因為呢ｄ小小野而冇左個ｆｄ好唔抵，而阿兒都係為自己好，唔想自己比佢縱慣∼於是，佢決定第二日去同阿兒講ｓｏｒ啦∼ 點知，第二日，魚魚係阿兒屋企下面等佢啦∼ 點知，魚魚意想不到而又最唔想發生既事發生左……
hay hay:阿兒竟然話要同佢絕交!魚魚梗係問佢點解啦~!阿兒話:「你知唔知呀!我心目中既好朋友唔係要有外表，有好成績，[我最關心]既係要可靠，傾得埋，同埋誠實呀!你宜家要我俾你抄野，跟住我唔俾你抄，你就話唔睬我?我都係為你好o者!咁既朋友，我要唔要都罷啦!」
ROBERT : 魚魚冇啦啦被阿兒話絕交,梗是 好唔開心同苦惱啦!唔開心之下開了電視解悶,剛剛見到港姐冠軍楊思琦 姐姐的[結他仙子]MTV,其中幾句歌詞,[誰在痛哭失意傷心,為何自責失去信心,活世上有快樂 都有心內戰爭,憑自信可改變一生]魚魚聽完首歌詞的 精神為之一掁,心想一定要有自信,一定要考得好成績,咁阿兒就唔會再看少自己啦!咁魚魚開始努力讀書啦!
許樂 :o向一個[Lonely Night],魚魚對住本又厚又悶o既History textbook, 過兩日又test, 望下個鐘, [搭正一點]), 本來想訓架啦, 但係心諗, 為左個好[姊妹], [繼續努力]啦, 唔好比佢停...突然佢又好掛住阿兒, [直覺]話佢聽阿兒未訓, 想打比阿兒同佢say sorry, 話佢聽自己會改架啦, 於是佢就[乾脆]拎起個聽筒, 鼓起[勇]氣打比阿兒... "喂, 搵邊位?" "喂, 阿兒呀? 魚魚呀..." "Um...點呀? 搵我乜事?" "冇呀, History個test你溫成點呀?" 阿兒好冷淡咁話:"冇呀, 都係咁啦!" "阿兒呀, sorry呀, 唔好嬲我啦, 真係冇下次架啦, 我個History test讀左好耐啦, [若然還不好, 就重頭深造, 有點感動到亦算好, 功過我不知道, 也願勞力讓你看到!]" "但係我真係好嬲囉!" 魚魚就話:"不如咁啦, 如果我個test有九字, 我地就和好如初啦!" "咁呀..." 魚魚一廂[情願]咁話:"一於咁話啦, [若你賞面欣賞一定做到, 全力出位爭取歡迎程度, 拿分數, 都是為你]!" 阿兒其實都想同魚魚friend番, 所以就應承左, 佢地可唔可以和好如初, 咁就睇魚魚o既造化啦!
JACKY: 到o左test當日,魚魚真係好「怯」,怕成績唔好。當魚魚收到份測驗卷,份卷真係幾深。就算認認真真咁溫過書,九十分都未必「手到拿來」。魚魚對住份卷越o黎越「心寒」,因為好多題目都唔識答。魚魚「早知」對呢份取高分無望,十分失落......
黑仔:對於拎九十分呢個要求....魚魚認為自己真係【負擔不起】,佢真係好想【回到過去】,為自己既錯作出補償,可惜...呢個只係佢既想法,根本冇可能實現。而家佢惟有希望自己【估計錯誤】......真係拎到九十分啦。
陳治:之後有如[寂寞流星群]ga魚魚出街散心,見到街頭有人跳Hip hop舞,其中有一個認識的人................
果個人唔單止係識啦∼DEER:果個人唔單止係識啦∼ 佢仲係……魚魚既[男朋友]！不過，魚魚見到佢跳完之後，竟然攬住一個女仔喎！魚魚【眼紅紅】咁望住，佢好嬲之餘，仲覺得個女仔好似之前見過咁……佢睇真ｄ，原來果個女仔竟然係阿兒！
THOMAS:魚魚唔知點好﹐唔知好唔好走過去﹐走過去跟住點﹖終於【受不了】﹐一枝箭沖過去﹐推開佢地兩個﹐喊住同阿兒話﹐原來你『早有預謀』﹐之前為左個test﹐同我反面﹐【點解你係咁】﹐【點解你係咁】既人﹐我『曾幾何時』當你係我個best friend﹐ 你點解要傷害我﹖魚魚太過傷心﹐支持唔住﹐跪在地上﹐係D一刻﹐街上每一個人都望注佢地三個﹐成條街都好似特然間靜晒﹐唯獨大家只有聽到在附近一間唱片鋪播緊既一首歌﹐所以魚魚好清晰聽到D首歌既一段歌詞【 回頭望﹐ 伴你走﹐ 從來未曾幸福過 ﹐赴過湯﹐ 蹈過火﹐ 沿途為何沒愛河 ﹐下半生﹐ 陪住你﹐ 懷疑快樂也不多 ﹐沒有心﹐ 別再拖﹐ 好心一早放開我 。從頭努力也坎坷﹐ 通通不要好過﹐來年歲月那麼多﹐ 為繼續而繼續 ﹐沒有好處還是我﹐ 若注定有一點苦楚 ﹐不如自己親手割破 。】
許樂:首歌播完, 一切回復平靜, [前前後後左左右右]o既人仍然望住佢地, 佢地三個冇人再出聲, [無聲彷有聲], 阿兒第一個打破沉默:「[原諒我]啦...我地都唔想架...」Kevin-魚魚[男朋友]幫口:「Um, 唔關阿兒事架, 我同你[愛情已死], 遲早都分手架啦!]一聽到分手依兩個字...魚魚唔知點好, 佢求其諗到乜就講乜:「世界上有[兩種人], 兩種都係賤人, 出賣朋友同講大話o既賤人, 可能[今期流行]玩出賣... 又好似[有人]話什麼一生一世, bull shit!!! [早知]我就唔鬼讀科History, 你話為乜? 一於咁決定啦, game over! 分左手[一了百了], 係咁啦!!!」事到如今, 魚魚[非走不可], 她含淚轉身拔腿狂奔, 阿兒同Kevin都好唔安樂咁望住魚魚o既背影絕塵而去...
黑仔:魚魚好傷心咁諗起一段歌詞......【曾共你天天相對 失戀也一起 共你擔心功課趕不到限期】.....估唔到出賣自己既就係佢既【好朋友】...眼淚不停咁流...簡直係【心如刀割】..
ROBERT :雖然魚魚好傷心,但腦中不奇然 出現了與Kevin的[前塵]畫面,想起點樣認識,原來某一日的[早晨],魚魚 去沙灘游泳,在[太陽傘下]休息,有一個男仔走過來同佢傾計,跟著就 越傾越熟,開始單獨去街,魚魚事前未曾拍過拖,真是[愛情I DON'T KNOW] ,所以好容易投人,去街多了,Kevin問魚魚有冇拍拖,魚魚答[不],咁魚魚 就同Kevin正式拍拖了.一拍拖之後,[激情][燒]得很快,魚魚愛Kevin 愛到[瘋了]一樣,阿兒成日叫魚魚[醒醒],魚魚以為阿兒為佢著想,所以 同佢講聲[多謝],點知自己[愛上一個不回家的人],還被[最佳男主角] 的kevin演技騙到,[傷痕]在心,好似走進了[心踤卷]一樣. [三更夜半]仍不能sleep,惟有[放縱]自己狂飲酒啦! 魚魚原本想[逃離鋼筋森林,夢一些遠的夢],但個心[依然]未能忘記 kevin,[離不開,留不低,如火中的一個草原],心情真是好復雜! 魚魚結果都是大[哭]起來,感到[我空虛,我寂寞,我凍!]
許樂:魚魚好想食野, 打開雪櫃, 拎左杯[紫色]既提子[薄荷味][o者o厘]出黎食...佢諗起佢既[愛人]Kevin, 因為佢都好鍾意食, 魚魚恨佢但係重好鍾意佢...佢心諗「[要是我肯決意放棄你, 可會越行越遠但是越好奇, 要是說出我會永遠愛你, 然而我都愛到斷了氣, 我怎麼要妒忌, 只可以妒忌...]」魚魚眼淚乾左, 諗諗下又想食野, 佢想再喊過, 走去切[洋蔥], 一路切一路痛痛快快咁喊多次, 切完佢就加左落罐[罐頭湯]度一齊飲...心諗[明知愛這種男孩子, 也許只能如此], 但係點解[你是唯一我是之一]? 好唔fair...越喊越勁...喊完, 佢見冇野好做, 佢去拎番佢[姊妹]阿兒D舊信出黎睇, 成個鞋盒載滿阿兒送比佢D野同信, 佢見番一個好cute既Hello Kitty公仔, 係上年阿兒去日本既[手信], 魚魚發出會心[微笑], 再睇番D舊信, 見番D阿兒[字跡], 真係[聽過你太多心事, 但已經不再重要], [舊的書信每行字跡, 就如舊愛已褪色], 重寫什麼[友誼萬歲], [慳D]啦你!!! 魚魚決定記起今日[有發生過]o既事, 佢拎佢本[深紫色]o既[失戀日記]出黎, 最後一句係有誰能[分半點福氣給我, 不准漏低我一個...] 日記都寫埋, [幹甚麼]好呢? 佢同一時間冇左兩個最熟o既人, 宜家佢feel到自己冇乜friend囉, 佢[抬頭望鏡亦算不失不過], 心諗[到底我什麼出錯], 諗諗下佢決定上網搵D net friend傾計, 但係因為太夜, D人訓晒, 得番一個[塔羅迷]friend, 唔夠5分鐘又話offline, 魚魚即刻reply:[我想哭, 你可不可以暫時別要睡]? 結果個friend都係off左, 魚魚唯有搵佢偶像[楊千嬅]倍佢, 狂聽佢favourite[最後的歌]...聽聽下訓著左...第二朝, 魚魚唔想留o向間屋, 出左街行, 香港真係太細啦, 佢竟然見倒Kevin同阿兒一齊, o向[二人前]魚魚唔知點好, 一於當[陌生人]一樣, 擦身而過..佢行左[八步半], 一聲"魚魚"傳進她的耳窩, 阿兒叫佢...魚魚冷冷說了一句:「我諗你[認錯人]啦!」繼續向前走, 行到街口, 她不知[向右還是向左走], 突然醒起左面有間唱片店, 於是[向左走]去睇CD, 聽見[唱片店內傳來異國民搖], 一腳步進井井有條的CD舖, 第一時間去女歌手個section, 搵番千嬅隻處女大碟[狼來了], 咁佢就可以聽番隻正歌[燭光夜], 買完CD就[向右走]去書局睇書, 魚魚根本唔鍾意睇書, 只不過無聊入去行下, 佢見倒本聖經, 拎黎睇下, 一打開, 心諗:[出埃及記]? 千嬅隻歌? 唉, 神又點? [神只會歧視我, 禱告假裝聽不到, 逼迫悲觀的少女窮途無路], 唔通[少女的祈禱]可以令Kevin番黎我身邊? No way! 魚魚放低左本聖經, 去買左本[美味情緣]電視小說便轉身離去!
JACKY:不是冤家不聚頭,出到書局外,又碰到Kevin同阿兒!今次再也沒有「逃避你」的借口,惟有向Kevin打招乎! Kevin對魚魚講可唔可以做翻「好朋友」?魚魚一口拒絕!Kevin問點解?魚魚話:自從你要同我「分手」之後,「有些事真的 來不及 回不去 」,我都「無話再講」!「我懂我也知道 你沒有捨不得」係咪呀?「為什麼我連分開都遷就著你」?「被世界遺棄不可怕 喜歡你有時還可怕」呢句話得你冇錯啦!當「我沒有這種天份 包容你也接受他 不用擔心的太多 我會一直好好過」!係咁先!拜拜!我o地從此「不拖不欠」! 魚魚獨自離開,一路行一路諗依家「獨來獨往 如何過」?忽然,見到一間新餐廳開張,於是決定入去大食一場,「就當分手要慶賀」!
黑仔:[勁辣冷面金槍魚刺身 咖喱豬扒扎肉湯河紫菜加州卷炒貴刁】...等等通通俾魚魚食晒。食食下....諗唔到點解【仍然難禁看著你這個壞人 有什麼吸引】,唔明點解要為左佢兩個咁既人而傷害自己...【何苦】呢.....既然呢段係一段【痛愛】,不如忘記佢啦...終於要【再見我的初戀】喇....魚魚終於唔再自己一個【啜泣】,【一句到尾】...魚魚【重新做人】。
THOMAS :之後魚魚覺得如果要【重新做人】﹐首先要同自己講至少以前【我敢去愛】﹐無論將來係點﹐唔可以再太[懦弱]﹐雖然曾經以為Kevin係【YOU'RE THE ONE】﹐不過從今日【開始】﹐我唔會為【你這個男人】再【心太軟】﹐冇必要再【ASK】點解。如果有 機會再拍拖﹐一定會記住要做個【快樂情人】﹐唔好將以前唔開心既經歷影響將來﹐今日係個【大日子】﹐等我買D【薰衣草】返屋企浸番個泡泡浴先﹐一齊都成為過去。
ROBERT:魚魚希望[不住怨婦街],對於kevin[逝去的諾言]咁[變心],魚魚認為太重視[愛和承諾]好[傻女],知道了[7分愛情3分騙],魚魚將[你留低的信]撕掉,[與淚抱擁]埋今日,明天就[變變變]太變身,但[今天夜裡總下雨][我寂寞]得番自己個[孤單背影],只有看電視的[凌晨舊戲],看到[夜了點],雖然[我心不死][為情為愛]咁[JEALOUSY]阿兒,但[緣了就是完]冇計啦,唔再希望Kevin[love me once again]了. 魚魚見到[秋色]咁靚,有旅遊衝動,不奇然想到外地玩,魚魚決定退學,希望有一個[奇妙旅程],阿兒問[幾時再見],魚魚回答話[人生何處不相逢],如果 香港有值得[留戀]地方,自己一定會[戀戀風塵]咁[歸來吧],阿兒就話[去吧],仲問魚魚[可否]有[禮物],魚魚話阿兒咁多問題,成個[問題女人]咁, 又[貪貪貪],妳同kevin[從來是一對],日日都[銷魂夜],仲未[心滿意足]? 所以魚魚好嬲唔理阿兒走了. [這一天],魚魚仲未夠鍾上機,但[心就要飛去],想住加拿大了.魚魚[JOE NEXT TAXI]咁去機場搭[夜機],但一起機遇到氣流,都幾[夜半驚魂],好彩冇 事.冇事機自然向上飛,見到好靚的[月亮],魚魚[月夜的隨想].如果可以[把愛留下來]Kevin在隔離[親吻]自己,過多一次[最後的纏綿]就好了. 魚魚想完野就唱歌啦,[夜半歌聲]咁不停唱,唱唱下不知不覺咁唱了[千千闕歌],到了加拿大,氣溫好[冰點],[飄雪]好似[碎花]咁[飄]在魚魚頭髮上, 雖然好靚,但太涷了,魚魚即去[紅茶館]嘆杯熱茶保暖. 到了明天,魚魚去了[跳舞街]參觀,見到一個[反叛][dancing boy]跳得好好,看清楚d,原來呢個是[不羈戀人]kevin.魚魚問[為何仍是你],kevin話其實自己鍾鍾魚魚多過阿兒,知道魚魚外遊,但唔知是邊度,希望心有[靈犀]咁 遇到,魚魚話[為你好],放低自己[多少柔情多少夢],等你同阿兒可以愉快生活,自己出走了,但到了加拿大都[痴情意外]咁遇上,唔通[正視愛]的無處不在.[永遠愛你的人]kevin問魚魚[今天的愛人是誰],魚魚回答[依然是你],然後反問kevin[你喜歡是什麼]?Kevin回答話[還是喜歡看你],[你的夢我的夢], kevin講完即刻到[花店]買花,魚魚收花後好有[玩味],但魚魚[怎麼都想要],因男友送野比自己是[幸福的條件],兩人的[距離]即刻拉近,好享受咁 樣的[二人時間]
ROBERT:其實魚魚上述所有感受都是嘆緊茶所發生的幻想假像,心放不低kevin而已.但逝去的始終是留不住的.[等}雖然是[偏偏喜歡你]的[深愛著你],但也是無濟於事的行為.魚魚想自己過[粉紅色的一生],知道[我要踏上路途,要去摘星不做俘虜,不怕踏千山,亦無介意,面容滿是塵土.] 過了二年單獨生活,魚魚在加拿大找到一個[至愛]高高,真令人[喝采],她 們快速熱戀起來,很快[突破]戀人關係,正式步入教堂. 魚魚婚後,回到香港探望阿兒,不計前事之非,一心探望老同學,原來阿兒同 kevin已分開了,因kevin變了同性戀愛好者. 魚魚在[幾分鐘的約會]知道這事後,安慰著阿兒,失變是[一生不可自決] 的事,算不了什麼!!通知阿兒[今宵多珍重],忘記了kevin啦! 阿兒問魚魚仲可以再做番friend嗎?? 魚魚話得,no problem,阿兒即刻上前攬著魚魚,仲封魚魚為[偶像]啦! 最後阿兒取番上次魚魚離港前冇取走的history 試卷,問魚魚估下 自己幾多分?魚魚話唔合格,[對不對]?阿兒話是剛剛九十分啊! 魚魚問點解,明明有幾條唔識ga,所以點會九十分?阿兒講緊那份卷 滿分是150分,所以答錯咁多仍可以取九十分,一個可以合格的分數啊.