『 Johnny 喵. 日 誌 11/ 04' 』

[30-11 二]噢!完了.THE END OF NOVEMBER.....真真正正過左我既22歲生日喇~ 要乖乖地,迎接快樂的十二月同埋一月仲有二月tim ar! 我要努力讀書,努力工作,努力賺錢,努力減肥,努力Design,努力整網頁,努力支持Johnny n Jay,努力搞生意,努力幫朋友做Styleist,努力諗下將來,結婚,生仔,學車,做老闆,學美容等等等等.好多好多,都要努力! 火星人,你都努力啦!! 撐爆你**"

多謝二佬琴日同我傾計, 恭喜晒你今日畢業呀,記住搵我影相啊! 以你為榮:3

[29-11 一]就快月完喇,哇~~出糧出糧啊~ 返工咁耐草落既錢比我洗乾洗淨喇..ohoh!快d出糧,12月又要破產,因為今年我會買好多Christmas Gift比親人同朋友啊~ 呵呵,幫助香港經濟,我唔能夠唔咁樣做囉! 呵呵,多偉大?!^_^" 頭先突然靈光一閃,又有一個不錯的Idea 呀,希望可以幫倒我啦. 有時都真係幾鍾意呢份工啊,因為好多時間比我靜靜地做自己野,同諗下野,一有新idea 我又可以即刻drop 低,畫低,仲整埋出黎都得tim,不過就係人工太低,又無任何福利同晉升機會,anyway,我繼續planning,睇下個cost 邊個大di lor.

又睇左JDepp既網站,覺得自己可以整多d data of Jdepp in my hp,不過無咩時間同心機比我慢慢整JDepp new version. 不過一有時間我會plan定,design好先, 依家仲想整埋Jay既專頁,或者我可以好簡單咁整一個page for Jay, 一個page for Jd lor. 好似magazine 咁既自家式網頁,每2個week更新一次,咁未唔駛一次過整晒.........依~~都幾好既idea wow,希望多d人黎支持我既網頁啦. hehehe.好,我要努力喇!!!!!!!

[28-11 日]嘩!!!你估我今日見倒邊個.......哈哈.係小儀啊~ 森美那個小儀啊~ ^^"佢黎買野,我仲sell左佢買一頂冷帽,哈哈....好開心呀,其實小儀都幾好樣啊~又唔係肥,都唔知點解森美成日串小儀蘿蔔腿, 一d都唔會囉,不過真係好小可愛就真既......都OK 啦~ 佢頭髮好長,同埋個樣都靚,唔似佢.....不過睇耐左,近d睇,都真係佢囉^^ 佢都買左好多野,d野仲幾型tim bor.佢走時仲同我講byebye, 我當然都回佢Byebye la.haha.開心啊 . 同阿paul食餐lunch,時間雖短,但都好開心啊........我的心情又好番喇,期待12月的來臨啊`yeah!

[26-11 五]睇完個show喇!! 仲影左d相tim ar.hahahaa

又一城既pinklook給朋友的祝福

[26-11 五]Well , Happi FRiDay ~~ 呀!整左成日勞作,終於完成喇,都幾好啦,希望有人鍾意就得喇.真係整到我手都震埋啊! 不過唔夠完美, 少少求其,叫做有Style 啦,唔同平時嘛.... 有d野好心淡,搞到無左一半心機囉.anyway,盡左自己既責任就ok ,啦,何必太認真呢^^" 下星期先post上黎比大家睇啦,依家唔出得街住.

今晚我會去商台既新力星show. yeahyeahyeah!

[24-11 三]聽見霑老先生病逝的消息,既驚訝又婉惜....有點突然,而且我們又失去一位對樂壇有貢獻的好好先生了.他的兒子對大家說,不要忘了霑老先生的笑聲。是的! 他的笑聲陪伴我成長,也陪伴香港人成長。

[23-11 二]我真係累了,比我休息一下好嗎?..

[22-11 一]星期一唔駛返學,但要傾Project,內容仲未諗,或者食完Lunch 寫寫佢啦!下個月頭要交喇.仲要present tim wow....~<~..

[21-11 日]Hai左成晚,無晒力,返屋企訓左2粒鐘又出左街~~~ 有朋友關心返,開心,但最在意的人卻......好無奈!本來開心的心情又Down 返。

對自己真的有點擔心, 最近的心情都很不穩定...大喜,又大悲,開始神經錯亂,希望唔會又自信心低落啦~ 今日有事返唔倒崇拜....真唔好意思ar Yves 同vicky. 後尾出左去小西灣搵arPaul ,傾左好多計........好犀利啊.個風景仲好靚,希望有機會再去啦^^"下次帶相機啊! 後來Paul要去飲, 我地就去左樂富食五十嵐,好飽...哈~

[20-11 六]極度情緒低落,好唔開心,hai.....到第2朝8點先返屋企。遲來的反叛..

[20-11 六]真的很心淡,對住公司,對住腦細,十萬分無奈...

[19-11 Fri]發覺自己有點移情別戀...

[18-11 四]返學的日子,好像很久沒上學了似的,今日又努力地弄了網頁,那個Johnny網,因太沒時間和心機,最近都沒有更新,所以會加在我的網入面看,那我會多點時間updated.今次是JD與女孩的見面,很羨慕啊!

[17-11 三] 哇...我又整左個新既index page喇!有興趣去最底既紅色字click 一下^^"今日mammy返學,我又夜返了,去左沙田整手機d野,低能one23勁貴囉...成$3百幾呀今月,crazy....之後睇左眼鏡同埋食飯,一路睇電視一路食,好正啊,睇楚xxx,呢套劇好得呀!!! i like it. 睇完d人都散晒,強啊.之後行左陣西田,就回家喇~~~ 仲走左去wanko睇衫,有一件好得呀........好想買,睇下下next month la. =3= 好貴啊.仲有條衫,so like a.heee. 走時仲同朋友諗倒christmas有野搞,希望搞得成.yeah...excited!

[16-11 二] 離聖誕又近一日了, 好期待今年的Christmas Party,一定會比上年玩得開心,要好好地想一想先得呀~^^" 今年有好多人我都想同佢地過,我諗都好大機會可以一齊玩,癲返一晚咁啦....yeaaaa! 仲未正式練習,唔知會唔會有問題呢? 琴日同阿龍傾計,講開靚仔呢個問題,只要覺得自己靚仔,就算人地點踩都好,自己比自己肯定,最後都可以說服人地啊~ 即係話你自己信心爆棚,就算人地點話你唔得,你最後都係得架! 講真,信心真係無乜,不過用一個玩的心態,去Enjoy 個活動未算囉~ 反正至在參與...(話就咁話) Anyway, i must try my best, hope all my fd can 撐我.

公司堆左好多野未做,今日一返黎就好乖咁清晒D野再玩電腦,終於搞到12點先完成晒,而Statment 就下午先再打,老細依家都未返....訓完搞,整完d相,check email,開icq,打日記..咩都做晒喇. 今晚Date左 寶儀出沙田食飯,想傾計,唔知傾唔傾倒呢!雞仔都會出啊...又見倒佢喇.哈"唔知kevin 出唔出,佢聽日走喇... 如果Feb去得成旅行就好喇,佢應承左帶我去玩架~~ =3= wu~~~今日月已經糧尾,Credit card未找數,要小心用錢了,好驚啊.

6/11佢地送既Gift-LovePsychedelico n 星星頸項 ........... V6朋友同我慶祝生日.

養左2日既小狗狗;.................................. 最愛喵之小貓 :3

[15-11 一] 放工去左causeway bay........要做既野無做,變左搵人食飯only,不過都好既,好耐無見arLon喇,仲見埋lowing tim. Good ar^^"我覺得拍左拖既lowing靚左好多,愈黎愈女仔 n 女人喇^^"~ so gd ar....~今晚唔知點解special 餓,仲食得好飽,唔知係未幾日無見,好多野傾wow....wahhaha,開心啊! 希望keep 住啦,好Miss ar!

公司突然好多野做,好似做唔切咁...唉,要努力D先得喇^^ 今日cool左好多,大家要著多件衫喇:)

[14-11 日] 今日星期日呀,成十點幾十一點先起身.....無返教會啦,vicky ,yves都無搵我wow...~,~!之後開icq hei左一個早上,阿媽返黎又扮無野咁... = =(汗) 搵Terry,kevin出去玩,本來date 今日sing k,不過我見kevin就走...so~ 都係去行下啦^^" 叫左3Bi一齊出,成3點先出發,第一站係石澳...個Beach 好正,好熱,我除左shoes 下水玩.影相~~~好多人...點知.............我副眼鏡跌左! 搵唔倒,仲要係開車走左....折返都搵唔返,超傷心啊,我好鍾意架!! 同埋好貴~T_T""""傷心爆..唯有諗,我同副眼鏡緣盡了.....之後我地dau左去赤柱,不過太多人所以無落去行,然後再上山頂,都好耐無上去喇,因為唔識路,行左好耐先上到去.....天黑岩岩好睇夜景,真係好靚啊^^" 我地又係咁影左d相,heee~ 走去食左pan cake ,好味~ 差唔多時間就去紅館,我買左個M記食,落返黎都成....7點幾,未夠鐘,阿思又未到,起車上又hai 左陣,知道karen 坐第一行,我即刻癲左......wahhhhh! 佢就開心啦,可以同Jay 握手,我妒忌佢呀.....:p佢個fd 仲滅arJay既手臂tim bor.....好衰啊!! 雖然係第2場,但係我都仲好High,因為今次個位雖然好山頂,都要$200.不過睇晒成個場,好正面,好Good view 呀,今次我就係咁enjoy 個show,因為上場我影得太多,miss左好多野.今次only enjoy 同睇同聽同嗌個Show lor.好得呀Jay~~~~~~~~~~~~~" 下年我一定再睇:8 完左即刻出去買Jay大相,因為我上次miss左買唔倒,今次仲有新相,pink外套的型型jay,我不敢待慢,即買,然後見倒上次的jay,又買,即唔見$80. =3=(汗)之後我地再去門口等ar Jay 出黎.....等左成半個鐘,聽倒佢出黎,但睇唔倒佢,尖叫左一輪,就目送應該係佢既van走喇,之後大家即散....whahahah! 返到家即貼大相,依家成房都係arJay喇. Jay i love u. 總結:又係一個開心加瘋狂的晚上. (除左返屋企之外)

比住少少相你地睇先啦,想睇多D問我啦,問我啦~~

石澳沙灘景 vs 山頂夜景



[14-11 日]最終我都係無劈酒,又無3,4點先返屋企! 不過玩左一晚好開心^^"咩唔開心都無晒ru~~~ 我同阿思,terry,kevin,Paul去左港島區一晚遊,去左好多地方:首先我同kevin meet 起又一城,傾左成個下午,後來arC 加入我地去太古城join Paul, Terry再meet我地,駕車去跑馬地出名的嫦記食排檔,好味,再去north point 定灣仔食明記糖水,之後再上arPaul既西灣河的家坐了一陣,真係又大又靚又多獎杯,好勁啊! 跟住睇左一陣VCD 成點幾先走....Terry再駕車送我地返屋企...又累又臭,不過好開心^^" 我地傾左好多計呀.haha.arC臨尾仲送左盒朱古力比我,開心死我! 多謝arC咁鍚我 . Kiss you!! 琴日成日都無見過屋企,當係發洩啦! 唔開心既事完!

[13-11 六]今日之情緒極度低落同惡劣.....其實係琴晚開始. 無啦啦因為"姐夫"一詞,我媽鬧到我隻狗咁..我都唔知發生咩事,又唔知點解即刻情緒好激動,勁大聲同佢講野...人地叫佢姐夫關我鬼事?我從來無叫過任何人講d乜,我亦無講d咩野~ Chi 9 Sin,況且佢地睇左我封信既內容..已經好唔尊重我,依家反倒話我唔知醜,令人地誤會wow,未結婚先要人地叫咁既稱呼......Chi lun Sin.....之後我彭門勁喊,今朝眼腫,今晚我無3,4點我唔會返屋企.....!

我覺得依家情緒好唔穩定,希望我唔會又激動做傻事..........今朝返工時,突然想像自己走上大廈天台,一個唔小心跌落黎...其實即係跳樓! 個感覺好恐怖....今晚我要去劈酒!!!

[12-11 五]又到weekend,真開心啊!! 今晚要返學,HoneyJ又黎接我,好開心啊~ Lazy 的我又未溫習,唔知想點,仲話...(汗)今日老細都無返過黎,唔知佢會唔會返,因為仲有報價未報。依家參加左個比賽,所以要努力練習,感覺有點難度,點樣先做倒xxx咁樣?一個月的時間可以有咁成能力嗎? Anyway,過了第一關已經開心死了! 哈哈哈....染左頭髮,變左金毛飛,但我唔係金架,係帶少少綠的!!棕色,明未?!

:: 我副眼鏡的遺照 [14-11] ::

[11-11 Jay concert] 超有型單薄白白深細長潮爆靚仔好聽有Feel熱鬧嗌爆閃閃RapBoom意外驚喜無得頂開心爆興奮傻Good秀再睇 <<<<這是我的感覺!! 呵* 我走左第一堂OA,去了周董的Concert,我的第一次獻了比周董,本來都麻麻地既,因為佢加左場,不過睇完之後係勁滿意,興奮,發癲,開心爆既.............都不枉我訓街買佢呢場Show,因為D衫好明顯靚過早2日既衫啊 :3 興奮興奮.. 人物: arC ,C哥哥,Soso. 時間: 8:30正式開始,剛關了燈,大家就拍起bonbon捧來,氣氛愈來愈熱,然後一聲[澎]的爆炸聲,秀正式開始,大家當然尖叫起來,而周董就從上面降落下來,背後有一個大十字架,很型.....第一首是來個以父之名,周董還跳了些舞步,超越有型啊! 然後脫了黑色閃外套,留下白恤衫加閃TIE的周董,真的酷爆,不過感覺他瘦了點,有點弱不襟風的感覺,他的手指很幼細修長,樣子很YOUNG,好孩子的感覺.....不過當南拳媽媽出來時.....周董又變成了一位大哥哥,其中南拳媽媽的一個男孩子,很會彈琴的那個,很可愛,很孩子的感覺,超愛! 後來周董又換了一套HIP HOP,唱梯田,有些民族服的人在跳舞,不過周董的衫好像不太襯....他帶的頸項,介子,手LIN都是閃閃的,不知是不是鑽石啊!我相信是在Eddieson間SHOP 買的. 他每次唱完一首歌都會講:多謝晒!.(廣東話) 哈.....Jay的國語聽不了多少...不過他的廣東歌[償還]真的很捧啊~ 中尾段,周董自家彈唱了2首歌,再叫小師弟<<南>>的小可愛,穿著他的紅皮外套彈奏,周董唱歌....很捧. 而其中最愛的周董衣服,是粉紅皮夾,真的捧得不得之了,很有型,很有味道啊....周董更表演了一曲吹笛..不過bg音樂有點響,聽得不夠CLEAR。 ajay唱完一首歌後,都會很型地COOL的走下台去....然後一陣又被升了上來..真的夠屌啊~*3*...我們都嗌瘋了!! 最後我們ENCORE 了兩次,最後一首是開不了口和七里香.最終都讓我們聽倒了, 真的很浪漫啊~~ 周董很屌啊! 本來想讓張TICKET比個fd,不過因為太捧了, 我星期日會再去啊~yeah>>>>

:: ArJay 無語倫比演場會 ::

後感: 正x1000000000000...

超正!!

[11-11 晚]超級興奮啊! arJay 無語倫比演唱會真係勁正啊! aJay勁型勁靚勁潮勁白勁瘦勁Cutie勁叻勁好聽勁爆正勁得意勁好show........癲喇我,同阿思嗌爆左把聲 :D ar JaY我愛你~~~~~~~

[11-11 三] 本來好好的心情,又被打沉了,討厭啊!

係咩事都費事講喇,知既就知,唔知既就唔知啦.... 真係覺得自己愈來愈小氣,對住某D人,真係唔知點好,一時一樣,得閒就搞下你,唔得閒你搵都唔會搵倒佢...咩事呀依家? 愈提起某D事,就愈提返以前唔開心既事,縱然依家表面上都很好很美麗什麼似的,是我的偏見誤解小氣無知無聊,還是"那是事實".我真的搞不清楚....我想因為我小氣先咁.有點明白點解小Vic咁憎某人,有D野,傷過就是傷過,就算你之後點補救,點美麗都好,底下的傷痕是蓋不了的,明唔明呀...?又係天蠍座發揮情緒的時候, 我D 大喜大落,勁鍾意同勁唔鍾意,一時好開心,一時好down ,少少既魅力....都好似係咁黎咁!! 救命- - -"我知依家我講野都好易hurt倒人,因為有少少控制唔倒,一開心就爆,唔開心又爆,希望唔會發生上年件唔開心事!

唔講激心事,講下我d開心野~ 我的堂小妹又回信給我,我看得很開心耶,她是我四叔的第2個女,但自少就比gradma湊大,依家都15歲喇,好瘦呢~~ 最近才開始跟她通信,全家族,除了我大伯的仔女外,我最喜歡的就是她 =小茹= 又名刮刮,哈~ 因為每次我回鄉,她都陪我地玩,又幫我地買野食!! 哈哈..依家大個女,愈來愈美麗,不過就是不夠高,她的成績也不錯,在鄉下家都算比較好的..所以我希望她可以努力讀書,支持佢上大學,因為暫時都未有一個孫子上到大學咁。很有趣的是,她的信字都很美,信的內容也很充實....是個有前途的女孩,比起其他堂細佬妹,我比較看好她! 有些內容很有趣,讓我post 一點上來,分享一下 :D 另外我最近助養了一個孩子,4歲大的男孩,又是姓李的.....如果keep住助養的話,他便是我和A.j.的寶寶了.未婚有子......哇哈哈.不過話時話,行行下會突然想生個BB,母愛泛濫....不過並不代表我想ml wow

這是我小妹的字,覺得怎樣呢~ ^^"



[10-11 二]仍然唔見狗狗...無奈,不過都好既,起碼因為狗狗,知道屋企都唔抗拒養狗,或者我遲D拎隻狗仔返黎養啦....不過狗妹妹真係好得意,個樣好傻Q架 =3= anyway,希望狗狗有頭好人家收養啦~

又做了一個新突破,真係未敢諗呀之前,依家同個Friend 兩個人知,如果成功左先講比大家聽係咩突破啦!! 有機會就好喇..呵呵.心情又再興奮返喇~ 琴晚睇左D 機票價,去Canada要$7500以上,國"太"仲要成皮野,睇黎我都係去唔成多喇.....:( 好想去啊! 或者都係努力on Diet ,等同A.j.去Tai Land 著Bikin ni 啦~ OnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDietOnDiet , Target 1.5bls ~

岩岩有條契弟打黎,起度糟我唔出票比佢....話說有間造防煙門既公司,佢地比左貨我,但欠我Cert,2張單既cert.咁我見催左好幾次,電話又講過,Fax又fax過,佢地都無反應,咁我未寫張Fax話票出左,但佢地欠我cert,所以我唔寄cheque比佢地住囉! 我頂佢...佢打黎勁差既聲氣話我唔信佢地,又話佢地比晒d門我地,又話半年前既事,咩完晒工程咁話....又話佢地成日追我老細比錢,我老細又拖佢..又質問我找邊幾條數,命令我話佢知找邊條數咁.....痴X線,總之係咁Dix我啦......仲叫我快快手send 張statment tell him 找邊d有幾多$$cheque, 我彩佢都傻! 佢老媽子ya....激死我.如果我老細dix我,我下次唔幫佢追......I MUST! 哼,正乞衣,比生意佢佢仲咁惡,試下我同d客咁講野,肯定比老細XXX 9我~ 憎*

[9-11 一]連最有機會的地方都搵左無呀...咁即係搵唔倒佢啦.=( 好傷心啊,好掛住狗狗呀,天父可唔可以比返狗狗我呀~~~ T_T" 嗚~~ 呢幾日起公司好似好忙咁,好多野都未做晒...今早又訓左個早上,下晝唔知做左d咩又走喇...但係invoice n statment仲未出lor. (汗)

[8-11 晚]狗狗唔見左..........好唔開心呀.......仲要係咁比人串我講野,單車又無埋 ..咩事呀依家???........極down.......... :(

[8-11 一]咁又一個week喇,又係一個新開始... 呢個禮拜又喪玩咁濟,日日都夜返夜訓,癲! 星期日去左東九青年社幫手做義工,我地幾個負責攤位遊戲,雖然係好簡單既Game,不過見倒家長同小朋友玩得咁開心,自己都覺得開心呀! 一早11點幾....搞到下晝5點幾完,雖然無咩做,不過有少少累~ 完左個show,3Bi,Yves 同A.j.都走先, 得返我雞仔,paul哥哥同kevin. 好彩話事人可以走先,我地又走了...呵.最後雖然得4個人,都走左去唱K.哈哈.尖東neway,有自助餐食tim ,但最後我叫左既野都無食晒,食左少少又狂唱Klor. 低能好似未試過唱得咁爽,嗌爆mic呀...真係差D企埋上台唱.....同雞仔兩個爆super star,f.i.R,愛火花,餓狼傳說等....連爆幾首勁歌,哈哈X100 不過paul哥哥可能累得濟,都無同我地癲~~ 之不過kevin都忍唔住爆左2句 ^^" 總之成晚就係咁唱同爆mic..ha! 開心死我喇~~ 最難得係我把聲竟然唔死得, 仲覺得好似好左tim wow,可能係支mic的問題啦~~ 唔知琴日有無得罪人,因為太興奮了..... :D 依家傾緊去一個大旅行(自己),好想去"""""""" 希望真的去得成啦 ~,~" 要繼續減肥呀!繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥繼續減肥今個星期的目標係 1.5bls.

V6 B-day 拾拾下~

(都好耐無影過既-貼紙相)

[7-11 日]勁爆開心的一晚生日慶祝, 完全感覺勁被重視，大家都好鍚我，對我勁好，又係成晚既主角(因為講左成晚野，聲都無埋咁濟)超感動, 同埋我好pround of 有你地~ V6 最後約左我7:30p.m.落沙角村排檔食飯... 有二位家姐 vicky , arC ,二佬 fatling, ton ton ,同埋型仔男友A.j. 本來就咁食飯，最後打邊爐~ 都嗌左好多野食下gar....哈哈. 跟住我同二佬係咁send file (K700i),都真係幾好用呀∼ 大家一路食野一路傾計，但唔知點解無啦啦講起個舊同學，一講就一晚喇~~~ 哈哈哈.勁搞笑係，大家聽完都好有response wow,真係估唔倒!尤其D男仔．．．真係差D笑爛我個嘴**3 講到口乾，再去沙田，一路上我撓住２個家姐既手再講以前學校發生既野，小vic係咁話， "佢係未變態架? 點解會識倒D咁既人?" 哇哇哈哈哈.. 我都唔知點解，　或者一句岩傾，就可以cover晒呢D唔人道既野掛．?! {唔知佢知唔知我講佢，　同唔妥佢呢? 我估佢知道都會扮無野!}所以呢，依家我會覺得，有D野唔係我錯晒既~~ 真係太好喇! 不過我都要多謝呢個人，因為佢，我先同我呢班Friend 笑左成晚，因為佢，我先可以同A.j,咁好地走在一起!亦因為佢，我先知道我呢班V6兄弟姊妹係幾咁好人~ 所以，我絕對要講聲 "多謝你呀我的好同學" 呢個話題竟然可以講左4晚，真強~~~~~**3 唔，我希望一路都講緊事實，唔係講佢是非~因為有D人睇完，又會覺得，你條XX又起度作野，搵野黎講．．．明明人地無咁既意思都比你講晒啦! 除左講呢位舊同學之外，我地最後出沙田影貼紙相，本來２位小姐想食糖水，但排檔實在hei 太久了~~差唔多十一點，我地衝出去影相，因為無人有dc lor.hahah.一影先知爆耐無影過喇photosticker.一連幾張，勁好笑~好齊人，又係6個! :D 最後起門口去左Toilet.　佢地送左份禮物比我，又係我最期盼的一份禮物之一．arC vicky佢地買左條星星水晶頸項比我,係一套架,３姊妹一人一條!我最尾生日，所以最尾先有．．．呵呵呵~ 而最surprise都係二佬，佢真係買左Love psychadelico 既新Album比我，呢隻我未見過tim bor....真係好開心同興奮呀!! （哇哇哇哇．．高八度) 仲有一樣正野，arC 剪左有Johnny既magazine比我，又尖叫（高８度)不過留左起佢度．哈哈! 又玩到成十二點喇~ 差d唔記得今日做義工幫手tim呀．係樂富有個嘉年華會，有interest的朋友也來join, １１月7日 下午1400 樂富大滿貫門口一個有台的空地! 至下午1700.

[7-11 日] 頭先上貽興個網，我留左言，佢reply我，因為上次我起間cafe留低左佢本書，佢好難過．．．（有d咁既讀者．．．簽完名玩完又唔理我本書,我都難過∼∼哈) 不過我都真係無心，當我返到家發現唔見左本書，我勁sad ar,明明擺好左，又會留底左? choi wah 都話，比貽興知道，肯定嬲死~~~~~~~ =3= wu..我都唔想架! 　至於佢女朋友方面，仲未約實上堂既時間,希望快d firm 啦*3* 我隻狗狗仲起度呀，仲未改好名，叫妹妹 / 妹珠 / 囡囡 / November 定係Angel 好呢，佢真係好可愛，我用手機勁同佢影相lor. 琴晚因為無人有dc,所以最後我用手機同佢地每人合照一張，都幾clear同靚，開心死喇~ 遲下upload 上黎分享下啦.　至於２２歲女生日，今日應該算係完滿結束喇,最想講句，今年真係比任何一年都開心，快樂，雖然．．．．生日禮物只有3-4份,不過每份都係我最鍾意，最珍惜，同埋收個時會尖叫既gift,勁開心，希望下年都係咁開心啦! 最最最後,我想多謝你地每一個 :"> A.j ,二佬，小vic,arC ,arNga,湯湯，Yves,3bi,Kevin,Trunks,jo,karen,Daddy, Mammy,細佬 ,PoE ,Paul,同埋...雞仔". 多謝你地既心意，禮物，時間同埋有"心".[完]

[6-11 六] Surprise 這個星期過得超快啊!! 又Weekend...了.這個星期心情真的好得不得了^^” 昨晚又有新的事情令我興奮無比,就是我家來了一隻狗啊!!!! Whahahhahahaha!!!! 不過是一隻狗女...尋晚放學回家, 男友突然說: “E...有隻狗..”.. 我還以為是貓...,佢 “Fing”甩尾咁迎接我開門,好似好熟咁wow..好搞笑~ 搞到我D母愛大增(是對狗狗的愛) ,我餵狗狗食野時, 佢吠走晒我D貓lor, 搞到佢地(貓)眼金金超住狗狗, 同埋樹起晒D貓毛, 哈哈! 小貓都比佢嚇到唔敢落黎呀! 但係隻狗狗好似住左好耐咁,仲識搵地方訓覺........搞鬼~ 不過見倒狗狗真係好開心, 今朝起身出門口拎野,狗狗好開心咁 “Fing”甩尾對住我...好久未有狗狗咁熱情咁對我喇......母愛又大增! (笑)

勁開心同貽興依羅合照同見面.

仲有winsome都係網上識架!

呢一班都係佢地既朋友(網友?)

而呢兩個就係我真實的友人



[5-11 五]昨晚做了一個新突破,初頭真的嚇一跳,幸好完成後才是我想要的效果,很讚啊!! 這幾天晚上又過2點才睡啊....暗瘡大爆發,救命!! .幸好DHC又出了新的刑號,有很多很不錯的口碑,很想很想很想買來試耶, 渴望的Baby face ,真的會有嗎? (BabyFace = BB的肌膚面) 之前試過Facial House, 還可以....的, 之後用H2O, 其實都好,不過貴... 現在應該會試用由Jay倫賣廣告的DHC, 試用裝在家還未有動呢.... Hee. 現在終於知道細佬在那裡工作, 原來他在一間數一數二的Salon “CULTURE”做Junior, 很多明星如:容祖兒,楊千Fa, 小齊, 王Faye ,Gigi ....等都是在這間Salon 弄頭髮的, 細佬更說這2天都有幫Joey 做Colour ....跟住我問他有沒有同joey 傾計, 他都說沒有...最後我當然追問 : “可唔可以拎簽名架??” 佢答案係: “你地個個都咁問既........” (笑!) 佢仲見過化妝師阿星, 不過我都有個阿星啦, My brother ji ma! 哈哈哈....見佢咁喜歡份工,希望佢努力D,第時幫Artist 弄頭髮做Top hair stylist 啦~ 一個頭8-9千呀. 我都將會找人學化妝,如果我學得好, 仲可以叫我細佬教埋我髮型, 年中真係省唔少喇! 嘩~~ 愈想愈正, 有興趣做Colour 的朋友可以找我----細佬, 計個Discount 比你又點話!*u*

最後整完個頭, 我細佬同我講................... “承惠$1,200. ar, 多謝”

[4-11 四]最近經常在空閒時候,看看周邊的人和事,然後再思考思考自己的將來..會和他們一樣嗎?

[1-11 一]愈是多看別人的日誌,便愈想架一個自家日記本子什麼的。從前也架了好幾個啊,但不知不覺又會消失得無影蹤。而今次....又會否是我消失的開始呢. 不過.....如果有你們的支持的話, 我便可以撐過去吧! 相熟的朋友便知道我在說什麼了(苦笑) Anyway, 到現在為止,我的思想都是正面,積極的, 有了祂, 我還要怕什麼呢~ !!上載了新相片啊 :: Halloween Night :: & :: 集乜相簿 ::

31-10 (sun) HAllWeeN::

::::::::::::::::::::第二年真正花心思,錢,朋友去玩一個真正的 “哈佬喂”晚上,換來除了開心難忘之外,還有累啊~:::::::::::

>> 想知道我多D / 有野同我講,Click 一下啦 !!!!<<