越野雄心--
秋楓石澗
 行程
秋楓石澗，原稱秋楓樹石澗，即大枕蓋西坑，源起大枕蓋北面，西流入鰂魚湖。澗途短而美麗，潭瀑亦多；由於與牌額西坑接近，一次可連遊兩澗，所以稱為"雙西石澗" 26/04/03

入澗位置為北潭涌鯽魚湖，可以係鹿湖郊遊徑
直接入澗，不過初段為樹林區，極不宜進入
(係呢度落澗啦！)

沿鹿湖郊遊徑上行，留意右邊山坡，會有絲帶小路抄落澗；一到澗道就可見一條小水壩

稍為行前，就會見到流瀑大潭(碧扇潭)，如果有時間，可以係度游一陣水先；攀上碧扇潭，澗道收窄係一個峽谷裏面

狹窄既澗道，都有D好靚既水潭

石峽水道環境唔錯，向上望可以見鹿湖郊遊徑
前行轉個彎，又見一瀑，瀑上面又有一個小水壩

跨過水壩，有一個水平如鏡既小水潭，由此就進入一段平緩既坦途，跟住澗道雙分，左為牌額西坑下源，右上就係秋楓石澗
再進入峽谷地帶，又會遇見一崖瀑，靠左攀上

到達中段位置，就會發現一個大水壩欄係面前，呢度係引水道位置接回鹿湖郊遊徑；跨過水壩，就會進入第二段旅程
呢度就係秋楓石澗最有特色既瀑布--一線瀑

可以係中間攀石上一線瀑，瀑下有三角形水潭一個
右壁水乾時，都可以試攀一下

"椰子"好辛苦先上到瀑頂，梗係要影張相留念啦
一線瀑之後，澗途依然狹窄，但都有唔同大細既水潭

以為澗道完結，突然又出現一個大潭瀑布，不過呢個都係秋楓最後既潭瀑
左右都可以爬上去，隨你喜歡

行得悶悶地，可以玩下澗裏面既初生小蝦；好得意，佢地會爬上你隻手度，鉗下鉗下咁(哈哈...)
繼續前行，有舊巨石沿澗橫臥(爬上去...)

爬到上巨石就走，完成秋楓之旅(咁！爬唔上呢...)
(我地去牌額西坑啦...拜拜！)
回首頁


回主頁