流水響水塘，可由粉嶺火車站坐52k專線小巴，係流水響
分岔路落車，再步行入水塘；環境清幽
你可以閒遊水塘，亦可遠足，沿呢條流水響郊遊徑上山
郊遊徑上到山脊，四通八達，可以去埋鶴藪水塘
不過我地就唔去鶴藪，行下四周既山頭，對面係278m既石坳山，遠處係南山
係山脊上面可以欣賞拋珠坑、平山寨同對面既屏風山，清楚見到衛亦信徑同埋屏鶴石澗(yeah!好靚呀...)
下面就係拋珠坑河谷啦，後面就係平山寨
(雖然黎過好多次，但都要睇下地圖)(咦...呢度係邊到？)
沿山脊落河谷，就會去到「鳳馬古道」，昔日大埔鳳園去粉嶺既主要通道；而呢條就係珠坑橋(乜坑橋話...？)
橫豎黎到拋珠坑，順便行行啦。呢個係其中既小瀑
澗道平緩，小潭流水，環境清幽
呢個算係此段水流最高既瀑布啦
返上鳳馬古道出沙螺洞，途中會見到古舊既石碑路牌
去到沙螺洞盤地，呢度有全港最多既蜻蜓品種，不過
唔易見到；沙螺洞既廢村，內有惡犬，不宜進入
沙螺洞周圍都有好多呢D叫「茅莓」既植物，紅色果實可以食，甜中帶酸，好味多汁
四周既蘆葦樹木，都有原始氣息，你要識得去感受大自然既美
經過廢村去到車路位置，有一條水泥路上九龍坑山
山路闊，石級多，樹木少，視野廣
慢慢行，上到山頂可以好舒服咁欣賞四周圍既靚風景，大埔工業村、吐露港、馬鞍山...(好晒呀...)
對面黃嶺，下面沙螺洞同平山寨，落山可沿衛徑南行去大埔，北行落桔仔山坳，適隨專便
