石門甲既牌坊，可以行路去，順遊東涌炮台

亦可以係東薈城坐大嶼山巴士34號，轉入石門甲就要落車，係橋頭落澗，澗道廣闊開揚

夏天將至，花草樹木又展生機

澗道平緩，偶然有一D水潭可以玩水(我跳！)

此非高崖，只係一舊大石，
顛佬攀癮大作，又走去爬。(講咩呀！你...)

平凡過後，去到中段會見一個大水壩，水壩之上，
一個大大既水潭，好靚

呢度係郊遊地點，如果時間少，可直接坐車係呢度落澗遊玩

過大潭後，石澗稍陡，開始有小瀑巨石出現

澗道越行越有趣，石與水亦豐富
，前面右源將有精彩景色出現

"鳳東飛瀑"，平時坐巴士上伯坳，
見到右邊一幅高崖瀑布，就係呢個鳳東石澗既瀑布

鳳東飛瀑好高，分五層，每層各有特色同難度，
如有時間可攀上順遊呢個崖瀑

第三層瀑，崖分左右，但都係上同一頂，
右邊係瀑布，左邊係乾崖

第四層難度同斜度都增加，不過就開明寬闊，
可以欣賞東涌道既景色

第四層崖頂開朗，已經可以回望鳳大北坑，同東涌道既巴士(喂！影唔影到機場呀？)

要越過瀑坑，先可以上第五層

第五層攀壁而上，因為係最直峭既一層，不過並唔太難

第五層頂望得更遠，東涌，機場都好清楚
(快D影張靚相先啦！)

再上就係鳳東石澗上源，我地原路落番去，
繼續鳳大北坑之旅

鳳大既上源，都有唔小潭瀑，直得遊玩

有舊巨石橫置(我要攝落去呀！)(攝啦！攝啦！)

接近伯公坳，鳳大之旅亦近尾聲，
靠左上接東涌路便可離去

(但我地仍有下文，就係 西龍之旅)