探遊羅漢塔可以係"凰峰"向北落山脊，但如果唔識路，就連由鳳峰過凰峰都好難，莫講落羅漢塔，所以最好由地塘仔上山比較容易。石門甲起步，有間羅漢寺---車房
(哈哈...我地係東涌坐車過黎)
行古道去地塘仔，旁邊既石澗之所以叫"曹溪"，
就係由十方道場門牌既對聯而改成
經過地塘仔，繼續行一陣，留意左手邊呢棵樹，就係上羅漢塔山路入口既標誌，地圖係冇顯示呢條路架；一開始上山路，就一直都係咁斜住上(拿！拿！，認住呢棵樹啦)
(嘩！真係好斜呀，係咁捉住D草都唔掂)
上上下就有塊大石可以係度休息下，今日天氣好在冇太陽，幣在睇唔到風景
行行下，我地到佐羅漢塔都唔知
霧鎖羅漢塔，係大霧裡面，羅漢塔只係一舊野...
咁辛苦上到黎羅漢塔，點都要影返張羅漢相
係塔下面繞過去羅漢峽，由果到可以去一樹岩
就係呢個時候，山上既霧突然向下沉，(嘩！好靚呀！)羅漢峽立即顯現出佢既氣勢。(椰子，做乜你個樣咁怪既？)
羅漢峽下雲霧騰騰，重以為自己身處黃山呀
連一樹岩大洞都"顯現"左出黎，過去啦
係一樹岩望出去，一片白汒汒(一於係度開番個演唱會...)
圓拱形既洞頂，又高又大，真係鬼斧神工
由一樹岩望番羅漢塔，就好似一隻獅子頭咁，呢個石塔造形幾獨特
繞番過羅漢塔左邊，可以爬上塔頂
不過如果你想挑戰一下身手，可以係正面爬上去，
結果，形成呢幅"羅漢坐岩"圖
又霧散，可以望見上黎既山路，短竹海既山脊
(喂！重講！我跌落去啦...)
係塔頂東望，就係兩壁成門既北天門喇
(真係企高都唔敢呀...)
大地在我腳下...，企係塔頂觀望，真係有氣吞天下既氣勢
(哈哈哈.....好驚呀！)
塔洞相近，係香港有如此奇地，真係難得
遊玩完，繼續上山，先到凰頂再過鳳頂
呢條山路唔簡單，比起狗牙嶺有過之而無不及也，終於到達鳳頂934m啦，其實我地唔係行山高手，上到黎都己經7:00pm啦，天都黑啦...
回首頁
回主頁