蓮花石澗係大欖涌水塘吉慶橋，今次係元朗南坑排入去，即元荃古道
去到麥徑向田夫仔方向過橋右行入澗
入澗初段平緩石勁滑，澗闊幽深，雜草叢生
前行小段即遇一大潭(白蓮潭)阻路，要繞邊石行
一唔係，好似佢地咁，泳渡都唔錯
過白蓮潭之後，一大段平凡澗途，又滑又多草
之後遇一個石峽區，有舊巨石成隻戰艦咁阻住澗道
巨石後面，見崖壁橙紅，呢到就係個紅蓮絕壁
紅蓮絕壁前行轉個彎，就係第一個高瀑彩瀑紅蓮
由瀑左上攀，又一瀑，叫蓮台飛渡，係此澗最大潭
咁啱今日星期日，遇著大隊係到大休...> <
上到蓮台飛渡，水流都唔錯，搵位大休
就係呢到玩水啦，休息完繼續行
之後澗途較為平坦，但要小心石滑
水流充足，令澗景靚好多
去到蓮蓬石，石前既石平台都浸咗水
過蓮蓬石之後，就係幽深重重既幽谷仙蓮
要走一大段既"幽谷"澗途，一D都唔輕鬆
大水，石滑，幽深，難行，遇見橫來一個小瀑
其實沿途都有唔少水潭，不過就冇乜興緻玩
終於行完悶途，黎到蟠龍飛瀑最下一瀑潭
最下一潭亦係最大一潭，又大又好玩
瀑底有石洞石峽，瀑水狂沖，好似洗衣機
玩完水，瀑左有山路可以上頂
蟠龍飛瀑四瀑潭四瀑，攀唔到，橫移第一層瀑頂，可以離澗
呢個就係最高一層飛瀑，好大水好精彩
係瀑頂右面上山，接山路右行，可以去到清快塘
清快塘落深井，途中望望鬼怒壁瀑
落深井條路都係水泥路，風景又靚
下面就係深井坑，又可以欣賞青馬大橋，唔錯
落到深井村，時間尚早，一齊返屯門睇戲食飯
回首頁
回主頁