由大嶼山深屈道引水道入澗，省去深屈灣一段下游；
入澗前，可以睇見呢個西蓮花塔；但約想由澗未起行
可選由屯門碼頭乘船到沙螺灣，再行到深屈灣起步
要用多個多小時先至去到引水道

由引水道入澗，記住右邊先係昂深
左邊係蓮深石澗

此澗既難度，相信其中會係呢D大大舊既石頭

四四方方成塊磚咁，好得意；條澗冇乜水

真係好多大石，不停都要爬(阿儀！比心機！)

終於見到較大既水潭啦，但水質就...(乜解D水黑色架？)

一個鐘左右，就黎到一個六，七十呎既大瀑布
"彌昂飛瀑"

過飛瀑冇耐，右邊有一支源，壁上有個"山"字，呢條先係昂深主澗，如個直去就會係慢長既彌深石澗

轉入昂深後，澗道開始收窄，
時有陡峭小瀑，林蔭處處

經過一輪樹蔭藤蔓，就見呢個樹林內既潭瀑，魔窟潭

離開樹林區，前面就係最精彩既"千層瀑"，
可惜冬天冇水

千層瀑好高，夏季要靠瀑右山路攀上，
如今冇水，可以沿瀑直攀上去

要有經驗，方可攀此瀑崖，否則隨時身陷險境
千萬不要觸及濕滑處(我地呢度好乾架！)

上攀千層瀑真係一層一層咁攀，需要一定體力
(喂！你三個鬥快呀？)(我照顧佢兩個咋)

終於黎到千層中最後一瀑，大家見到既，
並唔係水...果D係乾左既污漬(唉！)

用左差不多一個鐘，終於都爬到上黎瀑頂啦
(Yeah！影張靚相先啦！)

休息完，前行一陣，就見到昂深既最後一瀑
一個完全"乾塘"既--"逆掩瀑"

既然完全無水，又可以沿瀑上攀啦

哈哈！其實唔係好難，只要小心D就可以順利上攀

上到瀑頂尚未完，重要沿崖邊小心走向澗源方安全
(走呀！走呀！走得快好世界呀！)

或者好似佢兩個咁，沿住塊石壁爬過去

回望逆掩瀑，原來係一塊巨石既缺口而至，好精彩

澗道稍入，即見一建築物及垃圾，可立刻從左林小路離開，踏出水泥路左方小山上，有一如昆明石林的小石林，上有一塊蓮花石，正對住鳳凰山及大佛，值得一遊，之後可沿馬路返回寶蓮寺離開