今次東龍之旅，有三位行澗好手參與(小帥、銀仔同MM)，新手隨佐我地之外，重有史丹利個friend Kenji

沿黃龍坑道行，到黃龍坑前有橋可以落澗，但開頭一段
並唔好行，要去到小壩位先正式進入澗途

其實再行前少少有水泥路直入呢條小壩
(頭先你又唔講...)

一進入小壩，就見瀑布雙飛，靚景陸續有來

開始前行，澗分左右，行左邊先係東龍石澗；
水源充沛，潭清瀑靚

當見到澗勢急升，壁瀑連綿，就進入東龍既虎嘯峽

係呢度開始就係連橫瀑既第一瀑
(連橫瀑！...唔係呀話...)

連橫瀑藏於虎嘯峽內，上第一瀑左右皆可
(說時遲，銀仔已經上到瀑頂了)(嘩...)

平安到齊，影番張靚瀑布相先

連橫第二瀑，崖闊瀑靚，要上就要沿左邊山路，攀爬唔易
(說時又遲，小帥已經到佐瀑頂...)

幾經困難，終於上到第二層瀑頂，睇景角度就越黎越好
(哈哈...好驚呀...)
連橫瀑第三層就更險，銀仔同MM兩大高手爬瀑右既崖壁，睇到我地手心冒汗，我地都係行瀑左既山路上去

到最後一層，崖壁唔算高，三人繼續顯身手

到佐連橫瀑頂，景觀開揚，就係呢度大休啦

休息完稍為前行，又遇呢個濕滑既超級高瀑

呢個瀑下面，就係較為大而深既伏虎潭

過佐高瀑，一幅黑壁崖瀑就係前面，叫鷹頷瀑

鷹頷瀑底都有一個清澈水潭係度，水清景幽；上鷹頷瀑就一定要行左邊山路，別無他選

繞到瀑頂，精彩未完，又一橫還瀑潭

又有幾會施展身手，又游水又攀壁，真係精彩

終於黎到最後一瀑，流水依然充沛

到佐瀑頂，有一平石台，佢兩個係到玩拉筋；黎到呢度，澗右有山路出黃龍坑郊遊徑，如想繼續，就要去到大東山頂，澗途比較沉悶

出到黃龍坑郊遊徑既觀景台，東龍旅程完結，三位高手繼續小藏龍之旅，影張大合照先啦，拜拜