越野雄心-- 芝麻灣-連崖棧道

行程

大嶼山芝麻灣半島-設有一條全港最長的郊遊徑，18.5km快步也要5小時方可完成，越野單車徑也經過其中一段；最高點為老人山，高303m，景觀最靚的是另一個山頭，面向貝澳高302m，還有兩幅巨崖直瀉而下，也是一個天然的攀石場。如果不走郊遊徑，其實還有許多不同路徑可選擇，可易可難 24/01/04
由貝澳出發，望向芝麻灣，就會清楚見到兩幅巨崖相連，山勢就好似一個老人既面向天望，大概因為咁就叫做老人山，不過面對貝澳既山峰並唔係老人山既主峰。呢幅連崖好有氣勢，而中間就有一條明顯既樹木林區將兩崖分開，呢條就係--連崖棧道		沿芝麻灣郊遊徑行，可以欣賞上貝澳景色， 去到連崖下面，會發覺呢兩幅崖壁係好靚架
確認位置，入口係一條小坑，雜草叢生 而且都幾難行，又要爬又要攀		過佐樹林斜坡段，去到崖底， 可以近距離欣賞呢幅巨崖，好有氣勢
呢條路真係唔易行，沿途有好多荊棘		又碎石連連，越上越斜，要非常小心
棧道處於危崖絕壁之間，絕不能大意 但身處其中，卻又有另一種感受		壁窮處，算係一條絕路，置身於此，尚要橫移 如冇熟路人及裝備，請勿學相中人
直上，會去到兩崖之間既石罅，好難上		石罅唔可以上，要係棧道中間橫移過去右邊通道
過咗右崖，會見有一大石孔道，要靠樹先可上		上咗石孔通道要小心碎石，又要慢慢上移
跨越幾個難關，係樹林間借繩上攀， 中間要穿過呢舊石孔通道		走完連崖棧道，尚要借樹爬上崖頂 仍然未算安全，全都係荊棘碎石
終於上到崖頂喇，呢到既好景真係冇得彈，大相		係另一邊山頭，崖脊都係咁有氣勢，重可以眺望索罟群島
咁辛苦上到頂，就梗係要影番張合照啦		呢個山頭標高302m，沿芝麻灣郊遊徑都可以行上黎
呢度就高303m既老人山頂啦，但係先前個山頭行黎就要上高落低半粒鐘，大相		黎得芝麻灣行山，點都要經一經"龍尾"既，話晒都真係有條龍尾
由龍尾向南行可以去大浪灣，或沿郊遊徑去下徑		時間關係，只可以去到大浪灣對上山頭探石，大相
係大浪灣對上既山頭，有幾塊奇石，幾有趣		日落大浪灣，風景好靚，回程經水塘去芝麻灣監獄碼頭坐船去梅窩走，大相
後記：　"連崖棧道"係一條攀險路線，切勿亂闖，探遊必須要有熟路人士，同裝備充足		回首頁 回主頁