由南蛇灣起步，開始千溪海岸之旅，
沿岩石綑冇耐，好快就會遇上一條"劍龍"
除佐劍龍之外，重有一條"巨大蠶蟲"；之後要爬過岩石堆，就會去到石灘
過石灘前，有一個細小既海蝕洞
跟住就係大少相差無幾的石卵灘
回望石卵灘，海浪沖上岸，令到海岸線好靚
行完石卵灘，遇上一個山咀，形態好似"蝸牛下海"
越過"蝸牛下海"，背面山崖下有一條石罅
之後係大石灘上面，你估佢地係度做乜...?
原來係發現佐兩舊岩石有水晶呀...
玩完大石灘，又開始海邊岩區，呢度係一個噴水岩口
岩岸都唔算太易行，有時要爬
爬上爬落，可以欣賞好清既海水
終於去到米粉咀，呢度海岸侵蝕好利害
米粉咀，為千溪海岸阻擋住東海既海浪，但整個山咀都侵蝕到只得兩個岩塔，不過就好宏偉壯觀
(佢地四個人，每邊兩個係互影...我呢...)
係另一個角度睇，都係咁靚，水漲時係無法通過
如果係米粉咀繼續綑，就要係水未漲時越過去
離開米粉咀既東岸，海浪就大好多，而且好難行
海浪大之餘，岩石都係好削，呢條線都幾險
唔好以為佢地貪玩四圍爬，其實下面就係大海，
要攀壁而過，一失足就比海浪捲走
如果唔想犯險，其實可以係米粉咀番轉頭，
果到好似斬頸洲咁，有條通道過黎
再行己經行唔到，有個大海蝕洞啦
回望番南蛇尖同千溪海岸，真係幾靚
東道海岸實在太險要，只係由米粉咀去深灣已經
接近冇可能
我地都係選擇轉返上山路，係山上回望米粉咀
好有氣勢既海岸，好靚
其實上山都唔錯，山脊冇乜樹，可以係山上睇風景
遠處就係短咀喇，可惜冇時間繼續去，要走
回程經米粉頂-南蛇尖-赤徑出番北潭坳，係上米粉頂之前，中途經過沉船坑(又叫黃竹瀝)上源，呢度係一個天然既小峽谷，真係好靚
回首頁
回主頁