乘9號巴士在大風坳迴旋處下車，沿鶴咀道
行15分鐘就見到巨石堆疊
鶴咀石河比車路分為上下，上層分四個入口，
有前人mark咗記號，最好上到最高入洞
入洞要好小心，因為洞口又高又窄，而且裏面黑炆炆
(我落去喇...好窄呀...)
真係黑炆炆架，如果你冇帶電洞，真係迷路兼穿頭
(嘩！好黑呀...唔知行邊道呀...)
其實今次我地咁啱遇到"理工旅協遨遊部"既同學，全靠佢地帶路，我地唔使亂摸(跟住佢地唔會衰...)
偶然又會重見光明，呢度係另外一個入口，亦可以話係出口
(如果驚既就好番出去啦...)
呢個位算係最窄啦，肥少少都過唔到
(好驚呀...我有密室恐懼症架...)
去到褐紋石室，一個可以容納成十人既石室
佢地就係理工旅協遨遊部既同學喇
石室紋理好靚之餘，最精彩係有一舊"陽魚石"，舊石既造形...自己想像下啦(嘩！好大呀...條魚...^^)
係洞內左穿右攝，個出口你真係估佢唔倒
出黎果時，小心比車車親(我係貞子...)
玩完上段石河，大家又一齊去去戰時既廢堡
廢堡起係海邊石上，遠遠係鶴咀道都已經見到，要去都唔難，向鶴咀村方向，有小路轉右落山，不過要行一段山路
呢個廢堡冇乜特別，但環境就唔錯
黎到就梗係要上去啦，感受下戰時既環景嘛
(黎啦！我地去打日本仔...)
難得志同道合，咁都可以遇見，真係有緣影張相先啦
(細k，Ecko，SoSo同阿Jack)
別去佢地幾個，繼續探下石河，呢度係蝙蝠洞入口
下石河比較崎嶇，探遊要更加小心，據聞蝙蝠洞有好多蝙蝠，今次我地黎到，就一隻都見唔到
可能因為曾經塌陷過，嚇走晒D蝙蝠；蝙蝠洞好大，
可以容納成30人都得，而且四圍都係通道
我地周圍探索，石之巨大，真係一個奇觀；石河往下重有好多通道，但石罅時闊時窄，一直通下去恐怕上唔番黎
上走走，下走走，都係返上原路走
上返車路，呢到就係落去下石河既位置啦，如果只係咁樣走走既話，兩個鐘就可以玩完^^
回首頁
回首頁