係屯門輕鐵田景站向乾山望上去，就見到乾良既石壁
入口係良景邨良賢樓對面，要認住呢排石牆，因澗下游已被收入地底，要係度爬欄杆入去，先可以入澗
澗道下游就係咁樣既人工坑道，起到一層一層
過佐人工坑道，穿過小林，就見到一幅崖壁擋路，溪水係壁頂向右流落澗道
攀爬此壁，左中右三線各有難度，最安全都係繞過去啦
過巨壁後，澗道依然上峭，但唔難上
睇下整幅石壁澗道，一層一層都唔錯
攀上壁頂回望，下面就係良景同寶田
石坡坑道，陡峭但易行好走
去到瀑布位置，左邊有個天然石室，不過裏面好污糟
呢個瀑布係乾良最大啦，特別在係你可以走入去而唔濕身(哈哈...沖花洒涼都得呀...)
係瀑右可以輕鬆上頂(行快D啦...喂...)
過瀑布再上，就見呢個舊水壩(上面有兩隻石獅...)
黎到呢度條澗都冇乜好行，影下靚相啦(呢幅叫紅綠藍！)
上到乾山山坳，回望屯門市同對面既九徑山，真係風和日麗
黃昏夕照山坡草地，真係綠得可以
乾山脊望青山，夕照下一紅一黃，跟住反落良景去逛街
回首頁
回首頁