由鹿頸出發，途經沙頭角海，可以欣賞白鷺，
又可以見到村民掘蠔既和諧景象
經過鳳坑，沿海岸有水泥路好舒服咁行去谷埔，若平日呢度真係好寧靜，但假日就非常多人，而且重有好多舖仔，賣茶果呀、豆漿呀、公仔麵呀，最特別係賣蕃薯餅，都幾好食^^
呢度就係谷埔既舊基圍石堤，遠處石屋附近有好多惡狗，如果沿堤圍繼續去，可以沿海岸到鎖羅盤
沿海小路到谷埔就行完，之後就要轉入村上山，
向分水坳進發，谷埔既舊基圍有一大塊蘆葦海，好靚
蘆葦海係係沼澤上面，只可以遠觀，不過都夠晒靚
上山前可以見到呢塊谷地裏面既環境，真係好似原始森林咁樣
呢度既環境，一草一木都顯得和諧
山路樹林都係好古樸，周圍都係古木樹籐
過佐分水坳開始落山，又可以望見寧靜既印洲塘
去到荔枝窩之前，開佐條石梯通上荔枝窩既風水林
呢間就係荔枝窩村既城門，應該都可以列入古蹟
東北一帶有好多地方可以去，荔枝窩呢度就有好多路牌指示各地，要去邊到就悉隨尊便
荔枝窩好多奇樹，最出名就係通心樹，而呢度，其實係一棵細葉榕，佢既氣根都已經生晒落地，變成樹幹
自從香港遊盛行，荔枝窩變成必到之地，協天宮鶴山寺
同對出空地都重新裝修，周圍都變得好新淨，少佐幾分古意
呢度係荔枝窩既巨籐古林，巨籐比樹幹重粗
另外就係板根同樹洞，地下既盤根，都好精彩
呢幾條樹籐就啱啱好可以當櫈坐(好舒服...)，繼續去就可以欣賞下紅樹林，跟住就到三椏村
三椏村有一間村舖，有粉麵飯食，不過都係個碼頭舒服D，
水平如鏡，寧靜優美
繼續沿海線行，經過舊基圍，海岸既紅石，同埋呢D小路
到佐三椏涌，經過營地之後，又有好靚既野草
繼續上沿苗三石澗，經過上下苗田，九担租就到烏蛟滕(等車既時候，有隻狗仔係度陪我...^^)，而家好方便，有專線小巴到大埔，尾車7:30
回首頁
回首頁