黃龍郊遊徑的觀景台，清楚可見左龍絕瀑
要去左龍，就一定要先行黃龍，皆因佢係黃龍既支流，過左黃龍瀑，進入三龍峽，一眼就己經望見左龍絕瀑
去到瀑底，右邊崖壁有繩綁咗係度
呢頭影緊相，果頭阿安己經爬咗上第一層既巨石上
四方形見正壁可攀，就一試身手，遠處就係右龍石澗
結果四方形成功攀上第一層，正面對住左龍絕瀑
瀑下一幅平滑巨岩，磨刀坑大概係咁樣黎
瀑前一大塊巨石塔，氣勢中又有氣勢
巨岩唔易上攀，上咗要落就更難
成功上咗巨岩頂，就更見平滑巨壁既偉大
再由瀑右既山路下望巨岩頂，真係一絕
瀑右有陡斜山路上引，難位都會有繩綁住
話就山路，但都有一D險位要小心上攀
沿壁而上，可以清楚見到右龍絕瀑，好靚
山路通至瀑頂，你會見到係呢D地方，以前竟然有人係度開田築堤，真係難以想像，不過瀑頂有一池，係呢度望出去就真係靚到絕
瀑頂邊緣，就係一個靚絕既觀景台，呢度係左龍瀑第三層頂，下面係二層，坐係呢度都要好小心，真係好高
另一個角度可以欣賞整個三龍峽，冇得彈
呢度，黎一幅第三層瀑全景
可以係山路橫移入第二層頂，亦可以係第三層頂攀落去，係下面見既左龍絕瀑頂位其實就係第二層頂，頂位又有一小潭，又為一絕，流水從一個小缺口流出成瀑，邊緣一出，即係幾十米既高崖
呢度就係第二層瀑頂，同埋個小潭，真係一個凌空絕潭，比起天池就更有另一種感覺，而鳳壁絕對冇呢種好感
(老實講...高到驚，但係又唔捨得走...)
中層絕瀑冇可能接近，但第三層瀑又可以投入
不過就一D都唔可以放鬆，始終都係絕崖高壁，加上瀑壁濕滑，觀眾千祈唔好學
瀑頂以後，進入一小段林帶，澗分左右，聞說左源會較精彩，向左發展
果然，仍然有開朗高壁
雖然流水減弱，都仍然有小壁流瀑
又一幅開揚大石壁，澗闊好走
此時發現右邊山脊上有一個不知名既尖頂山峰，好有氣勢
上源澗道，繼續上陡，小流瀑壁
山中一群美麗野蘭
大概去到300幾米高，澗道收窄草叢樹林，可以係左邊離澗
不過離澗之途都幾辛苦，又要上300幾米既山路到三山台山路先可以離開...唉
回首頁
回主頁