當地人叫乾白做鴨仔坑，所以下源既釣魚場都叫做鴨仔坑釣魚場；係元朗坐33號專線小巴係度落車
過橋右轉入漁塘，沿塘右邊塘堤小路入，塘畔景色一流，你鐘意可以係橋頭落澗都得
到白屋廢雞場就好落澗，初段最好係除鞋涉水
初段都係沙澗，除鞋行好舒服，走一段之後就有石有潭，建議都係涉水玩好
冇耐沙澗變大石澗，澗道左折，澗勢突變
(喂...快D啦，果邊有靚景呀...)
前面一幅大壁出現，成為一個美麗既瀑位，叫"銀絮雙瀑"，可惜水源未夠，只有右瀑
由壁左爬上瀑頂，上望壁頂，幾有氣勢
瀑頂回望，澗闊水明，爬得好開朗
澗道迂迴明朗，小瀑石景處處
天色咁好，影多兩張相先啦
好快又遇到另一大壁檔路，流水又成瀑布
流水由石罅噴出，呢度叫"石盤噴瀑"，瀑落石台再注入小潭，景色唔錯水又唔深，絕對係玩水好地方
石盤噴瀑旁邊有石罅位，可以滿足下你玩攀石身手
(好野...我攝到上黎啦...)
中段有一大潭同人工水壩，都係一處游水好地方
乾白真係唔錯，澗景石景都好靚好舒服
澗道明闊，又唔會有蜘蛛網檔路，石又唔滑
重有"怪獸"係度出現，精彩...(到底呢隻係乜黎呢...?)
上多陣，澗道收窄係一個峽內，仍然好靚
呢度叫"水梭瀑廊"，峽潭成廊，廊盡一瀑--靚
回望水梭瀑廊就真係成條走廊咁，
個峽潭都唔淺水，可以係度游水
水梭瀑廊左轉，前面立刻出現一道天然斜縫
呢個就係好得意既"斜縫瀑"
上斜縫瀑可以係右邊行上去，又或者
可以扮貞子係瀑底捐上黎！
過咗斜縫瀑之後，澗道回復平淡，又出現沙澗，上溯之尾聲，流水尚豐
最後可以係澗左離澗，由於山火，樹叢燒光，離澗容易，但山脊鬆滑，上到脊頂可以行乾山返屯門
回首頁
回主頁