通常入澗都會由青龍頭車路直上深井聚水塘，不過其實係深井有水泥路直達，入口就係呢個深井公立學校牌坊後面
沿小路係咁上，熱死，不過可以欣賞深井谷
呢度係深井聚水塘堤壩，沿路直入就係鬼怒坑既澗口
堤壩之後既橋位，滿水就會係度沖落深井谷，風景唔錯架
車路盡頭就係地龍出口，今朝落咗場大雨，引水道好大水
越過引水道既坑位就係鬼怒坑入口，大雨後水勢都唔錯
鬼怒坑其實係一條小坑，澗道平緩而且林蔭森森，如果唔係大水黎，就冇乜好玩，不過大水既時候最好就係涉水而行(我對鞋濕晒啦...)
小小既狹坑，加小小既石棧道
遇見唯一既大潭啦，又有個水勢唔錯既瀑布
熱完一輪，難得咁高興，玩水之餘影下"蘋果"稿件...^^
(咁開心，小帥又話唔落水，一落就同ar lo玩到咁癲...^^)
玩完水又繼續上，一時越潭，一時穿林
前面澗勢突變，一條洪洪水花既瀑布就係前面出現，就知到咗鬼怒坑既瀑壁底
玩水玩上隱，做下瀑布massage
鬼怒壁下瀑，瀑流左右曲折，激流小潭都唔錯
行咁耐都未介紹，記者姊姊ar Cell 同攝影哥哥
上咗個小坑瀑，就可以全見鬼怒壁，鬼怒瀑，好有氣勢
加上水源充足，瀑布既流姿令到鬼怒壁一D都唔可怕
咁好既流水，繼續玩瀑(小帥:我幾型...)
小帥一味話自記型，都冇人理佢，但係個瀑就真係好型
去到鬼怒壁最險一段，崖壁陡直，前人綁咗一條大繩，不過就不敢恭維，都唔知放咗幾耐，都係靠自已最安全
係瀑左望返過去陡崖，真係幾驚險架
三個殿後者終於都平安上到瀑頂
(我都未腳軟完...)(我爬得好唔好...)(我服咗你兩個...)
上埋個坑峽，上源全收窄，澗右有山路離澗
沿清快塘水泥路返落深井，中途回望鬼怒壁既美態
半天閒遊又真係幾輕鬆，重有大把精力周圍爬
返到落深井喇，換件衫，爽晒，今晚去唱K...
回首頁
回主頁