正常上馬鞍山可以係馬鞍山郊野公園上吊手岩落昂平，又或者掉轉係昂平經麥徑上馬頭峰落吊手岩(咁樣難度會高D，又辛苦D)
(所以我地係吊手岩上...^^)
WARNING！睇牌唔好睇樣，都幾崎嶇
係燒烤場後面有山路上山，稱為雁谷迷徑，沿徑行冇耐右上就會見山路落晒繩
上吊手岩既路不時都有繩，你就知有幾崎嶇
未到吊手岩頂，就出現石壁石崖，上啦...
上到脊頂，可以眺望馬鞍山景色，風景好靚
吊手岩四周圍都係險區，唔好亂闖呀...
(喂...你聽唔聽到呀...)
吊手岩其中一個石峰(喂！快D影呀！手軟啦...)
吊手岩北係雁谷，南係廢礦場，背景就係馬頭峰同礦場脊，(唔使理企係度個果...^^)
下望山林區就係雁谷
吊手岩山脊上落，向住馬鞍進發
回望吊手岩雙峰，山路明顯
途中都有一D崎嶇攀爬位
馬鞍其實係一條好窄既通道，算係馬鞍山最易行既一段，向馬頭峰進發
回望牛押山同吊手岩
一個大型既谷位，好想滑落去，不過下面係絕崖
企係馬頭峰，真係望晒西貢各地
馬頭峰又係一個奇險之地，象額象門都係好精彩既地方
落麥徑彎曲山既途中右轉入礦場脊，小心
沿脊落就已經見到礦場遺痕，失落的一角
當失落的一群遇上失落的一角，真係好失落...
礦場遺痕...好精彩
趕時間...顧住落山，又冇去探石景...
可惜冇時間探下礦洞...影張礦工相，走人
臨走影張交通時間表，大家可以參考去搭車
回首頁
回主頁