屯門坐船去大澳，到大澳之前，可以望見呢舊海邊既將軍石
係大澳望去牙鷹山，就可以見到一條深隙，
果到就係牙鷹北坑
向二澳方向經南涌村，沿鳳凰徑到南塘新村就可以入澗
牙鷹北坑澗道唔闊，入澗開頭都好多林蔭
約廿米路程，澗分左右，左邊一條先係主源
(我地有冇行錯架...)
轉入左源之後，澗途就開始向上斜升
路途陡斜，呢段澗途都係係林蔭裏面，係咁比蚊咬
終於去到精彩既崖壁--"鷹泊崖"第一層
牙鷹北坑最精彩就係呢幅鷹泊崖，崖分三層，鐘意攀崖既就充滿挑戰，係咁爬
(但係對於初哥既cherry黎講，見到第一層都己經腳較...^^)
第二層鷹泊崖比第一層更高，但係易爬D
流水全係瀑右而下，攀左壁會容易好多
去到第三層鷹泊崖，亦係最難既一幅崖，最好繞右山路上
呢度就係第三層，下段好似石板咁，上段就係一個深峽
要繼續挑戰，就要繞過呢個--形如"東龍伏虎潭"既水潭，先係如洗衫板既斜坡，進入峽崖係向內左則既石壁上攀，一D都唔易
平安上到崖頂，山路都唔易行；不過上到鷹泊崖第三頂，景觀亦係最正既地方，大澳就係腳底
過鷹泊崖，再上都係陡峭既澗道
見到最後一幅開揚既小崖，牙鷹北坑亦接近尾聲
上到上源，小坑分左右可以跟絲帶上山離澗
離澗既樹叢好惡走，不過上到牙鷹山就冇得彈，風景一流
離開牙鷹山，向萬丈布方向走，見到慈興寺段鳳凰徑
後面就係慈興寺喇，左邊呢條直線頂就係"飛龍"所在
去到萬丈布頂，已經日暮黃昏，望住景色迷人既二澳灘
最後係鼻涕瀑，游個鼻涕水，再落山返大澳回程
回首頁
回主頁