屯門碼頭坐船去大澳起步，沿大澳道直行，
可見滿山怪石既獅山南脊
一直沿大澳道行，經過獅山南脊既雞狗二石之後，到見有一紅色消防瀧頭，就可以右落斜坡入澗
由於呢度係三澗匯流之處，所以D人叫呢度做三丫水
係澗旁，有三幅禪界佛語既摩崖石刻，古意盎然
下源呢段澗途極之多雜草，想唔濕腳就好難行，而凌風既入口係隱蔽係樹草叢間，唔識路就好容易會錯過
(我地就係咁...~~)
錯過咗凌風既入口，咁唯有行龍仔坑啦
話晒龍仔坑昔日都算係鹿湖禪林四澗之首，應該點都有D睇頭...掛
初段澗途尚有水泉清潭，澗勢都算係咁...
上溯途中，同凌風一樣，有古壩築係澗上，而且重有三道咁多；上爬又繞道，一到壩頂，發現滴水全無，一直沿趕澗行，前面就出現一條好有氣勢既瀑布
百尺飛流如絲而下，呢條就係嶼西最高既羌山瀑
去到瀑底，發現瀑下冇潭，瀑下流水全都消聲匿跡，大概因為瀑右既人工石河掩沒澗道，河水全被沒入石底
(嘩...吸水奇潭呀...)
你可正面攀瀑，又或上瀑右既人工石河，都係好危險
呢條人工石河好高好鬆散，要記住，爬石河千祈唔好係人地下面爬，分得越散越安全，我地都見唔小巨大既落石，好得人驚...
上到石河上段，碎石又斜又碎，真係一步一驚心，
望向羌山瀑，又高又險
(你重講...我好驚呀...)
終於平安上到引水道，大家都鬆一口氣；龍仔坑至此已經足夠，因為再上既水源已被污染，我地沿引水道直入，去行凌風石澗精華段
引水道盡頭就係凌風第二段入口，好靚既流瀑水潭
澗流曲折，瀑明潭清，比起下源，又靚又舒服
好快就去到一個形如新月既翠月潭，潭水好清好深，好靚
繼續都有流瀑水潭，水質又未受污染，果然係一條靚澗
前行又遇高瀑，瀑底又有深潭，要由右方山路上頂
對於好多石澗黎講，凌風都算係一條大澗，偶然要經過小段林草澗段
過此就會出現層層岩塊既水道，呢度就係頁岩飛絮
上到頁岩頂，就已經係鳳凰徑，亦係凌風第二段出口，有時澗可以上溯第三段，我地就返落大澳...(快D落山呀...趕船呀...)
回首頁
回主頁