上女婆山有好多路可選擇，我地係富安花園起步
係梅子林路開始上山，山路都幾斜，一開始就係咁上，不過到半山已經可以望見吐露港景色
上到脊頂，就可以欣賞沙田馬場；山脊有D似青山九徑既特色，草短脊貧，咁啱遇見植樹工人，我地又種一棵
山頭碎沙碎石處處，一段山路勁斜
上到第一個峰頂，可以望見鹿巢山，又可以眺望石芽山，左面條北脊就係我地接住要行既地方
上頂之前，要落返少少，呢度都有個小石城
到咗最高點喇，南行山路去女婆坳沿山脊落山，
就會見到女婆山最大既石景
由山頂南行，山路好行清晰，呢度如困西行可以去到沙田醫院或者黃泥頭
西脊都有D石景，呢度可以欣賞到沙田市既景色；沿南脊繼續行，山路突然比一舊大大舊既石截斷咗
山路冇咗，原來係要係巨石旁邊石罅間落去
不過落去之前，可以探遊一下呢舊巨石石頂，
影兩張相先，落山就要係石既右邊
呢舊就係巨石喇，土名叫豪豬石，都唔知點解?但以岩石計，呢舊都算見過既最大喇...
係巨石對面，又另一巨石，石頂一"專專"豆腐咁樣，
點解D石頭會堆疊成咁既樣...你都咪話唔奇
巨石既東邊係一幅高崖，要爬上上面D"豆腐"唔容易，
行去懸崖邊就唔難，不過就要小心
呢舊似長征二號既傢伙，有人話佢不文
又有人話見到個人樣，總之，係一舊奇石
遊賞完之後，繼續落山去女婆坳
到女婆坳，就係"梅花古道"(喂...直去可以上石芽山架...)
東行可以去梅子林，西行可以去花心坑
去到梅子林，03年"山頭霸王"就係係呢度大休
其實係呢度都可以見到"豪豬石頂"
回首頁
回主頁