由大尾督出發，經船灣郊野公園遊客中心，
上引水道，進入呢條八仙嶺自然教育徑
上一列梯後，春風亭就在前面，春風亭背後既故事相信大家都會知道(敬個禮先...)
沿八仙嶺自然教育徑上行冇耐，留意左邊警告路牌，就係上馬騮崖既入口山路；山路崎嶇入林，都幾辛苦
頭半段都係樹林裏面，好焗，後半段離開樹林進入馬騮崖，山路更斜，不過就有風同風景靚
馬騮崖上就要小心上爬(慢慢爬啦...)
上左馬騮崖，可以係崖頂休息，欣賞下風景
再走一段路就到仙姑峰頂，再由仙姑峰出發，乜峰物峰咁上上落落
係進入八仙嶺自然教育徑時，有個告示牌清楚列晒八仙既次序
上上落落一輪，去到八仙最後一峰(純陽峰)中間一段石台，山路好走，沿途山脊風景又靚
再經過犁壁山上最高既黃嶺，之後就去到最靚既屏風山，呢度既山脊真係好靚
橫過屏風山，下望鶴藪水塘，景色真係一流，沿衛奕信徑落水塘
呢段山路唔弱，都幾斜，會落到腳震
一路落到河谷，望住鶴藪水塘好靚，不過腳震
好靚既鶴藪水塘，又名拋珠坑
到水塘啦，鶴藪係一處風光明媚既地方，有時間可以慢慢行，影多幾張相，然後經過營地到鶴藪圍坐小巴離去
