係東涌望向婆髻山同薄刀屻之間，大水時就會見一流水充沛既瀑布，綠叢裏既一片白
若係婆髻山既山脊上面，亦可以睇見呢條婆髻西坑既瀑布
不過咁有氣勢既流水，就一定要係大雨之後
探遊此澗好方便，只要沿翔東路向大蠔灣方向就到
昔日澗口細小多雜草，今日...好闊大呀...
澗口真係好闊，好似黃龍咁闊
入澗後有一個人工儲水池，可以玩下水都得
跟住一段都係係樹林裡面穿梭，偶有細潭小瀑；此澗澗勢一直上升
突然，前面就出現一幅巨石壁
呢幅壁有D似飛鳳石澗既第一層石壁
石壁分兩層，呢度第二層，大水時，就係係山下見到巨瀑，可惜今日冇乜水，冇瀑睇，但可以直接爬壁都上到瀑頂
上到瀑頂，可以望下東涌既景色；之後既路段又係深於樹林裏面
澗壁之上就生滿青苔，不過尚算有水潭
再上，又有一高壁出現，都係果句...冇水
上源澗道甚陡斜，不過都唔算太難行
此澗唔算長，上源又收得好窄，此時己可以
依澗左向婆髻山脊離澗
回首頁
回主頁