由鹿頸起步，到鳳坑家樂徑開始上山
沿家樂徑行一段，之後就要接小徑向山脊上面進發
(呢度就係山路入口...)
沿山脊上山落山，都幾斜架；不過就植滿樹，可以扶住行，風景都唔錯
過咗植林區，有小路轉上較崎嶇既山頭，山上已經開始冇樹，太陽下都幾晒
上到一個山頭，己可以望見鹿頸既風光
呢段路，就係咁，係山頭一路向上向前行
去到"亞媽笏"附近高300m既山頭，有個山火瞭望台
再前行落到一個分岔路，四通八逹，"谷埔"方向
呢段路好靚，好有投入大自然既感覺
上吊燈籠路既山路，你唔會錯過，皆因有個危險警告牌棟咗係到，如果大路直落就會去咗"分水坳"
呢度開始，一上一落真係好斜，斜到要用繩先行到
黎到呢度，兩邊山勢變得好削，已經可以見到"芬箕托"同吊燈籠，同埋"上下苗田"谷地
前面就係芬箕托，高369m，係度欣賞"烏蛟騰"就最好
過咗芬箕托就係上最高既吊燈籠，又上
回望芬箕托山脊，好景好靚
終於到目的地喇，風景好靚，係度睇"三椏涌"最靚
我地向東脊落山，完成一條直線路程，同時又可以繼續欣賞荔枝窩、梅子林既景色，而且條線會經過最險削一脊
話時話，就去到一個石堆山頭
東脊既南坡就係最危削既地方，沿脊頂行，好有氣勢，加上背景三椏灣，真係好精彩
呢度就係東脊南坡既危崖，絕對唔講得笑
山路比南蛇尖重斜，又要小心落山，又要分心望靚風景，真係唔簡單，遠處就係三椏村
東脊真係斜得好緊要，落到平路時又有路牌
回望返吊燈籠同東脊，個山雖然崎嶇，但係好靚
回首頁
回主頁