由黃泥涌水塘公園出發，可以先坐車去黃泥涌峽，後面就係陽明山莊同黃泥涌水塘堤壩
係水壩位就可以右入大潭郊遊徑
如果有時間重可以到黃泥涌水塘公園玩下喂魚影下相
沿小路上就會見到路牌，右去紫羅蘭山徑，左去上山
上山途中，可以西望高430m既聶高信山
又可以欣賞黃泥涌水塘景色
上高D重可以望到灣仔添
到頂喇，欣賞下陽明山莊先
今日黎主要係睇法國空軍表演，搵個好位先
結果因為煙霞關係，只係睇到咁既樣
突然有兩架飛得好近...喂...
搵飛機多過睇，走人啦...
呢度就係山頂上大潭郊遊徑同衛徑既交界位
係山頂欣賞大潭三水塘既景色，可惜都係大煙霞
紫羅蘭山始終係好風景，沿衛徑向淺水灣坳落山
回望紫羅蘭山頂，景色都唔錯
呢條就係衛徑喇，呢個就係Pater喇
沿路都係石級，好好行...落既話
嘩...對面孖崗山條山路，勁呀
沿路落風景都好靚，又可以望見淺水灣
落到淺水灣坳紫崗橋，呢到既山徑四通八達，紫崗橋石澗係5號澗流入大潭中水塘，我地就行大潭中水塘邊小徑去水壩
經過4號澗，長連山同孖崗山之澗既石澗
到咗3號澗，可稱長連坑，或長潭3號澗
呢度就係2號澗，同樣係長連山，所以可稱為長潭2號澗
一號澗冇野睇，睇下深長既大潭中水塘啦
大潭中水塘既水壩都好靚
外望大潭中水壩就更加靚，又古典又有氣勢
我地沿雙潭石澗上大潭水塘，再沿港島徑出大潭灣，地目的地係去大潭主壩
由車路去到主壩前，左邊有水泥路通落大潭灣
大潭主壩，大家都應該見過喇，係電視雜誌
主壩好靚好有氣勢，大水時有水流，冇水可以爬...^^
壩前一條石磚橋，古裝片時裝片都係度拍過戲
繼續沿海灣行，景色都好靚，水退時重可以走落海灣玩添
回首頁
回主頁