在春回大地既時候，加上燕岩既原始，此一遊就見到唔少毛蟲，先睇睇呢度其中四種
係大埔墟火車站坐23k專線，記得加多五毛坐到元墩下先落車，避雨亭就係起點，我地後面條路入去
呢度係元墩下廢村，一年比一年原始，昔日都重有條明顯山路上燕岩，而家變成玩war game既好地方；記住見後面石屋，就要行右邊小路入
進入森林小路，樹林竹林遮天蔽日
稍為前行就可以落澗，澗道臧於樹蔭下，石頭都生滿青苔，唔多人行，蛛網重重，不過澗道都尚算寬敞
以前村民築既引水道，今日保持完整，但變成綠色
澗道中段，較為開揚，偶有大石已經係景點
嘩...有瀑布，燕岩既瀑，大概都係咁上下啦
澗道不算平緩，尚要向上稍爬，石頭多但冇乜特色
又有一瀑，要求唔高，呢個都唔錯
終於黎到全澗最大既"彩燕潭"，彩燕潭承接小瀑流水，要求唔高都真係幾靚，水清且奇寒刺骨
不過話明係嬉水，梗係玩下水啦，(好凍呀...~~)
大休完繼續上路，闊明既河道維持唔係好耐，襯而家好影多兩張相
上源澗道稍陡，又開始進入林帶啦
燕岩溪始終係一條大澗，澗道始終都夠闊落，不過澗雖闊，石雖大，蜘蛛亦一籮籮
上陡既澗道終於出現一度隱蔽既斜瀑，難以觀賞
上到上源仍然好闊落，但水源就開始枯乾
未係大水時節，上源就真係得條乾溪，唯有玩下石景啦
終於可以離澗，有隱蔽山路上接麥理浩徑，但係山徑耐冇人行，好刮腳
大帽山各山頭既草都唔算太長，加上麥理浩徑闊邁，上到黎都心情開朗
大帽山頂有好多石景，如果要玩都可以玩足一日，椰子騎住呢舊叫石龜，亦係石椅
過猴岩頂，向北行有山路返落梧桐寨，重可以順路經梧桐石澗，風景唔錯
沿山徑落山可以望見林村谷地，風景好靚！
我地繼續去梧桐石澗
回首頁
回主頁