先上青山寺，係屯門IVE起步，沿環山路上山就可以
回頭是岸，如果唔好腳骨力就真係...
嘩...望上去，真係回頭是岸呀...
青山禪院，即係青山寺，以前叫杯渡寺
上到黎就梗係遊遊啦，杯渡遺蹟
高山第一...好似中國D山咁...
你知唔知杯渡呢一個傳說，如果唔知，就自己搵下資料啦...^^
遊完青山寺，係寺既左邊有好靚既路上山
黎到呢個分岔位，左去就係半山橫移，右去就上頂
呢條路係咁上梯，就係咁望住青山頂進發
辛苦就一定，不過風景好靚，(喂...我屋企呀...)
再上高D就可以望見兆康苑，靈渡山，天水圍
欄杆路去到350m左右，之後就係較崎嶇既山路
右邊山脊係懸崖，前排又比火海洗禮
上到460m高，脊邊有D石位好精彩，睇景一流
呢度已經接近山頂，左邊係一個深峽
呢度係一個好靚既觀景台，下臨無底，前面就係青壁三壁既絕崖，再過係青蝶石河，好直...
上到脊頂，就會見到呢個歷史悠久既"韓陵片石"亭
係"韓陵片石"亭裏面有一塊"遊青山記"，有時間既話就可以了解一下；呢個古亭對上就係山頂既發射站，係度可以高瞻遠望沙洲，龍鼓洲，后海灣
青山頂峯發射站，整個山頭比佢霸咗
中間有一路可通南北，走到去南脊頂，欣賞危崖陡脊同蝴蝶灣
南脊頂真係好精彩，可以眺望黃金海岸
欣賞完返過北脊頂，因為呢邊一樣精彩
黎幅龍鼓沙洲剪影，好靚
北脊頂，精彩處就係呢塊奇石，只係靠幾點撐住
係北脊頂回望青山頂峰
呢塊奇岩真係精彩，石質都好特別
係北脊頂就可以眺望北邊平原
北脊頂上面個發射站係迷彩既...(玩打鼓...)
呢條真係一個好好既健身徑黎架...(我唏...)
因為我地既目的地係望后溪，所以唔係南脊，亦唔係北脊落，而係係西脊落青山後面，呢條山路好斜好崎嶇
後面就係望后溪既上源，高400幾米既山頭
行行下發現西脊上有一個石塔，梗係走去玩啦
呢個石塔唔太難去，背景重係鳳凰山同彌勒山添
跟住就接入望后溪，我地就由望后溪落澗離開
回首頁
回主頁